نودربراں زورانسری آوار جنی ھلاپ ءَ اوتھل یونیورسٹی ءَ زھرشانی

زرعی یونیورسٹی اوتھل ءِ نودربراں انوگاں زورانسری آوار جنی ءِ ھلاپ ءَ زھرشانی کتگ زھرشانی ءَ جنک ءُ بچکیں نودربراں ھوار استاداں ھم بھر زرتگ ءُ یونیورسٹی ءِ تہ ءَ روانک کش اِتگ-

زھرشانی کنوکانی دست ءَ اکس ءُ پلے کارڈز بیتگ اَنت بیگواھیں سنگتیں نودربر ءِ زوت یل کنگ ءِ لوٹ کتگ-

زھرشانی کنوکانی گْوشگ اِنت کہ زانت پڑ ءَ ھم بے مُھر کتگ اَنت نودربرانی آوار جنگ کبول نہ اِنت اے مئے زانت ءُ جند زندمان ءِ گوم ءَ لیب ءَ اَنت، ما وتی سنگتانی واتری ءَ تاں بے توار نہ بہ ایں-

نودربرانی رِد ءَ گوستگیں روچ ءَ چہ اوتھل بازار ءَ چار نودربر آوار جتگ اَنت کہ آیانی تہ ءَ گلاب ، بالاچ، ببان ءُ ناصر ھوار اَنت لھتے یل کنگ بیتگ اَنت آ دگہ بیگواہ اَنت-

زھرشانی ءَ نودربراں گوشتگ کہ بلوچستان ءَ نودربراں یکشل ءَ نشانگ کنگ ءَ اَنت، بلے ما وتی ھک ھاتر ءَ توار چست کن ایں اگاں مئے سنگت یل کنگ نہ بیت اَنت گُڑا ما وتی زھرشانی ءَ گیش تُرند کن ایں ءُ اشی ءِ سرجمیں زمہ وار انتزامیہ ءُ واکدار سر ءَ بنت-