گوادر ءَ چی بیگ ءَ اِنت؟ – ٹی بی پی گچینی

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

گوادر ءَ چی بیگ ءَ اِنت؟

ٹی بی پی گچینی

زارین بلوچ

یک سالے ءِ اوشت ءَ پد گوادر یک رندے پد ءَ راجی ترانکاریانی تہ ءَ ھوار بیتگ۔ جماعت اسلامی بلوچستان ءِ امیر مولانا ھدایت الرحمان ءِ سروکی ءَ ’حق دو تحریک‘ ءِ باسک ءُ دوزواہ دو ماہ ءَ چہ گوادر ءَ زھرشانی کنگ ءَ اَنت، کہ آ گوستگیں سال ءِ الکاپیں زھرشانی ءِ درشانی ءَ کن اَنت، کہ اود ءَ ھزارانی کچ ءَ مھلوک دگانی سر ءَ درکپ ات اَنت، ءُ مزنیں مدتے ءَ چہ برجاھیں زھرشانی ءِ تہ ءَ ھندی جیڑھانی گیش ءُ گیواری ءِ لوٹ کنگ ءَ اِت اَنت۔ بلے گوستگیں سال ءِ پژدری ھلاپ ءَ اے رند ءَ جاورھال ھما وھد ءَ ھراب بیتگ اَنت وھدیکہ کانود ایراد داروکیں ادارگاں زھرشانی کنوکانی دیمپانی کُتگ ات۔ پولیس ءَ زھرشانی کنوکیں ٹولیانی سر ءَ آنسو گیس آس داتگ ات ،آیانی سر ءَ لٹ شاپی کُتگ ءُ بے کساس ءَ دزگیر کُتگ ات اَنت۔

اے دیمپانی ءِ تہ ءَ کانسٹیبلے تیر لگگ ءِ سوب ءَ بیران بیتگ اَت، ءُ بلوچستان ءِ سرکار ءَ اے وئیل ءِ پشدر ءَ حق دو تحریک ءِ رھشونانی بگیری ءَ ارزی نبشتہ کُتگ ات، کہ چریشی ءَ بے ایمنی ءَ گیشتر موہ رس اِت۔ انچش کہ جاورھالانی گِر ءُ دار ءَ درکپگ ءِ تُرس بوت، واکداراں گوادر انگیراں کُت، یک ترندیں اناگتی کانود ءِ ایر داشت، شھر ءَ پُترگ ءِ راہ بند کنگ بیت اَنت، پون ءُ انٹرنیٹ بند کنگ بیت اَنت، ءُ زھرشانی کنوک چہ چاریں نیمگاں انگیراں کنگ بیت اَنت۔ اے “ناشرکاریں پندل” لھتے مردماں زھرناکی دیگ ءِ پابند اَت اَنت، ءُ ایشاں راستیں دروشم ءَ انچش کُت۔ ھندی ءُ میان اُستمانی انسانی اگبالانی گلاں جاورھالانی نوٹس زُرت پاکستانی واکداراں گوں لوٹ کُت کہ آ ترندیں انگیری ءَ آسر بہ کنت، زھرشانی کنوکاں وتی جیڑھانی درگت ءَ درشان کنگ ءِ اِجازت دیگ بہ بیت، ءُ آیانی لوٹ منگ بہ بنت۔

