زورگریں پاکستانی پوج ءُ وتگڑیں شاتکامی ءِ سرا بوتگیں اُرشانی زمہ واری ءَ منّ ایں – بی ایل اے

بلوچ لبریشن آرمی ءِ سرمچاراں شال ءُ مستونگ ءَ زورگریں پاکستانی پوج ءُ آئی ءِ وتگڑیں سوبمندی شاتکامی ءِ سرا ارش کتگ –

آئی ءَ گوشتگ کہ سرمچاراں مروچی شال ءَ زورگریں پاکستانی پوج ءِ سروکی ءَ منیر مینگل دگ ءَ برجم داشتگیں وتگڑیں “سوبمندی ءِ شاتکامی” روانک ءِ سرا گرنیڈ اُرش ءِ کُتگ – اے روانک چانیگ واریں ایم پی اے علی مدد جتک ءِ سروکی ءَ کشگ بوتگ – سرمچاراں روانک ءِ دیم ءَ سلاہ بندیں کشندہ ٹولی نشانگ کتگ انت چریشی ءَ کارمندے مُرتگ ءُ دوازدہ زدگ بوتگ انت –

چانیگ واریں بلوچستان سرکار ءَ چہ تُرس ءَ سرجمیں شال ءَ کنٹینر جتگ ءُ زورگریں پوج ءِ سروکی ءَ وتگڑیں شاتکامی دارگ ءُ جھان ءِ چماں ھاک مان کنگے جھد کتگ بلے مروچی اے راستی جھان ءِ دیم ءَ پدر بوتگ کہ بلوچ آجوئی زرمبش راج ءِ پلامرزی ءَ مھکمیں دروشمے ءَ سر بوتگ کہ بلوچستان ءِ کنڈ کنڈ ءَ زورگریں وت ءَ تُرس تہ ءَ انت -.

جارکش ءَ گوشتگ کہ سرمچاراں گوستگیں شپ ءَ مستونگ ءَ سی سی ایم کراس ءَ زورگریں پاکستانی پوج ءِ کارمند دزبمب ءِ جتگ انت، چریشی ءَ چار کارمند زدگ بوتگ انت – اے پانگس ءَ پٹ ءُ لوٹ نام ءَ بلوچ راج دلسیاہ کنگ بوتگ کہ ادا بلوچ زالبول ءُ کماش ھم بکشگ نہ بوتگ انت –

جارکش ءَ گڈسر ءَ.وتی درشان ءِ تہ ءَ گوشتگ کہ اے اُرشانی زمہ واری ءَ بی ایل اے منّ ایت ءُ زورگریں پاکستانی پوج ءُ آئی ءِ ھمکارانی سرا مئے اُرش برجاہ مان انت –