بلوچستان ءَ دو جتاجتائیں دمگاں دگ ءِ وئیلاں سے مردم بیران ءُ سے ٹپی بیتگ اَنت

بلوچستان ءِ دوجتاجتائیں دمگ ھُزدار ءُ مستونگ ءِ دگ ءِ وئیلانی آسر ءَ سے مردم بیران ءُ سے ٹپی بیتگ اَنت-

کراچی شال ءِ بُنجاھی شھدگ ءِ سر ءَ دو جتائیں زمباد گاڑی وئیل آماچ بیتگ اَنت-

سربوتگیں ھالانی رِد ءَ بلوچستان ءِ ضلع پنجگور ءَ آؤکیں چہ تیل ءَ پُریں زمباد گاڑی ھُزدار ءِ دمگ وڈھ ءِ نزیک ءَ راہ درتکگ ءُ پُھل چیر ءَ کپتگ چریشی ءِ آسر ءَ سے مردم بیران بیتگ اَنت-

وڈھ وئیل ءَ بیران بیتگینانی تہ ءَ دو مردم ءِ پجّار نیاز احمد ء محمد اسلام ءُ محمد خان ساسولی نام ءَ چہ بیتگ اَنت-

دگہ یک وئیلے مستونگ ءِ دمگ جنگل کراس ءِ نزیک ءَ تُرند رؤکیں زمباد گاڑی ءُ کنٹینر ءِ میان ءَ ڈک وڑگ ءَ چہ سے مردم ٹپی بیتگ اَنت-

مستونگ انتزامیہ ءَ ٹپی نزیکیں نادُراھجاہ ءَ برتگ اَنت بلے تنی وھدے ٹپیانی پجّار نہ بیتگ –

زانگ بہ بیت کہ بلوچستان ءَ دگ وئیلانی سبب ءَ ھمکروچ مردم بیران ٹپی بنت اود ءَ گیشتر دگ وئیل شال کراچی نشینل ھائی وے سر ءَ بنت، دمگی سیاسی ءُ چاگردی پارٹیانی نیمگ ءَ چہ گیشتر وھداں شال کراچی بُنجاھی شھدگ ءَ ھوار دگہ شھدگاں دو کنگ ءِ لوٹ کتگ-