گوادر ءِ مردم وتی بُنکی اگبالانی لوٹ ءَ کنگ ءَ اَنت: وتی آیانی تہ ءَ ماھیگیرانی سر بیگ۔ بلوچستان ءِ زر ءِ سر ءَ در کانودی ٹرالنگ ءِ سر ءَ بندش؛ باپاری نھاد جاہ ءِ تہ ءَ ھندی مردمانی گیشتر ھواری؛ مردمانی ھمک روچی زندمان ءِ تہ ءَ پھازگی لشکریانی دزمانجنی ءِ کم کنگ؛ الکاپیں جانسلامتی ءِ بگر ءُ بدار ءُ الکاپیں وانگ ءِ سر کنگ؛ پھازگی بنجلانی تہ ءَ کمی ءَ ھوار ایران ءِ گون ءَ باپار ءَ آجو کنگ۔ اے لوٹ جائز اَنت، ءُ ایشانی سر ءَ گامگیج زیرگ ءِ ھاتر ءَ لوٹ کنگ نوکیں ھبرے نہ اِنت۔ ایشانی پد گوانگ ھما وھد ءَ چہ ایش کنگ بیگ ءَ اِنت، وھدیکہ گوادر چین ءِ نیمگ ءَ اربانی ڈالرانی زرکاری ءِ سوب ءَ کراچی ءَ دومی ھاسیں بندر ءُ دمگ ءِ تہ ءَ دلگوشی ءِ بنجاہ جوڑ بیتگ اَت۔

ساز بدل بیتگ اَنت سوت انگت ھما اَنت۔ برجاھیں بے ایمنی وتی دروشم ءِ اولی وئیل نہ اِنت، اے گوستگیں سال ءَ حق دو تحریک ءِ باسکانی نیمگ ءَ ھمے جیڑھانی گیواری ءِ ھاتر ءَ بیتگیں زبردستیں زھرشانیانی درشانی ءَ کنگ ءَ اِنت۔ نی بیت کنت ھمک روچی گپ جوڑ بیتگ: ھزارانی کچ ءَ مھلوک دگانی سر ءَ درکپتگ اَنت، وتی لوٹانی منارینگ ءِ ھاتر ءَ۔ نودربر الکاپیں وانگ ءُ زانشت ءِ لوٹ ءَ کنگ ءَ اَنت۔ ماھیگیر وتی روزگار ءِ پھازگ ءِ لوٹ کنگ ءَ اَنت۔ باپاری گوں ایران ءَ باپار ءِ تہ ءَ ارزانی لوٹگ ءَ اَنت۔ ءُ ھمک یک ھواریں دروشمے ءَ بلوچستان ءَ پوجیاں پھک کنگ ءِ لوٹ کنگ ءَ اَنت۔ سرکاری جھگیر درانگازی کنوکاں گوں نند اَنت سودہ بازی کن اَنت، آیاں باوری دیاں کہ آیانی زنگاں ھپتگانی تہ ءَ ھلاس کنگ بنت ءُ آیاں وتی زھرشانی ءِ ھلاس کنگ ءَ پہ رازیگ کنگ بنت۔ زھرشانی کنوک اے واھگاں گوں وتی ھمک روچی زند ءِ تہ ءَ واتر بنت اے رند ءَ شئے مٹ بنت، بلے وھد گوز ایت، ھپتگ ماھانی تہ ءَ ءُ پد ءَ سالانی تہ ءَ بلے ھچ مٹ نہ بیت۔ دروھگ بوّگ ءِ مارشت ءَ گوں، زھرشانی کنوک پد ءَ دگانی سر ءَ کائنت، ھما جیڑھانی گیواری ءِ ھاتر ءَ، ءُ پد ءَ ھما درستیں شئے دمپارا کنگ بنت۔

اے وئیل وت ءَ یک ھلاس نہ بیوکیں شیطانی چکریے یکشلی ءِ تہ ءَ گند اَنت، زھرشانی ءَ پد گپ ءُ تران بنت، کہ ایشی ءِ آسر ءَ، انگت ترندیں زھرشانی بیت اِنت۔ ھما یک گالریچے ءِ رد ءَ “ھما کُچک ءِ پئیم ءَ کہ لِٹِک ءِ رند ءَ تچ ایت”۔

