ڈاکٹر ماہ رنگ بلوچ ءَ ھوار بلوچ یکجھتی کمیٹی ءِ باسکانی دزگیری ءِ ھلاپ ءَ بلوچستان ءَ زھرشانیانی درچ یکشل ءَ برجاہ انت-
اے درچ یکشمبے ءِ روچ ءَ کلات ءِ شھر ءَ بلوچستان نیشنل پاٹی ءِ چیردستی ءَ یک روانکے ءَ گوں بندات بیتگ ءُ چریشی ءَ پد زھرشانی ءِ دروشم ءَ اتکگ-
زھرشانی ءَ تران کنان ءَ آیاں گوشت بلوچستان نیشنل پاٹی ءِ رھشوناں ڈاکٹر ماہ رنگ بلوچ ءُ بی وائی سی ءِ رھشون ءُ باسکانی دزگیری ءَ ایر جنت اِنت-
آیاں گوشتگ پیش ءَ بلوچستان ءَ ورنا ءُ کماش چِست کنگ بوتگ انت نی زالبولاں ایم پی او ءِ تَک ءَ دزگیر کنگ ءِ درچ برجاہ انت-
آیاں گوشتگ بلوچستان ءَ زالبول سرکاری زُلمانی ھلاپ ءَ یک پریں توارے ھمیشی ءَ ریاستی ادارہ اے توار ءَ بند کنگ ءِ واستا دزگیری کنگ ءَ انت-
تران کنوکاں گوشتگ ڈاکٹر ماہ رنگ بلوچ ءُ بی وائی سی ءِ دگہ باسک ءُ رھشونانی یل دیگ ءِ لوٹ ءَ کنت اِنت-
زانگ بہ بیت بی این پی ءَ ایشی ءَ پیش بلوچ یکجھتی کمیٹی ءِ زالبولیں رھشون ءُ باسکانی یل دیگ ءِ ھاتر ءَ مستونگ لکپاس ءَ بیست روچاں دھرنا داتگ بیتگ-