چہ شال ءَ سیادی داروکیں دو ورنا پاکستانی پوج ءَ ھما وھد ءَ زورانسری آوار جتگ ءُ بیگواہ کتگ اَنت وھدے آ پکنک کنگ ءَ پد واتر لوگ ءَ روگ ءَ بیتگ اَنت-
شال ءِ جھمنندیں محمد یاسر ءَ گْوشتگ کہ منی برات محمد مدثر ء منظور جھمنند شال سبی ءَ شتگ ءُ یازدہ مارچ ءَ چہ سبی ءَ لوگ واستا درتکگ بلے تنی وھدے انگت لوگ ءَ سر نہ بیتگ-
آئی ءَ گْوشتگ کہ آیاں سک باز شوھاز کتگ بلے تنی وھدے آیانی درگت ءَ ھچ وڑیں ھال دز نہ کپتگ-
آئی ءَ ھمے ادارھاں چہ آیانی یل کنگ ءِ دزبندی کتگ-