بلوچ یکجھتی کمیٹی نال زون ءِ نیمگ ءَ شنگ بیتگیں درشانے ءَ گوشگ بیتگ کہ چہ گوادر کنٹانی ھور ءَ پاکستانی پوج ءَ نال ءَ سیادی داروکیں شش مزدور آوار جتگ ءُ بیگواہ کتگ انت-
آوار جنگ بیتگیں مردمانی پجار نزیر اھمد ء رھمت اللہ، وزیر اھمد ء رھمت اللہ، ھکمت اللہ ء عزیز اللہ شاھوانی، ممتاز ء مھمد اسماعیل شاھوانی، لیاقت ء مھمد انور شاھوانی ءُ اقبال ء گلام رسول شاھوانی ءِ ناماں زانگ بیتگ انت-
گل ءِ رد ءَ اے مردم پنچ مئی ءِ شپ ءَ پاکستانی پوج ءَ آوار جتگ ءُ بیگواہ کتگ انت-
بلوچستان ءَ مردمانی بیگواھی ءِ درچ روچ پہ روچ سنگین بیان انت ءُ پیداک انت ھمک روچ مردمانی بیگواھی ءِ اھوال دیم ءَ آیگ ءَ انت-