شال : ریل ڈیوٹی نہ دیگ ءَ لیویز کارندہ درکنگ بیتگ اَنت

بلوچستان ءَ ریل سروس ءِ میان ءَ ھژدہ لیویز کارندھاں ڈیوٹی دیگ ءَ انکار کتگ، ڈیوٹی نہ دیگ ءَ ھژدہ لیویز کارندہ کشگ بیتگ اَنت-

ڈی جی لیویز کارندھاں درکنگ ٹونیفیکیشن شنگ کتگ – آیانی سیادی بلوچستان ءِ دمگ ھُزدار، سبی، پنجگور ءُ تربت ءَ اِنت-

زانگ بہ بیت ھمے سال مارچ ءَ بلوچ لبریشن آرمی ءِ نیمگ ءَ چی جعفر ایکسپریس سر ءَ اُرش کتگ اَت ءُ ھائی جیک کتگ- ھائی جیک ءِ میان بی ایل اے ءَ سرجمیں بے میاریں مردم یل داتگ اَنت ءُ ریل ءَ سوار سوسد چاردہ پاکستانی پوج ءِ کارندہ یرگمال کتگ اَنت-

بی ایل اے ءَ یرگمالیانی یل کنائینگ ءَ بندیگانی مٹ کنگ شور کتگ ءُ پاکستانی پوج چل ھشت کلاکانی وھد داتگ وھدے کہ اے میان ءَ پاکستانی پوج ءَ لشکر کشی بنداتگ کتگ ءُ بی ایل اے ءِ سرجمیں یرگمالی کُشتگ اَنت-

اے اُرش ءَ پد شال ءَ چہ پاکستان ءِ آ دگہ جاھانی واستار ریل سروس بے مدت ءِ واستا بند بیتگ اَنت-