بمپور: برات ءَ تیرگواری کتگ ءُ وتی گوھار کشتگ

روکپتی بلوچستان ءِ دمگ بمپور ءَ برات ءَ تیرگواری کنان ءَ وتی گوھار کُشتگ-

گیشیں اھوالانی رد ءَ روکپتی بلوچستان ءِ دمگ بمپور ءَ برات ءَ تیرگواری کرتگ ءُ وتی لاپُریں گوھار کشتگ-

بلوچ کمپعن فعالین ءِ رد ءَ بمپور ءِ ھند ءَ زالبول ءَ یک برے سونانی دیگ ءَ پد دوبر آروس کرتگیں مردین ءَ آروس کرتگ ءُ چریشی ءِ پژدر ءَ برات ءَ ناوشی درشان کتگ –

فعالین ءِ رد ءَ برات ءَ گوشتگ ھلک ءُ دمگاں اے بنامی من سگ ات نہ کتگ ءُ چریشی ءَ پنچ ماہ ءَ رند من وتی گوھار ءِ سر ءَ تیرگواری کرتگ ءُ آ کُشتگ-

اھوالانی رد ءَ زالبول پنچ ماہ بیتگ کہ لاپر بیتگ ءُ آئی ءِ لاپ ءَ یک زھگے ھم مان بوتگ بلے آئی ءِ سر ءَ تیرگواری ءَ نیم توامیں زھگ گوں مات ءَ بیران بیتگ-

زانگ بہ بیت روکپتی بلوچستان ءَ اے دابیں وئیل کم رپورٹی ءَ گندگ بنت اِنت کہ بازیں جاھاں چوشیں ھالانی شنگ ءُ تالانی نہ بنت اِنت –