شال، ھُزدار، تربت ءُ کلات اُرشانی زمہ واریاں منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں شال، ھُزدار، تربت ءُ کلات ءَ پنچ جتاجتائیں اُرشاں زورگریں پاکستانی پوج ءُ پُلپانچیں پروجیکٹ ءَ سامان سر کنوک نشانگ کتگ اَنت زانشتی ادارہ ءَ تر ءَ گرد کتگ وتگڑیں پاکستانی آجوئی ءِ شاتکامی مراگش داشتگ-

آئی ءَ گْوشتگ کہ بلوچ لبریشن آرمی ءِ سرمچاراں مروچی شال ءِ دمگ بروری دگ سر ءَ برجاھیں وانگجاہ ءِ تر ءُ گرد کتگ کہ اود ءَ زورگریں پاکستانی پوج ءِ چیردستی ءِ زور ءَ وتگڑیں آجوئی شاتکامی ءِ یک مراگشے ءِ چن ءُ لانچ ءَ بیتگ اَنت-

جارکش ءَ گْوشتگ کہ مئے سرمچاراں وانگجاہ ءَ ساڑی استاداں ھوار گند ءُ نند کتگ، آیاں زورگریں ریاست نیمگ ءَ چہ وتگڑیں آجوئی شاتکامی ءِ مراگشانی برجم دارگ ءِ پندلاں، جھان ءِ چماں بلوچستان ءِ جنگجاھیں جاوراں چہ ھاک مان کنگ درگت ءَ تران کتگ آیاں جاور زمہ واریاں چہ سرپد کتگ اَنت- اے وانگجاہ ءِ استاداں سرمچاراں گوں تپاکی کتگ مراگش داشتگ-

آئی ءَ گْوشتگ کہ بی ایل اے ءِ سرمچاراں مروچگیں شپ ءِ نُھ پانزدہ ملٹ ءِ نزیک ءَ شال ءِ دمگ سریاب مل ءَ جنکانی کالج ءَ زورگریں پاکستانی پوج ءِ سروکی ءَ وتگڑیں آجوئی ءِ شاتکامی ءِ مراگشانی چن ءُ لانچ دستی بمب ءَ گوں نشانگ کتگ-

آئی ءَ دیمتر ءَ گْوشتگ کہ بلوچ لبریشن آرمی ءِ سرمچاراں گوستگیں شپ ءَ ھُزدار ءِ دمگ بازگیر ءَ زورگریں پاکستانی پوج ءِ دو پیادگ کارمند ھما وھد ءَ دستی بمب اُرش ءَ نشانگ کتگ اَنت وھدے آ وتی بُنجل نزیک ءَ گشت کنگ ءَ بیتگ اَنت تراک ءِ آسر ءَ دوئیں کارمند ٹپی بیتگ اَنت-

آئی ءَ گْوشتگ کہ ھمے وڑ گوستگیں شپ ءَ دگہ یک بیڑے ءَ بی ایل اے ءِ سرمچاراں تربت شھر ءَ ایئرپورٹ دگ ءَ برجاھیں زورگریں پاکستانی پوج ءِ چیک پوسٹ گرنیڈ لانچر ءَ گوں گولہ آس داتگ ءُ نشانگ کتگ چریشی ءَ دُژمنیں پوج ءَ جانی تاوان چست کنگ کپتگ-

بلوچ لبریشن آرمی ءِ سرمچاراں مروچی کلات ءِ دمگ منگچر بدرنگ ءِ ھند سر ءَ سیندک ءَ پُلپانچیں پروجیکٹ واستا سامان بروکیں ٹرالر گاڑی اُرش ءِ نشانگ کتگ. سرمچاراں گاڑی ءِ سرجمیں ٹائر تراکینتگ اَنت – بیڑ وھد ءَ ڈرائیور ٹپی بیتگ –

جارکش ءَ گْوشتگ کہ بلوچ لبریشن آرمی اے بیڑانی زمہ واری ءَ منّ اِیت- زورگریں پاکستانی پوج ءَ آئی ءِ شریکدارانی سر ءَ مئے اُرش برجاہ بنت-