یزد: دو بندیگیں بلوچاں پاھو ءِ ھکم دیگ بیتگ

روکپتی بلوچستان ءَ سیادی داروکیں دو مردماں ماں یزد پاھو دیگ ءِ ھکم دیگ بیتگ اَنت ءُ دومی نیمگ ءَ گوستگیں ماہ ءَ پاھو ءِ ھکم ءِ آیگ ءِ سر ءَ اَچ زاھدان ءَ پاھو ءِ ھکم ءَ یل کنگ بیتگ-

یزد ءَ دو بندیگیں بلوچ نشہ واپاری ءِ بھتام ءَ پاھو دیگ ءِ ھکم دیگ بیتگ ءُ جتائیں کوٹیاں برگ بیتگ اَنت-

پاھو سزا ءِ ھکم اتکگیں مردمانی پجار داوود مھمدی ءُ عثمان دھمردہ جھمنند زاھدان ءِ نام ءَ شانگ بیتگ اَنت-

اے مردم پنچ سال پیش یزد ءَ نشہ باپاری ءِ بھتام ءَ دزگیر کنگ بیتگ ءُ چریشی ءَ پد ایرانی آمیدگس ءَ ھردوکانی سر ءَ پاھو دیگ ءِ ھکم داتگ-

دومی نیمگ ءَ چہ زاھدان ءِ بندیگجاہ ءَ کوش ءِ بھتام ءَ پاھو ءِ دیگ ءِ ھکم رد کنگ بیتگ ءُ بندیگ یل دیگ بیتگ –

اھوالانی رد ءَ ابراھیم رودینی ءِ سر ءَ گوستگیں ماہ ءَ پاھو ءِ سزا دیگ ءِ ھکم اتکگ کہ دمگی مردمانی سَلاہ ءُ گپ ءَ پد آ چہ پاھو ءَ رد کنگ ءُ یل دیگ بیتگ-

آئی ءِ سر ءَ یک مردمے ءِ کوش ءِ بھتام بیتگ-