نوشکی ءَ فدائی اُرش: 90 پوجی کارندہ کشتگ انت- بی ایل اے

بلوچ لبریشن آرمی ءِ جارکش جیئند بلوچ ءَ نوشکی ءَ اُرش ءِ زمہ واری من اتگ ءُ گوشتگ اے اُرش مجید بریگیڈ ءِ یونٹ ءَ لھتے ادار ءَ پیش نوشکی ءَ آر سی ڈی شھدگ ءَ رکشان مل ءِ نزیک ءَ پاکستانی پوج ءِ یک کاروانے ءِ سر ءَ فدائی وی بی آئہ ای ڈی اُرش ءِ نشانگ کتگ – کاروان ھشت بساں ھوار بیتگ چریشی ءَ یک بسے سرجم ءَ فدائی اُرش ءَ تباہ بیتگ-

جارکش ءَ گوشتگ اُرش ءَ پد فتح اسکواڈ ءَ پیشگامی کنان ءَ دومی بس سرجم ءَ انگیر کتگ ءُ دراھیں پوجی کارندہ یک یک ءَ کشان کتگ ءُ کشتگ انت – چریشی ءِ آسر ءَ انگت ءَ 90 کارندہ مرتگ انت-

جارکش ءَ گوشتگ بی ایل اے اُرش ءِ زمہ واری ءَ من ایت زوت رسانکدر ءَ اھوالاں شنگ کنت اِنت-