ڈسٹرکٹ سٹی پولیس کراچی ءِ جارکش رِد ءَ پولیس ءُ رینجرز ءِ لیاری کش ءُ گور ءِ دمگاں یکجاھی کومبنگ لشکر کشی کتگ-
لشکر کشی ایس ایس پی سٹی عارف عزیز ءِ سروکی ءَ ءُ ایس پی لیاری لعل بخش سولنگی ءِ چارگوزاری ءَ کنگ بیتگ-
پولیس رِد ءَ لشکر کشی ءَ لیاری ءِ سرجمیں ھاس ءُ بے ھاسیں دمگاں کنگ بیتگ – لشکر کشی ءِ میان ءَ جتاجتائیں دکان، لوگ ءُ گاڑی پٹ ءُ پول کتگ اَنت-
لشکر کشی ءَ ایس ڈی پی اوز، ایس ایچ اوز، جنکیں کانسٹیبلز ءِ کارمنداں بھر زرتگ-
پولیس رِد ءَ لشکر کشی ءِ مول ءُ مراد انّگیں ناشرکاری ءِ پُشدر ءَ ایمنی ءِ چارگ ءُ کانود ءِ رِٹ برجم دارگ اِنت-
لشکر کشی میان ءَ بازیں مردمے ءِ پٹ ءُ پول ایپ ڈیوائس ءَ چہ کتگ، وھدے کہ شکی مردم پولیس اسٹیشن ءَ برتگ اَنت جُست ءُ پُرس برجاہ ءَ اِنت-