برازیل ءِ لیجنڈری فٹبال ءِ گوازی کنوک پیلے ھشتاد ءُ سال ءِ اُمر ءَ بیران بیتگ-
درملکی ھال سرکنوکیں ادارہ ءِ رد ءَ فٹبال ءِ دنیا ءَ نام داریں مردمانی لڑ ءَ ھواریں برازیل ءِ فٹبال ءِ دیم ءَ بروک ءُ راجی ٹیم ءَ سَے براں ورلڈ کپ ءِ کٹینوک پیلے ھشتاد ءُ دو سال ءِ اُمر ءَ بیران بیتگ-
نامداریں فٹبالر ءِ جنکیں زھگ کیلی نیسکیمینٹو ءَ آئی ءِ مرگ ءِ ھال راست کنان ءَ وتی انسٹاگرام ءَ گوشتگ ما ھرچی اِنت مروچی تئی سوگات اَنت ما ترا بے کساس مھر کن ایں نی ایمنی ءِ ایمن بہ بو-
لیجنڈری مزنیں آنت ءِ کینسر ءِ آماچ بیتگ ستمبر دوھزار ءُ بیست ءُ یک ءَ سرتان ءِ شبینگ بیتگ پد ءَ آ بازیں رنداں ھسپتال ءَ تھتیگ بیتگ-
ھال ءِ رد ءَ پیلے ءَ نوزدہ ءُ پنجاہ ءُ ھپت ءُ داں نوزدہ سد ءُ ھپتاد ءُ ھپت ءَ مزیں رنگے ءَ ھشت ءُ سی ءُ یک کلب گیمزاں ھپت سد ءُ پنجاہ ءُ ھپت گول کتگ بلے کلب سینٹوس ءَ گوشتگ کہ آئی ءِ گولانی کچ یک ھزار ءِ نزیک ءَ اِنت-
آئی ءَ راجی ٹیم ءَ را درستاں گیش ھپتاد ءُ ھپت گول ءِ ریکارڈ کتگ کہ انیگیں فارورڈ کھلاڑی نیمار ءَ سرجم کتگ –
لیجنڈری فٹبالر نوزدہ سد ءُ پنجاہ ءُ ھشت، نوزدہ سد ءُ شست ءُ دو ءُ نوزدہ سد ءُ ھپتاد ءَ فیفا ورلڈ کپ ءِ فاتح برازیلین ٹیم ءِ بھر بیتگ-