روکپتی بلوچستان ءِ دمگ سرباز ءَ ناشناسیں مردماں ایرانی لشکر ءِ بنجل ءِ سر ءَ اُرش کتگ-
گیشیں اھوالانی رد ءَ سرباز ءِ ھند ششکان ءَ گوستگیں دیگر ءَ پد اُرش کنگ بیتگ کہ اود ءَ تیرگواری ءُ تراکانی توار اش کنگ بیتگ اَنت-
دومی نیمگ ءَ روکپتی بلوچستان ءَ ایرانی لشکر ءِ سر ءَ اُرش کنوکیں گل جیش العدل ءَ زمہ واری من اتگ-
جیش العدل ءَ وتی ٹیلی گرام پیج ءَ شنگ بیتگین یک درشانے ءَ گشتگ ششکان ءَ ایران ءِ اسلامی جمھوریہ ءِ ھلاپ ءَ ھاش ءِ جمعہ ءِ ھونین ءِ سالگشت ءِ درگت ءَ اے اُرش کتگ-
زانگ بہ بیت ھمے زوتاں جیش العدل ءِ اے دومی اُرش انت کہ اود ءَ کنگ ءَ انت ئے گوستگیں ھپتگ ءَ آئی ءَ تپتان ءَ ایرانی سیمسری پولیسدارانی سر ءَ اُرش کتگ ات کہ اود ءَ آیاں دَہ کارندھانی کوش ءِ زمہ واری من اتگ ات-
اے گوستگیں دیگر ءِ وھد ءِ اُرش ءِ بارو ءَ تنی وھدی ایرانی واکدارانی ھچ درشان شنگ کنگ نہ بیتگ اَنت-