کیچ: بلیدہ ءَ پوجی پانگس ءِ سرا اُرش، دو پوجی کارمندانی مرگ ءِ ھال انت

الم بوانیت

سربوتگیں ھالانی رِد ءَ بلوچستان ءِ دمگ بلیدہ ناشناسیں سلاہ بندیں مردماں پھازگی لشکر ءِ پانگسے ءِ سر ءَ اُرش کُتگ، اُرش ءَ دو پوجی کارمند مرتگ انت ءُ بازینے زدگ بوتگ انت –

پاکستانی پوج آئی ایس پی آر ءَ اُرش ءِ ھبر راست کتگ ءُ گوشتگ کہ سلاہ بندیں مردماں سانگوان پوجی پانگِس ءِ سر ءَ اُرش کُتگ اُرش ءَ دو کارمند 34 سالی سپاھیگ حسنین اشتیاق جھمنند ڈی جی خان ءُ 27 سالی سپاھیگ عنایت اللہ جھمنند جھل مگسی مُرتگ انت –

آئی ایس پی آر ءِ رِد ءَ کلیئرنس آپریشن بندات کنگ بوتگ –

زانگ بہ بیت بلوچستان ءِ دمگ بلیدہ ءُ ایندگہ ھند ءُ دمگاں پاکستانی پوج ءِ سر ءَ بوتگیں اُرشانی زمہ واری گیشتر بلوچ آجوئی لوٹوکیں سلاہ بندیں گل منّ اِتگ انت بلے تنی وھدی اے اُرش ءِ زمّہ واری ھچ گل ءَ نہ منّ اِتگ –

نوکتریں