ھب چوکی : بی وائی سی زھرشانی سر ءَ پولیس ءِ اُرش، تیرگواری ءُ دزگیری

ھب ءَ زیشان زھیر ءِ درکانودی کوش ءِ ھلاپ ءَ زھرشانی، پولیس ءَ دارگ ءِ جُھد کتگ زھرشانی کنوکانی سر ءَ تیرگواری پچ کتگ-

بی وائی سی لسبیلہ ریجن ءِ رِد ءَ زیشان زھیر ءِ درکانودی کوش ءِ ھلاپ ءَ بلوچ یکجھتی کمیٹی ءِ نیمگ ءَ چہ مروچی ھب چوکی ءَ یک پُرایمنیں زھرشانی برجم داشتگ-

گل ءِ رِد ءَ زھرشانی کنوک زورانسری ھلاس کنگ جُھد کتگ اے میان ءَ پولیس ءِ سادھیں پوشاکانی کارندھاں ءُ انتزامیہ ءِ ساڑی بیگ ءَ تیرگواری کتگ چریشی ءِ آسر ءَ بازیں مردمے ءِ ٹپی بیگ ھال اِنت-

اے میان ءَ پولیس ءَ بیگواھیں مردمانی کھولاں ھوار بازیِں زھرشانی کنوکی دزگیر کتگ اَنت-

بلوچ یکجھتی کمیٹی ءَ اے وئیل ریاستی زوراکی گْوشان ءَ تُرندیں لبزاں گوں ایر جتگ، کمیٹی ءِ گوشگ اِنت کہ پُرایمنیں زھرشانی ءُ مُچی ھک ھرچ شھری ءِ آئینی ءُ میان استمانی انسانی ھکانی بُنیاد ءَ منگی ھک اِنت کہ تاکت سر ءَ ایرموش کنگ کابل ایر جنگ اِنت-

بلوچ یکجھتی کمیٹی ءَ ھب ءِ ایس ایس پی فضل شاہ، ڈپٹی کمشنر نثار احمد لانگو ءَ ایم پی اے میر علی حسن اے وئیل زمہ وار گْوشتگ کہ اے اپسیر ھب ءِ دمگ برجاھیں ریاستی زوراکی کمکاری جوڑ بیتگ-

گل ءَ انسانی ھکانی گلاں ءُ بلوچ راج ءَ چہ لوٹ کتگ کہ آ اے درکانودی گامگیج ءِ ھلاپ ءَ توار چست بکن اَنت ءُ ھب ءَ برجاھیں ریاستی زوراکی ءَ زوت دلگوش دیگ بہ بیت-

درشان ءِ گُڈی ءَ گْوشتگ کہ بلوچ یکجھتی کمیٹی لسبیلہ ریجن ءَ تچک کتگ کہ آ اے زوراکی ءِ پندلاں چہ تُرس آماچ نہ بہ ایں جُھد ءَ چہ انساپ ءِ مول ءُ مراد ءَ جُھد ءَ برجاہ دار ایں-

زانگ بہ بیت کہ زیشان زھیر ءِ کوش ھلاپ ءَ بلوچ یکجھتی کمیٹی ءِ نیمگ ءَ چہ سرجمیں بلوچستان ءَ زھرشںی زرمبشت برجم دارگ جار جتگ اَت کہ چریشی ءِ بُنیاد ءَ اشی ءَ ساری بلوچستان ءِ دمگ پنجگور، تربت، ھاران، نوشکی ءَ زھرشانی کنگ بیتگ وھدے کہ چاگی کش ءُ گوراں ھڑتال بیتگ-

ھب زھرشانی سر ءَ پولیس اُرش ءَ چہ ساری گوستگیں روچ ءَ کراچی ءَ بی وائی سی زھرشانی سر ءَ سندھ پولیس ءَ بیڑبرتگ ءُ بازیں زھرشانی کنوکی دزگیر کتگ اَت-

بلوچ یکجھتی کمیٹی ءَ گْوشتگ کہ بلوچستان ءَ زیشان زھیر وڑیں ورنایاں درکانودی کوش، آئین ءُ کانود ءِ ھلاپ ءَ زورانسری بیگواہ کنگ ءُ کوش ءِ وئیلاں گیش بیگ ءَ اِنت چریشی ءِ ھلاپ ءَ بلوچ یکجھتی کمیٹی ءَ وتی پُرایمنیں زھرشانی نکش کنگ ءَ اَنت ءُ اے ریاست ءِ نیمگ ءَ چہ کریک ڈاؤن دیمپانی اِنت-

گل ءَ انسانی ھکانی ادارھاں چہ دزبندی کتگ کہ آ بلوچستان ءَ برجاھیں ریاستی زوراکی گامگیج بزیر اِیت ءُ پُرایمنی سیاسی کارکنانی ھک ءَ زھرشانی پلامرزی ءَ بہ کن اَنت-