بلوچستان ءِ دمگ چہ بارکھان ءَ ورنا ایں اِھوالکار آصف کریم کھیتران زورانسری آوار جنی ءِ نشانگ کنگ بیتگ، آ شمبے ءِ روچ ءَ چہ بارکھان ءَ بیگواہ کنگ بیتگ-
آصف کریم کھیتران بارکھان ءِ پریس کلب ءَ چہ ھمگرنچ دمگی اِھوالکارے، چہ بلوچستان ءَ سیاسی گلاں ءُ انسانی ھکانی کارکناں آئی ءِ زورانسری آوار جنی ءِ گپ راست کتگ-
چہ اسلام آباد ءَ انسانی ھکانی ءِ کارکن ءُ بلوچ زورانسری بیگواھیں مردمانی وکیل ایمان مزاری ءَ اِھوالکار ءِ زورانسری آوار جنی ءِ درگت ءَ گْوشتگ کہ آئی ءَ آصف کریم ءِ زورانسری آوار جنی ءِ سر ءَ تُرس اِنت-
ایمان مزاری رِد ءَ آصف ءَ من آں دوھزار بیست چار ءَ چہ پوج ءِ جتاجتائیں آفیسراں سرپدی داتگ کہ آئی ءَ بیھار دیگ ءَ اَنت آئی ءَ پوج بُنجل ءَ لوٹارینتگ بیتگ ءُ بیگواھی ءَ ساری آئی ءِ کھول ءِ دگہ مردم آوار جتگ ءُ بیگواہ کتگ اَنت-
زانگ بہ بیت کہ آصف کریم ءَ پنچ روچ ءَ ساری وتی سوشل میڈیا اکاؤنٹ سر ءَ پوسٹ کنان ءَ گْوشتگ کہ پاکستانی پوج آئی ءِ لوگ سر ءَ بیڑبرتگ ءَ پد نو انتزامیہ ءَ آئی ءِ دکان بند کتگ ءُ منی توار ایرموش کنگ جُھد برجاہ ءَ اِنت-
انسانی ھکانی گلاں آصف کریم کھیتران ءِ زورانسری آوار جنی ایرجنان ءَ زوت یل کنائینگ لوٹ کتگ-