بلوچ لبریشن آرمی ءِ جارکش جیئند بلوچ ءَ وتی شنگ کتگیں درشان ءِ تہ ءَ گوشتگ کہ مئے سرمچاراں ھوشاپ ، کلات ءُ زامران ءَ زورگریں پوج ،آئی ءَ راشن سرکنوک ءُ لٹ پُل کنوکیں کمپنی ءِ سرا اُرش کتگ ۔ ءُ سرمچاراں سی پیک دگ وتی کنٹرول کتگ بازیں اداراں دگ بستگ ۔
جارکش ءَ سرجمیں ھال داتگ ءُ گوشتگ کہ مئے سرمچاراں گوستگیں شپ ءَ کیچ ءِ دمگ ھوشاپ گونڈسرین ءَ لیویز تانہ وتی کنٹرول ءَ کتگ ءُ تانہ ءِ درسیں کارمند دزگیر کتگ انت ۔ آئی ءَ گوشتگ سرمچارانی دگہ ٹولی ءَ سی پیک ءَ دگ بندی کتگ ۔
ھمے میان ءَ زورگریں پوج ءَ کواڈ کاپٹر ءِ کارمرز کتگ کہ سرمچاراں جتگ ۔زورگریں پوج ءَ گاڑیانی دیم دیگ ءِ جھد کتگ کہ دگ بندوکیں سرمچاراں نشانگ کتگ کہ زورگریں پوج ءِ یک گاڑی ءِ اُرش ءِ زد ءَ اتکگ چریشی ءَ چار کارمند مُرتگ انت ءُ بازینے زدگ بوتگ انت ۔
جارکش ءَ گوشتگ کہ بی ایل اے ءِ سرمچاراں کلات ءِ دمگ منگچر ءَ زرد ابداللہ ءَ ھندی دگ جوڈ کنوکیں لٹ ءُ پُل کمپنی ءِ مزنیں مشین مانداشتگ ءُ تباہ کتگ انت ۔
آئی ءَ گوشتگ کہ زامران ءِ دمگ گیشتگان ءِ نزیک ءَ بلوچ لبریشن آرمی ءِ سرمچاراں گوستگیں روچ ءَ زورگریں پوج ءِ ھاتر ءَ راشن بروکیں یک ٹرک گاڑی ءِ ریموٹ کنٹرول بمب اُرش ءِ کتگ ءُ تباہ کتگ ۔
آئی ءَ گوشتگ کہ بلوچ لبریشن آرمی اے درسیں ارشانی زمہ واریاں من ایت ۔