بلوچستان ءِ بُنجاھی شھر شال ءُ پسنی ءَ سے مردم زورانسری آوار جنی ھال سر بیتگ اَنت-
گیشیں ھالانی رِد ءَ غلام نبی ء حاجی نور احمد ساتکزئی ءُ نعیم ء گلزار ساتکزئی جھمنند ڈغاری شال شش اگست ءَ چہ سریاب دگ شال ءَ پاکستانی پوج ءَ آوار جتگ ءُ بیگواہ کتگ اَنت-
اے دوئیں مردم اشکر کھناں پوریاگری ءَ بیتگ اَنت- کھول ءَ آیانی زورانسری بیگواھی ءِ گپ راست کتگ-
بلوچستان ءِ تیاب دپی دمگ پسنی ءَ گوستگیں شپ ءَ یک ورنایے پاکستانی پوج ءَ یکے آوار جتگ ءُ ناشناسیں جاھے ءَ برتگ کہ آئی ءِ پجّار سداکت ء اللہ بخش نام ءَ چہ بیتگ-
زانگ بہ بیت کہ بلوچستان ءَ زورانسری آوار جنی تہ ءَ یکرندے پد ءَ گیشی اتکگ، اگست ءِ اولی دوئیں ھپتگاں تنی وھدے یک درزنے ءَ گیش مردم زورانسری آوار جنی ءِ رپورٹ نکش کنگ بیتگ اَنت-