بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ چار جتا جتائیں ارشانی زمہ واری من اتگ ءُ گوشتگ سرمچاراں کیچ ءَ چار جتائیں اُرشاں زورگریں پاکستانی لشکر نزانگ کُرتگ ءُ جانی ءُ مالی تاوان داتگ ءُ سرویلنس کیمرہ ھم نشانگ کُرتگ ءُ تاوان داتگ اَنت۔
جارکش ءَ گوشتگ اولی اُرش ءَ سرمچاراں نوہ اگست ءِ شپ ءِ ھشت ءَ ناسر آباد ءَ برجاھیں دژمنیں لشکر ءِ پانگس گوں ٹوھین ءُ وتکاریں سلاھاں نشانگ کُرتگ ءُ دژمن جانی ءُ مالی تاوان داتگ۔
جارکش ءَ گوشتگ دومی اُرش ءَ سرمچاراں یازدہ اگست ءِ شپ ءِ ھشت ءَ کیچ ءِ بنجاھی شھر تربت، آپسر ءَ برجاھیں دژمنیں لشکر ءِ ٹوھیں بنجل ءِ سر ءَ گوں ٹوھیں سلاھاں اُرش کُرتگ، چہ ایشی ءَ دژمن ءَ جانی ءُ مالی تاوان بیتگ۔
جارکش ءَ گوشتگ سیمی اُرش ءَ سرمچاراں تربت شھر ءَ تالیمی چاراہ ءَ برجاھیں زورگریں پاکستانی لشکر ءِ پانگس ءِ سر ءَ گوں ٹوھیں سلاھاں اُرش کُرتگ کہ چہ ایشی ءَ دژمن ءِ یک کارمندے مُرتگ ءُ یکے ٹپی بیتگ، اُرش ءَ پد سرمچار پہ دْراھی درکپگ ءَ سوبین بیتگ اَنت۔
جارکش ءَ گوشتگ دگہ یک اُرشے ءَ سرمچاراں تربت بالی پَٹ دگ ءَ دژمنیں لشکر ، آئی ایس آئی ءُ ایم آئی ءِ چیر کُرتگیں چاریگی کیمرہ نشانگ کُرتگ اَنت۔
میجر گوھرام بلوچ ءَ گوشتگ دژمن چہ سرمچارانی اُرشاں ھنچوش تُرس ءِ آماچ اِنت کہ لس مردمانی سر ءَ تیر گْواری کنت ءُ وتی تُرس ءَ ھلاس کنگ ءِ بےسوبیں جُھد ءَ کنت، بلے چہ جنگی رپکاں سوھویں سرمچار دژمن ءَ نشانگ کن اَنت ءُ پہ دْراھی دراھگ ءَ سوبین بنت۔
جارکش ءَ گوشتگ چاردہ اگست پہ بلوچ راج ءَ سیاھیں روچے ءِ بستار ءَ دار ایت ءُ اے روچ ءَ برجم داشتگیں مرگشاں سرمچار نشانگ کن اَنت۔ بلوچ راج چہ زورگر ءِ برجم داشتگیں مراگشاں وت ءَ گستا بہ کن اَنت چی ءَ کہ ما آیاں نشانگ کن ایں۔
جارکش ءَ گوشتگ بلوچستان لبریشن فرنٹ اے اُرشانی زمہ واری ءَ منّ ایت ءُ داں بلوچستان ءِ آجوئی ءَ زورگریں لشکر ءِ نشانگ کنگ ءِ کول ءَ کنت۔