مھروان پد ءَ تئی زھیراں گْور جتگ – جلال اھمد

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: مھروان پد ءَ تئی زھیراں گْور جتگ

نبشتہ کار : جلال اھمد

دی بلوچستان پوسٹ

مھروان! اے وھد ءَ کہ من پہ تو اے دویں لبزاں نبیسگ ءَ آں منی جان ءِ سرجمیں بند ءُ بُوگ لرزگ ءَ اَنت ءُ من انچو ھلاس آں گْوش ئے کہ آزمان منی سر ءَ کپتگ ، اے وھد آدینگ ءِ شپ اِنت ءُ ساھت دو ءُ بیست ءُ سے اِنت من اِیْوک ءَ یک تھنا تھاری ءِ تَہ ءَ نِشتگ آں ھچ تِرک ءُ توار نیست اِنت ھر نیمگ ءَ ھاموشی اِنت ءُ سارتیں کَوش ءِ چہ زربار ءَ نیمگ ءَ آیگ ءَ ایں ءُ گْوش ئے زان آں کَوش ءِ سارتی منی جان ءِ بند بند ءَ اِیرکپگ اِنت۔

مھروان! گِسر وَ باز بُوتگ بلے آ واتر بُوتگ اَنت ءُ تو انگت واتر نہ بُوتگے ، مھروان! من اے گپ ءَ ھم ھچ پئیم ءَ ترا گْوشت نہ کن آں کہ تو من ءَ چے بےھیالے بلے، مھروان! نہ تئی ھالے کیت ءُ نانکہ تو دْرؤت ءُ سلامے پہ من راھی کن ئے ۔ مھروان! نوں آ وھد ءَ را چار سال سرجم اِنت کہ تو رپتگ ئے بلے باید نوں تو واتر کتیں دانکدین آں من تئی راہ ءَ بِہ چاراں۔

مھروان! اے گپ ءَ من سدّکاں کہ تو من ءَ ھچ بر نہ شموش ئے، بلے تو پہ من دْرؤت ءُ سلامے راھی کتیں کہ منی ھم دل وش بُوتگ اَت ، منی چمّانی روک تو ئے تو وَ شر سرپدئے کہ من ترا داں کیامت ءَ شموش کار نہ باں ءُ من ءَ تئی گِستاھی ھما اِنت کہ چو سُوچن ءِ داب ءَ دُوچگ ءَ اِنت-

مھروان! تئی ھما کندگ ءُ ٹھکانی توار انگت منی گوشان ھست ءُ وھدے کہ من ھاموش باں گْوش ئے تئی گپّانی توار اِنت بلے من باز ترا شُوھاز اِتگ ءُ تو من ءَ انگت دست نہ کپتگ ئے ، بُوت کنت شپ تھار بُوتگ تو منی کَش ءَ چے گْوستگے ءُ من ترا نہ دِیستگ۔

مھروان! رُولہ ءِ کَوش کہ کَش اِیت بلے پیشی ڈول ءَ من ءَ تاھیر نہ دنت انچو سما ءَ بیت کہ مردم اِیْوک اِنت ءُ نوں اے تھنائی ءَ منی اندر ءَ انچو جاگہ کتگ کہ تھنائی ءَ ھم گوں من مھر اِنت کہ ھچ وڑ من ءَ پراموش نہ کنت۔

مھروان! گندئے سُھب ءَ کہ مُلا ءَ بانگواہ ءَ مردم کہ واب ءَ چِست ءَ بیت دان کپوت پیسرا کُوکُو ءَ اَنت آیانی توار چینچو زیبا اِنت ءُ تئی زیبائی ھم ھمے دْروشم ءَ اِنت، بلے تو کہ اِد ءَ نہ ئے تھنا کپوتانی نالگ ھم من ءَ تاھیر نہ دنت۔

مھروان! گُڈی ءَ من اے گْوشاں کہ ھمینچوک تئی زیبائی ءَ من کساس بِہ کن آں آ سک کم اِنت تئی درور منی ھیالاں انگت اے جھان ءَ نیست، اے تھنا تو ئے ، بلے پھل کن کہ پہ تو من دگہ ھچ کت نہ کن آں، بس! ھمیش اِنت من پہ تو چار لبز نبشتہ کتگ کہ پد ءَ واتر تئی زھیران من ءَ گْور جتگ نوں ترا سک دیر اِنت۔۔۔پد ءَ واتر بہ کن۔

مھروان! ھر کجائے شادان بات ئے ءُ مُدام وشیّانی جمبر تئی سر ءَ ساھیل بات اَنت۔



دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورکایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

زیارت ءَ پوج گاڑی سر ءَ بمب تراکے بوتگ، سے کارندہ بیران ءُ ٹپی بوتگ اَنت-

بلوچستان ءِ دمگ زیارت ءَ ناشناسیں مردماں پوج گاڑی گوں بمب ءَ نشانگ کتگ- سربوتگیں ھالانی رِد...

کراچی: سی ٹی ڈی ءَ چینی شھریانی سر ءَ اُرش ءَ ھواریں جرمکارے ءِ دزگیر کنگ ءِ ٹاہ داتگ

کراچی ءَ کاؤنٹر ٹیررزم ڈپارٹمنٹ (سی ٹی ڈی) ءَ کراچی ءَ بلوچ آجوئیں لوٹوکیں گل بی ایل اے ءَ سیادی دارگ...

شال: توپانی ھور، ھپت مردم بیران، بازیں جاہ آپ ءَ گپتگ اَنت

سرجمیں بلوچستان ءَ ھورانی درچ برجاہ اَنت، شال ءَ ھوار جتا جتائیں جاھاں لوگانی چَھت ءُ دیوالانی کپگ ءِ سبب ءَ...

بلیدہ ءَ پاکستانی پوج ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ –

بلیدہ ڈلو ءَ پاکستانی پوج ءِ گوما میڑ ءَ سَے پوجی کارمند کُشتگ انت - میجر گوھرام بلوچ