حق دو تحریک چی لوٹ ایت؟

حق دو تحریک یک اگبالانی جُنز اِنت، کہ گوادر ءِ لس مھلوکانی اگبالانی بیرکدار اِنت۔ اے گوستگیں سال ءَ ھما وھد ءَ راجی تک ءَ رژنائی ءَ اتکگ اَت وھدیکہ ایشی ءَ گوادر ءَ یک راجدپتری زھرشانی ءِ کُتگ اَت۔ مچی ءِ آزمانی تامر بندانی تہ ءَ دگ، کُوچگ، چھتانی، تیاب ءُ املی دروشم ءَ ھمک جاہ ءَ مردمانی زِر گندگ بیتگ اَت۔ کش ءُ کِر ءِ بازار ءُ شھرانی مردماں ھم گوادر ءَ دیم کُتگ اَت پہ وتی توار ءِ گوشدارینگ ءِ ھاترءَ۔

حق دو تحریک ءَ سئے لوٹ دیم ءَ ایر کُتگ اَت کہ آ سرکار ءَ من اِت اَنت کہ آ روا اَنت ءُ جائز اَنت، ایشانی پیلو کنگ ءِ سوگند ورگ بیتگ اَت۔ یک ءُ نیم سال ءَ پد، درانگاز کنوک ھمے جیڑھانی گیواری ءِ ھاتر ءَ یک رندے پد ءَ دگانی سر ءَ اتکگ اَنت۔

درستاں پیسر ، زھرشانی کنوکانی گُشگ اِنت کہ بے کساس مزنیں ٹرالر بلوچستان ءِ زر ءِ تہ ءَ ابید ء جُست ءُ پرس ءَ ماھیگ گر اَنت۔ آ کسانیں ماھیگاں گِر اَنت ءُ ھما ٹیکنالوجی ءُ ماھیگیری ءِ وڑ ءُ پئیماں کارمرز کن اَنت کہ آ پہ زر ءِ تہ ءَ ھستیں زند ءِ ھاتر ءَ تاوانبار اَنت ءُ پمیشکا ایشی ءِ سر ءَ بندش اِنت۔ گوادر ءُ ایشی ءِ کش ءُ کری دمگانی تہ ءَ جھمنندیں ھندی مھلوک ءِ سرجمیں زند گوں ماھیگیری ءَ گوں بندوک اِنت۔ ھمسایگیں دمگ چُش کہ سندھ ءَ بگر داں کہ کوریا ءُ جاپان ءِ پئیمیں ڈیھاں چہ ھم ٹرالر بلوچستان ءِ زر ءِ تہ ءَ ماھیگ گرگ ءَ داں کائینت کہ چریشی ءِ سوب ءَ ھندی ماھیگیرانی ماھیگیری ھرابیں کچے ءَ سانمند بیت اِنت۔ سرکار ءَ چینی ٹرالراں تیاب ءَ ماھیگ گرگ ءِ لائسنس ھم داتگ اَنت۔ ھندی مردم، وتی کسانیں لانچ ءُ ماھیگ گرگ ءِ کوھنیں وڑ ءُ پئیم ءَ گوں، مزنیں، گیشتر نوکتریں چینی لانچانی دیمپانی کُت نہ کن اَنت۔ ٹرالرانی ھستی ءَ چہ آیاں موہ ءَ زبھر کُتگ اَنت ءُ ھندی ماھیگیراں لنگڑ ءِ تُرس اِنت۔

دومی، زھرشانی کنوک مکران ءِ دمگ، ھاسیں پئیم ءَ گوادر ءَ مزنیں کچے ءَ پوج ءِ ھست بئیگ ءَ ایراد گر اَنت۔ چین ءِ شوربندی ءُ کارکنانی بلوچ “آجوئی لوٹوکیں” گلاں چہ رکینگ ءِ ھاترءَ ھزارانی کچ ءَ پھازگی لشکری دارگ بیتگ اَنت، کہ آیانی دمگ ءِ تہ ءَ پرارزشتیں گام اَنت۔ اے دمگ پھازگی مانگیج ءُ چوکیاں چہ پُر اِنت، کہ چو اود ءَ لس مھلوک ءِ ھاتر ءَ گوزگ ھم جنجالی اِنت۔ پھازگی لشکریانی دست ءَ ھندی مردمانی گون ءَ ناشری ءِ وئیل ھم دیم ءَ اتکگ اَنت، کہ چریشی ءَ ھندی مردم ءُ واکدارانی نیام ءَ اڑاند گیشتر مھکم بیتگ ءُ درآمدی ءِ مارشت ءِ تہ ءَ گیشی اَتکگ۔

