تربت : پاکستانی پوج ءِ دست ء زورانسری بیگواہ کنگ بیتگیں بشیر احمد پہ سلامتی یل بہ کن اِت- کھول

پاکستانی پوج ءِ دست ءَ زورانسری بیگواہ کنگ بیتگیں نعیم بشیر ءِ کھول ءَ پریس کانفرنس کنان ءَ گْوشتگ کہ مروچی ما اد ءَ گم ءُ بے وسی ءَ چہ یکجاہ بیتگ ءُ دانکہ وتی بیگواھیں چُک نعیم بشیر ءِ یل کنائینگ ءَ واستا توار چست کت بہ کن ایں-

کھول ءَ گْوشتگ کہ نعیم بشیر پنچ فروری دوھزار بیست پنچ بھمن ءَ چہ لوگ ءَ شپ ءِ کساس چار ءَ چست کتگ برتگ-

آیاں گوشتگ کہ نعیم بشیر وتی پت ءِ یکیں چُک اِنت آئی ءِ ساڑی نہ بیگ ءَ سرجمیں کھول سک سسّائی ازیت ءُ درد ءُ رنجانی تہ ءَ دوچار کتگ-

آئی ءَ گْوشتگ کہ نعیم بشیر شانزدہ سالیں ئیں کودکیں پُرایمنی ءُ زانت دوستیں نودربرے آ دوازدھمی تبک ءِ نودربرے بیتگ، اے میان ءَ دو ائید گوستگ اَنت بلے مئے کھول واستا شاتکامی جاہ ءَ گم ءُ رنج ءِ سبب جوڑ بیتگ اَنت-

کھول ءَ گْوشتگ کہ نعیم بشیر ءِ زورانسری آوار جنی چار ماہ ءُ نیم بیتگ ما یکو دمگی انتزامیہ دمگی واجکاراں گوں گپ دیوان کتگ ھر وھد ءَ مارا تسلہ داتگ کہ نعیم بشیر یک دو روچ ءَ یل کنگ بیت بلے ودار کنگ ءَ مئے ھوسلہ ھلاس اِنت- ما پُرایمنیں شھری ئیں ما انتزامیہ ءِ مزنیں واکداراں چہ دزبندی کن ایں کہ نعیم بشیر ءَ زوت ءَ چہ زوت یل بہ کن اِنت اگاں ناں ما لاچار بہ ایں نندانک ءُ شٹرڈاؤن نیمگ ءَ رو ایں-