پاکستانی وفاقی دارالحکومت اسلام آباد ءَ اِھوالکار وحید مراد ءِ وردی پوشاکانی تہ ءِ مردماں چہ لوگ ءَ چست کتگ بیگواہ کتگ اشی ءَ پد ایف آئی اے آمیدگس ءَ پیش کتگ-
اِھوالکار وحید مراد ءِ کھول ءَ اسلام آباد ھائی کورٹ ءَ ارزبندی داتگ کہ شپ ءِ ساھت دو ءَ وردی پوشاکانی تہ ءِ مردم مئے لوگ ءَ اَتکگ اَنت، پولیس ءِ دو گاڑی ھم اشانی گوم ءَ گندگ بیتگ اَنت-
وحید مراد ءِ ھلاپ ءَ نکش بیتگیں ایف آئی آر دیم ءَ اَتکگ، پیکا ایکٹ سیکشن 9 ، 10 ، 20 ءُ 26 ءِ عمل کنگ بیتگ-
اسلام آباد اِھوالکار سر ءَ نکش بیتگیں ایف آئی آر ءَ سردار اختر مینگل ءِ پوسٹ تلان کنگ ءُ لھتے انچیں پوسٹ ءِ بھتام جتگ کہ اود ءَ بلوچستان ءَ ریاستی رٹ ھلاس ءُ بلوچ لبریشن آرمی ءِ دستیگ درگت ءَ گپ کنگ ءَ اِنت-