شال : ورنا غلام علی بلوچ زورانسری بیگواہ کنگ بیتگ

بلوچستان ءِ بُنجاھی شھر شال ءَ پاکستانی پوج ءَ یک ورنایے آوار جتگ ءُ بیگواہ کتگ-

کھول رِد ءَ بیست دو جون دوھزار بیست پنچ ءَ مستونگ کلی دتو ءَ چہ سیادی داروکیں نودربر غلام علی بلوچ ء شھید عبدالحکیم بلوچ پاکستانی چیریں ادارھاں شال جناح ٹاؤن وتی سیادانی عبدالنبی ساسولی ءِ لوگ ءَ چہ بے وارنٹ ءَ آوار جتگ ءُ بیگواہ کتگ-

کھول گوشگ اِنت کہ غلام علی ءِ دزگیری ءَ پد تنی وھدے اے درگت ھچ وڑیں سرپدی دیگ نہ بیتگ-

کھول ءَ ھکومت، آمیدگس، انسانی ھکانی گل ءُ میان اُستمانی مردماں چہ دزبندی کتگ کہ غلام علی بلوچ ءَ زوت یل کنائینگ ھاتر ءَ توار چست بہ کن اِت ءُ گامگیج بزور اِت-

بلوچ اسٹوڈنٹس آرگنائزیشن ءِ بُنجاھی جارکش ءَ گْوشتگ کہ جمھوری لیکہ سر ءَ سیاسی رھشوناں زورانسری بیگواہ کنگ ریاستی زوراکی ءَ پدر کنت-