کیچ، دشت ھور شولیگ ءِ جھمنند طاھر ء اللہ بخش ءِ کھول ءَ گوشتگ طاھر گوستگیں دو شمبے ءَ چہ گوادر ءَ بیگواہ انت- ورناہ ءَ یک گاڑی یے گون بیتگ کہ تیل ءِ واپار ءَ کنگ ءَ بیتگ-
کھول ءِ رد ءَ دوشمبے ءِ روچ ءَ طاھر اللہ بخش گوادر ءَ بیتگ کہ وتی گاڑی ءِ شر کنگ ءَ گیراج ءَ شتگ ءُ پد ءَ بیگواہ کنگ بیتگ-
کھول ءَ گوشتگ ما وھدیکہ جست ءُ پرس کتگ گڑا کوسٹ گارڈ ءَ من اتگ طاھر ما گپتگ ءُ یل دے ئے بلے دومی رند ءَ رھوت کتگ کوسٹ گارڈ وتی گپ ءَ بَج اتگ-
کھول ءَ گوشتگ طاھر واپاری ورنایے آئی ءَ ھچ وڑیں سیاسی پاٹیاں گوں دزمانجنی نیست انت ءُ دیل دیگ بہ بیت انت-