بلوچستان ءِ دمگ کیچ ءَ پاکستانی پوج ءَ گوستگیں شپ ءَ یک مردمے آوار جنگ ءَ پد بیگواہ کتگ-
بیگواہ کنگ بیتگیں مردم ءِ پجّار سھراب راھی ء ماسٹر عصارابی نام ءَ چہ بیتگ-
بیڑ پاکستانی پوج ءَ گوستگیں شپ ءَ کیچ ءِ دمگ شھرک ھند ءَ برتگ-
دمگی وسلیگ رِد ءَ شپ ءِ دو ءِ نزیک ءَ پاکستانی پوج ءِ مزنیں کچے ءَ دمگ انگر ءَ کتگ لوگ سر ءَ بیڑبرتگ لوگ ءَ ساڑی ئیں پت ءُ دگہ مردم سک لَٹ کُٹانی نشانگ کتگ اَنت ءَ اے مرد وتی ھمراھی ءَ برتگ-
وئیل ءِ ھلاپ ءَ شھرک ھند سر ءَ کھول نیمگ ءَ چہ زھرشانی کنان ءَ سی پیک دگ بند کتگ-
سھراب پت ءِ گْوشگ اِنت کہ منی چک چہ لوگ ءَ پاکستانی پوج ءَ چست کتگ- چریشی ءِ سبب ءَ زالبولاں شھرک ھند سر ءَ تربت، شال شھدگ زھرشانی کنان ءَ بند کتگ-
دگ بندی ءِ سوب ءَ دوئیں نیمگاں گاڑیانی لین لگ اِتگ-