سیمی، زھرشانی کنوکانی لوٹ اِنت کہ ایران ءَ گوں گیر رسمی باپار ءِ سر ءَ پابندی نرم کنگ بہ بیت۔ بلوچستان ءَ زورگار ءِ تہ ءَ نیستی بزانت اِنت کہ مھلوک ءَ کسانیں زر ءِ گرگ ءِ ھاتر ءَ دگہ راہ شوھازگ کنگ کپگ ءَ اَنت، چشکہ ایران ءَ گوں گیر رسمی باپار، اے باپار کاگدانی سر ءَ گیر کانودی اَنت بلے اے راستی ءِ سوب ءَ کانودی جوڑ بیتگ کہ سیمسراں اوشتاتگیں پھازگی لشکر کاچاکاں چہ اد ءَ گوزگ ءِ ھاتر ءَ مزنیں لب گِر اَنت۔ کاچاکی پاکستانی واکدارانی سساھانی تہ ءَ وھد وھد ءِ سر ءَ زرد ءَ زندگ کنت، ءُ آ گیر کانودی باپار ءِ دارگ ءِ ھاتر ءَ یک نوکیں اسکیمے ءَ گوں کائنت، چُش کہ باپار ءِ سست کنگ ءِ ھاتر ءَ ٹوکن سسٹم وڑیں گامانی دیم ءَ آرگ، ءُ داں اد ءَ کہ برے برے سیمسر ءَ سرجم ءَ بند کن اَنت۔

انچش کہ کسے امیت داشت کنت، چہ اے باپار ءَ مُز چِست کنوکیں مردم بزاں پاک – ایران سیمسرانی نزیکیں شھر ءُ بازارانی تہ ءَ جھمنندیں باپاری ءُ زرکاریں مردمانی نیمگ ءَ کُکار برجاہ اِنت۔ آیانی گُشگ اِنت کہ ٹوکن سسٹم ءِ پئیمیں ترندیں گامگیج آرگ ءَ چہ پاکستانی واکداراں چہ آیاں آیانی روزگار ءِ یکیں وڑ ھم پچ گپتگ۔ گوں ایران ءَ باپار ءِ سر ءَ ارزانی ءِ لوٹ کنان ءَ، باپاری مردماں ھم گوادر ءِ زھرشانیاں بھر زیرگ ءَ اَنت۔

زھرشانی کنوکانی لوٹ رواہ اَنت ءُ بلوچستان ءِ سر ءَ سانمند بیوکیں جھلیں تکانسری ءِ پدراھی ءَ کنگ ءَ اَنت، چُش کہ اود ءِ مھلوک مار اَنت کہ، آیانی ھاتر ءَ سیندک، سی پیک، ریکوڈک پئیمیں دگہ شوربندی پائدگ مند نہ اَنت۔ بازیں مردمانی گُشگ اِنت کہ مولانا ھدایت الرحمان ءِ سیاسی واھشت ھست اَنت، ءُ آئی ءَ نامداری ءِ تہ ءَ کمی اتکگ ءُ ھمیشی ءِ سوب ءَ پلامرزی ءِ تہ ءَ ھم کمی اَتکگ۔ بلے چہ اے راستی ھم رد کنگ بیت نہ کنت کہ آئی ءَ مکران ءِ دمگ ءِ مردمانی گون ءَ یک نزیکی ءِ ودینتگ، ھما کہ مار انت گوں آیاں اسٹیبلشمنٹ ءِ پلامرزیں راجکاراں ٹگی کُتگ۔

