بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں مستونگ ءِ کڈکوچگ ءَ شال کراچی شھدگ ءَ مادن بروکیں ٹرکانی سر ءَ اُرش کُرتگ ءُ تاوان داتگ اَنت۔
جارکش ءَ گْوشتگ کہ سَے شمبے ءِ بیگاہ ءِ شش ءِ نزیک ءَ بی ایل ایف ءِ سرمچاراں کڈ کوچگ مستونگ ءَ مادن بروکیں ٹرک نشانگ کُرتگ ءُ تاوان داتگ اَنت ءُ وت گوں جنگی کارشونیاں دراھگ ءَ سوبین بیتگ اَنت۔
میجر گْوھرام ءَ گْوشتگ کہ بلوچستان چہ مادن ءَ سریچیں سرڈگارے کہ پاکستان وتی مالی نزام ءِ آسرا دیگ ءَ لوٹگ ءَ اِنت بلے بلوچستان ءِ باسمائیں بچ پاکستان ءَ ھچبر اے موکل ءَ نہ دے اَنت کہ آ بلوچ راج ءِ مڈیاں بہ لُٹ اَنت ءُ پنجاب ءَ وژھال بہ کن اَنت۔
آئی ءَ گْوشتگ ما مدام وتی درشانانی تہ ءَ تچکی ءَ گْوشتگ کہ پاکستانی ریاست ءِ کمکار مئے راجی دژمن اَنت ءُ ما گوں آیاں ھمائی ءَ کن ایں کہ گوں دژمن ءَ کنگ بیگ ءَ اِنت۔
جارکش ءَ گْوشتگ ما دُرسیں ٹرک واھند، ٹیکیداراں کڈن کن ایں کہ بلوچستان ءَ ریاست ءِ شوربندی ءُ مادنانی لُٹ ءُ پُل کنگ ءَ گریز بہ کن اَنت اگاں نہ گڑا وتی جان ءُ مال ءِ زمہ وار وت اَنت۔
میجر گْوھرام ءَ گْوشتگ بلوچستان لبریشن فرنٹ اے اُرش ءِ زمہ واری ءَ منّ ایت ءُ دیمتر ءَ ما تُرندے ءَ نہ ایوک ءَ اُرشاں برجاہ دار دارگ ءِ کول ءَ کن ایں بلکیں اے توان ھم مئے تہ ءَ ھست اِنت۔