ناشرکاری ءِ دارگ ءِ کِرد- ٹی بی پی شونگال

ناشرکاری ءِ دارگ ءِ کِرد

ٹی بی پی شونگال

بلوچستان ءَ مانگش اتگیں سرکار ءِ گیر سنجیدگیں پیسلہ ءِ زیرگ ءِ سر ءَ دردناکی ءِ ودینگ ءِ درچ برجاہ انت- زورانسری بیگواھی ءُ ریاستی زوراکیانی ھلاپ ءَ سرجمیں بلوچستان ءَ مھلوک زھرشانی کنگ ءَ انت، بلے پاکستان پیپلز پاٹی ءِ مانگش اتگیں سرکار ءَ بلوچستان اسمبلی ءَ ناشرکاری ءِ دارگ ءِ ( بلوچستان ترمیمی) کرد 2025 منینتگ زورانسری بیگواھی ءِ وڑیں گیر آئینی گامگیجاں کانون ءِ دروشم دیگ ءَ انت-

بلوچستان ءَ ناشرکاری ءِ دارگ ءِ کرد 2025 سیکیورٹی ایجنسیانی گیشیں چارجز کجام ھم مردم ءَ درکانودی دزبندی ءَ ابید سَے ماہ ءَ داں دزگیری جاہ ءَ دارگ ءِ واک ءَ دنت، چوشکہ نا اوپار کنوکیں گامگیجے – چریشی ءَ پاکستان ءِ آئین ءِ داتگیں بنیادی ھک لگتمال بنت –

پاکستان ءُ بلوچستان ءِ انیگیں اڑوکی سرکار بازیں وھداں بلوچستان ءَ زورانسری بیگواھیاں انکاری کنگ ءُ پیداک انت بلے اے کرد ءِ منگ ءَ پد تچک بوتگ کہ بلوچ سیاسی باسکانی زورانسری بیگواھی ءُ ریاستی زوراکی چیردیگ پشت نہ کپتگ-

بلوچستان ءُ میانی اُستمانی پھناتاں زورانسری بیگواھی ءُ ریاستی زوراکیانی ھلاپ ءَ چِست بیتگیں توارانی پروش دیگ ءَ پاکستان پیپلز پاٹی ءِ مانگش اتگیں سرکار زورانسری بیگواھیاں کانون ءِ دروشم دیگ انت دانکہ درکانودی کوشانی گامگیجاں ریاستی گامگیجانی ھلاپ ءَ چِست بیتگیں زرمبشتانی دارگ ءَ کانون ءِ نامو ءِ درچ ءَ داشت بہ کن ایں-

زورانسری بیگواھی ءِ سنگینیں جیڑہ ءُ انسانی بنکی ھکانی گامگیج ءِ درچ ءَ کیت انت ، چُشکہ انیگیں سرکار ایشی ءِ سر ءَ گامگیج زیرگ ءَ بے واک انت – اے اڑوکی کرد ءَ اگاں ریاستی زوراکی ءَ کانون ءِ ساھگ رس ایت بلے اے جیڑہ ھلاس نہ بیت انت ءُ بلوچستان ءَ ھوار میان استمانی ھکانی پھناتاں ایشی ءِ ھلاپ ءَ توار چِست بنت –