انیگیں جنجال

27 اکتوبر ءَ چہ برجاھیں حق دو تحریک ءِ باسک ءُ دوزوا دو ماہ ءَ چہ گیش وھد ءَ داں زھرشانی کنگ ءَ اَت اَنت، ءُ داں آ وھد ءَ آیانی دزبندیانی درگت ءَ سرکار ءَ ھچ دلگوش گور نہ کُتگ اَت ءُ چریشی ءَ پد زھرشانی کنوکاں ھمک پئیمیں آیوک ءُ رؤکیں اولاکانی ھاتر ءَ بازیں دگ بند کُت اَنت ءُ ایکسپریس وے ءِ ھم بلاک کُت کہ آ گوادر بندر ءِ نیمگ ءَ رؤت۔آیانی کلوہ پدر اَت، بلوچستان ءِ سرکار وتی گوستگیں سال ءِ سوگنداں چہ پدکنز بیتگ ءُ آ وتی سوگندانی آسر ءَ سرجم کنگ ءَ بے سوب بیتگ۔

اِیشی ءِ پسہ ءَ، بلوچستان ءِ سرکار ءَ زھرشانی کنوکانی سر ءَ گوں آسنی مُشت ءَ اُرش کُت، کہ ایشی ءِ تہ ءَ پنچ مردم ءَ گیش ءِ مچی ءِ سر ءَ بندش ءِ ترندیں اناگتی کانود آرگ بیت۔ زھرشانی کنوک دگانی سر ءَ ایر کپان بیت اَنت ءُ دزگیر بیت اَنت، وھدیکہ ھمسایگیں شھراں چہ مزنیں کچے ءَ مھلوک ھوار بیت اَنت۔ بلوچستان ءِ سرکار ءَ جاورھالاں وتی دست ءَ آرگ ءِ ھاترءَ گوادر ءَ یک ماھے ءِ ھاتر ءَ پوجی پرمان ءِ رند ءَ 144 جنگ ءِ پرمان دات۔

بلوچستان ءِ تھ ئِے کارانی وزیر ضیا لانگو ءَ پرایمنیں زھرشانیان ’پر شدتیں زھرشانی‘ نامینت ءُ بیھار دیان ءَ گُشت کہ سرکار ڈیھ ءِ رٹ ءِ پھازگ ءُ گوادر ءَ کارکنوکیں چینی شھریانی سلامتی ءِ سر ءَ ھچ پئیمیں سُھل نہ کنت۔ آئی ءَ گُشتگ کہ زھرشانی کنوک پہ وت ءَ دردواری گرگ ءِ ھاتر ءَ زالبولاں مردمی اسپر ءِ دروشم ءَ کارمرز کنگ ءَ اَنت۔

مولانا ھدایت الرحمان ءَ پسہ دیان ءَ گُشتگ کہ گوادر ءِ مردم تھنا وتی بُنکی اگبال چشکہ آپ، لین ءُ روزگارءِ لوٹ کنگ ءَ اَنت، پنچ کِشکی موٹروے اگاں زردیں لائن نہ اِنت –

حق دو تحریک ءِ پلامرزی کنوکاں زُلم ءُ زوراکی ءُ وتی ھمراھانی سرجم ءَ یل کنگ ءِ واستا زھرشانی برجاہ داشت – جتا جتائیں دگانی سر ءَ پند جنان ءَ دراھیں بازار، بینک، دکان ءُ باپاری بنجل بازیں روچاں داں بند کت اَنت-

