اسرائیل ءِ اُرشاں پاسداران انقلاب ءِ سروک ءَ ھوار دو سائنسدان بیران، ایرانی میڈیا ءَ ھال راست کتگ

گوستگیں شپ ءَ ایران ءِ بنجاھی شھر تھران ءُ اسپھان ءَ اسرائیل ءَ اُرش کتگ ءُ چریشی ءَ چہ بازیں جاھاں تراکانی توار اشکنگ بیتگ انت-

ایرانی سرکاری میڈیا ءَ تھران ءَ اسرائیل ءِ اُرشاں سپاہ پاسداران انقلاب ءِ سروک حسین سلامی ءِ بیرانی ءِ ھال راست کتگ-

عرب نیوز ءِ رد ءَ اُرش ءِ وھد ءَ حسین سلامی پاسداران انقلاب ءِ ھیڈکوارٹر ءَ جاڑیگ بوتگ-

سرکاری ٹیلی وژن ءَ گیش گوشگ بیتگ بنجاھی شھر ءِ جھمنندی جاھاں ھم بیتگیں اُرشاں بازیں زھگانی بیرانیانی ھال انت- ایرانی میڈیا ءُ چمدیستگیں مردمانی رد ءَ نطنز ءُ ڈیھ ءِ گچینی یورینیم ءِ بنجاھاں ھوار دگہ جاھاں تراک بیتگ انت-

ھمے وڑ ءَ اسرائیل ءَ پسھی میزائل ءُ ڈرونانی گمان ءَ گشادی جاورانی جار جتگ-

ریکارڈ بیتگیں ویڈیو کلوہ ءَ اسرائیل ءِ سروزیر بینجمن نیتن یاھو ءَ راست کتگ کہ نیوکلیئر بمب ءِ تیار کنوکیں ایرانی سائنسدانانی، بیلسٹک میزائل ءِ پروگرام ءُ نطنز ءِ یورینیم بنجل نشانگ کتگ انت-

دومی نیمگ ءَ ایران ءِ سپریم لیڈر ایت اللہ حامنہ ای ءَ ھم گوشتگ اسرائیل ءَ وتی واستا بیمناکی ءِ اُرش وت گچین کتگ اسرائیل تیار بہ بیت انت-