ھرنائی ءَ اشکر بروکیں ٹرک مانداشتگ ءُ ڈرائیورانی کوش ءُ ٹپی ءِ بگیری ءَ شھر ءَ شٹرڈاؤن ھڑتال-
گیشیں ھالانی رِد ءَ گوستگیں شپ ءَ بلوچستان ءِ دمگ ھرنائی سنجاوی ءِ نزیک ءَ ناشناسیں مردماں اشکر بروکیں ٹرکانی سر ءَ اُرش کتگ ءُ مانداشتگ اَنت ءُ دو ڈرائیور تیرگواری کتگ ءُ ٹپی کتگ اَنت آیانی تہ ءَ یکے ٹپانی درد نہ سگ اِتگ ءُ بیران بیتگ-
وئیل ءِ بگیری ءُ مروچی تاجرانی نیمگ ءَ چہ ھرنائی شھر ءَ زھرشانی کنگ بیتگ ءُ سرجمیں شھر ءِ دکان بند بیتگ اَنت-
زھرشانی کنوکیں ھرنائی ءِ تاجرانی گوشگ اِنت کہ گوستگیں روچ ءَ ٹرکانی سر ءَ اُرشاں پد انتزامیہ ءَ بے زمہ داری ئیں درشان کتگ، ٹپیاں ناں انتزامیہ چست کنگ ءُ آرگ ءَ بیتگ نانکہ مارا روگ ءَ اشتگ-
آیانی گْوشگ اِنت کہ مارا ٹپیانی چست کنگ ھاتر ءَ لیویز والو یل کنگ ءَ نہ بیتگ اَنت وھدے کہ لیویز ءَ مارا گْوشتگ کہ ڈپٹی کمشنر پرمان اِنت کہ ھچ کس ءَ ٹپیانی نزیک ءَ روگ ءَ کشتگ اِت-
زھرشانی کنوکاں دیمتر ءَ گْوشتگ کہ انتزامیہ ءِ اے رویشگ سبب ءَ چہ ٹپی بیتگیں ڈرائیور ءِ مرگ ءِ آماچ بیتگ اگاں وئیل ءِ پٹ پول کنگ نہ بیت گُڑا ما تُرندیں زھرشانی کنگ ءَ لاچار بہ ایں-