پھزداری لشکر ءُ زھرشانی کنوکانی میان ءَ بازیں جنگ ءُ چوپ ءَ پد گوادر ءِ تہ ءَ کسانیں کچے ءَ زند ءِ روچ واتر بیت اَنت، دکان، بازار ءُ باپاری بنجل دوبر پچ بوگ ءَ بندات بیت اَنت، گوادر ءُ کراچی ءِ میان ءَ بندیشیں دگ دوبر پچ بیت بلے اے چیزانی بیگ ءَ ابید ھم اود ءَ جاورھال وتی جاہ ءَ نیتکگ اَنت ءُ اود ءَ انگت ءَ جاورانی سر ءَ ترس ھست اِنت – داں انگت ءَ اود ءَ گمان ھست اِنت کہ سرکار ءِ لٹ ءُ کٹی دروشم یک دابے ءَ انیگیں وھد ءَ سوبمند بیتگ بلے اے گپ ءِ سر ءَ ھچ اوست دارگ نہ بیت اِنت اے بے برمشی داں دیراں چل ایت – زھرشانی کنوک ھما کساس لگتمال کنگ بہ بنت ھما داب ءَ زھرشانی کنوک گیشتر مھکم کنگ بنت-

مکران ءِ جھمنندیں مردم وت ءَ سرڈگار ءِ سر ءَ درامد سرپد بنت اے سما بلوچستان ءِ گیشتریں مردماں بیگ اِنت اے بے سمائی سما ءَ مھلوک دگانی سر ءَ اورتگ سی پیک ءِ سر ءَ کرتگیں مسامانی سان سرجم نہ بیتگ – نوکی پنجاب ءُ چین ءِ مردماں دیگ بیگ ءَ اَنت دری جھمنند ترندی ءَ شھراں پترگ ءَ اَنت اے وھد دور نہ اِنت کہ دری جھمنند اد ءَ نیشتگیں مردمانی کساساں پروش اَنت ءُ وت ءَ اے جاھانی وارس لیک اَنت – دمگی مردماں گمان بیت اِنت آ وتی میتگاں داں وتی زند ءَ زبھر بیتگ اَنت – حق دو تحریک واتر آیاں زند ءِ رژنائی ءَ آورت کنت-

سرکار ءَ زھرشانی کنوکانی ھلاس کنگ ءَ گُنڈاہ گردی ءِ ساھگ ءَ نندگ ءِ پیسلہ کتگ آئی ءَ ھمے گمان بیت اِنت گوادر ءِ مردم وتی زند ءِ رژنائی ءَ دوبر ھچ نہ گش اَنت اگاں مردماں گمان بہ بیت کہ آ دیوال ءِ چیر ءَ چیرترینگ بوگ ءَ اَنت گڑا اد ءَ لٹ ءُ کٹی گھگیری بنا بیت اِنت اے کسے ءِ واستا جوان نہ بیت اِنت-

نوکتریں

بلوچستان: یک مردمے زورانسری آوار جنی ءَ پد بیگواہ

سربوتگیں ھالانی رِد ءَ پاکستان ءِ پھازگی لشکر ءَ یک مردمے زورانسری آوار جتگ ءُ بیگواہ کتگ -

عبدالمالک ءِ کُشندھانی یل بوگ پدردی اِنت – کھول

عبدالمالک ءِ کھول ءَ رسانکدراں وتی شنگ کرتگیں درشان ءِ تہ ءَ گوشتگ کہ کتکاراں دوھزار بیست ءُ دو ءِ بیست ءُ...

زورانسری آوار جنیانی بگیری ءَ کراچی ءَ زھرشانی برجاہ

بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، زھرشانی ءَ مروچی چار ھزار ءُ نُھ سد ءُ سِی...

ڈیرہ بگٹی ءَ شُد ءِ سوب ءَ سینزدہ سالی ورنا ءَ وتکشی کُتگ

ڈیرہ بگٹی ءِ دمگ سوئی ءَ سینزدہ سالی شُدیکیں ورنایے ءَ ھُشکیں نان ءِ نہ رسگ ءِ سوب ءَ وتی گُٹ وت...