کیچ ءُ کلات ءَ پاکستانی پوج لشکر کشی کنگ گمان

کیچ ءُ کلات ءَ پاکستانی پوج ءِ ھیلی کاپٹرانی گشت برجاہ ، پوج کارمند کوھانی تہ ءَ پُترتگ اَنت-

بلوچستان ءِ دمگ چہ کلات ءَ ھال اِنت کہ نیمروچ وھد ءَ کوہ ناگاھی ءِ کش گور ءِ دمگاں، گزگ ، جھکری، سورانی ، نوبگری ءُ لاغانی ءِ دمگاں پاکستانی پوجی ھیلی کاپٹرانی یکشل ءَ یک کلاکے ءَ تاں بُرز بال بیتگ اَنت چریشی ءَ پد آ سبی نیمگ ءَ شتگ اَنت-

دمگی مردماں لشکر کشی ءِ گمان کتگ-

دومی نیمگ ءَ اِھوالکار رِد ءَ کیچ ءِ دمگ دشت شولیگ ءَ پوج ءِ لھتے کاروان سر بیتگ ءُ چار گاڑی ءُ سے پرپٹ سیاھجی کوہ ءِ نیمگ ءَ گرم وھد ءَ پترتگ اَنت ءُ پد ءُ واتر نہ بیتگ اَنت-

اِھوالکار ءِ گوشگ اِنت کہ پاکستانی پوج ءِ کارمند دشت ءِ جتاجتائیں دمگ ھوتانی بازار ءُ شولیگ ءَ نشتگ-

ھمے گمان کنگ بیگ ءَ اِنت یک بلاھیں لشکر کشی ءَ پاکستانی پوج چن ءُ لانچ ءَ اِنت-