دریائے سندھ ءِ شش نوکیں کینالزانی ھلاپ ءَ مروچی سیمی روچ ءَ سندھ ءِ بازیں شھراں ھڑتال ءُ زھرشانی نندانک برجاہ انت-
ھڑتال سندھ وکلا کاؤنسل، سیاسی پاٹی ءِ نیمگ ءَ سکھر موٹروے ءَ زھرشانی نندانک داتگ ءُ زھرشانی کنگ ءَ انت-
دومی نیمگ ءَ مروچی جسقم ءِ نیمگ ءَ سرجمیں سندھ ءَ شٹر ڈاؤن ھڑتال کنگ بیتگ-
سکھر ءَ ھوار دگہ جاھاں واپاری کارجاہ بند انت ءُ شھدگانی سر ءَ نندانک دیگ بیتگ انت- کہ چریشی ءِ سبب ءَ بازیں کچے ءَ گاڑیانی لین لگ اتگ انت-
ھمے وڑ ءَ سندھ ءِ اڑوکی شش کینالزانی کشگ ءِ ھلاپ ءَ بازیں جاھاں ریل ءِ لائنز ھم سندھ ءِ بازیں جاھاں بند کنگ بیتگ انت-