مات ءَ مات گوانک کرت – کامریڈ بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: مات ءَ مات گوانک کرت

نبشہ کار : کامریڈ بلوچ

دی بلوچستان پوسٹ

مرگ پہ ھمک ساھدار ءَ گران اِنت نیکہ پہ بنیادم ءَ کہ اللہ پاک ءَ آئی ءَ را جیڑگ ءُ ھیال کنگ ءِ سنچ ءُ زانت داتگ بلئے برے برے انسان گوں اَنچیں جاوراں دُچار بیت کہ آئی ءَ وتی ساہ ءِ دیمون دیگ کپ ایت وتی زمین ءُ راج ءِ ھاتر ءَ وتی زبان ءُ دود ءُ ربیدگانی پھازگ ءِ ھاتر ءَما اگاں دگنیا ءِ راجدپتر ءَ بِچاراں گڑا مارا اے چیز گندگ ءَ کیت کہ وھدے زوراوریں راجان نِزوریں راجانی سر ءَ کوزا کرتگ ءُ آ وتی ایردست کرتگ اَنت گڑا آیاں وتی راجی ھستی ءِ دارگ ءِ ھاتر ءَ پدائین اُرش ھم کرتگ اگاں ما جاپان ءُ امریکہ ءِ جنگ ءِ سر ءَ گوانڈیں چمشانکے بدیں گڑا مارا اے چیز گندگ ءَ کیت کہ جاپان ءَ امریکی لشکر ءِ سر ءَ سے ھزار ءُ پنچ سد ءَ “3500” گیش پدائین اُرش کرتگ جاپان ءِ جنگی لشکر ءَ اَبید آئی ءِ نودربر ءُ لس مھلوک ءَ ھم اے پدائین اُرشاں بھر زُرتگ 26 کرّا 2022 رمزان ءِ ماه اَت کُلیں ھالم اسلام ائید ءِ تیاری ءَ دست گُلاهش ات، نودربراں اَئید ءِ موکل زُرتگ ات انت ءُ چہ مزنین شھراں دیم پہ وتی وتی اِلاکھاں رهادگ اَت اَنت ، کسانیں زھگ وتی نوکیں چمپل ءُ پُچانی گَلا پہ بے سبری ائید ءِ ودار ءَ اَت اَنت همے وهد ءَ ایم فل اسکالرشپیں نودربر “سرمچار شاری پنام ءِ برمش” وتی ھردو چمانی چراگ “زھگ” پُلیں میر حسن جان ءُ ماه روش جان گُڈی رند ءَ امبازاں زُرت اَنت ءُ بوسہ دات انت ءُ پہ پهر رخصت کرت اَنت بلکیں اے وھد ءَ شاری دل ءَ همے جیڑگ ءَ اَت کہ مرچی شُما کسان اِت بوت کنت هچ مہ زان ات کہ مارا ماس ءَ پرچا چو زوت پہ اَبدی یلو کرت ءُ وتی دائمی جاہ ءَ شُت بلئے آوکیں وهد شُمارا وت سرپد کنت کہ شمئے ماس گوں یک پکر ءُ لیکھے ءَ بُندوک بوتگ، شما پهر بندیت اِت کہ مارا چُشیں شیر زالیں ماسے ءَ وتی بھشتیں زانسراں لیلو داتگ ءُ واب گیتکگ-

شاری بلوچستان ءِ سئے رنگی بیرک وتی کپن کرت ءُ سر ءَ بست دیم گوں لوگ ءِ دیم ءَ ٹهنگ اِتگیں اکساں کرت کہ بانک کریمہ ءُ جنرل اسلم ءِ ھواری ءَ دگہ بازیں شھیدانی اکس ات اَنت کل شھید ستاشانی کُرت اَنت ءُ پد ءَ دیم ءِ گوں بانک کریمہ ءِ اکس ءَ کُرت ءُ گُشت ئِے ( لُمہ پھل کن تئی وڑ ءَ بوت نہ کُرت بلئے تئی رس اتگیں راه ءَ گوں وتی ھوناں نوکیں گوناپے دیاں ءُ پہ آوکیں زالبوالاں چیدگے باں-

شاری وتی ھک ءِ جنگ ءَ ات گوں زوراک ءَ آ تھنا پہ وت جنگ ءَ نہ ات آ پہ کل بلوچ ءَ جنگ ءَ ات پہ بلوچ گلزمین ءَ جنگ ءَ ات پہ بلوچ ءِ گیرت ءُ ننگ ءَ جنگ ءَ ات آئی ءَ وتی زرد ءِ ھمک واھشت لگتمال کرت انت وتی زند پہ زمین ءُ راج ءَ ندر کرت شاری ءَ گلامی ءَ چہ نپرت ات شاری اے گپ ءَ شر پوہ ءُ سرپد اَت کہ گلامی ءِ ساھگ ھجبر سارت نہ بیت نیکہ کوش کَش ایت گڑا چوں آ ساھگ ءَ یک آجو تبیں ساھدارے وش واب بوت کنت؟زوراک اے ھبر ءَ چہ بے ھیال بِہ بیت کہ بلوچ پہ آئی ءِ سارتوکیں آپے ءُ وشتامیں دپارے بیت بلکیں آئی ءِ سر ءَ کھر ءُ بیر شانیت ھمک کِشگ ءَ دَگ ءَ، شھر ءُ میتگ ءَ، چو ملکموت ءَ آئی ءِ سر ءَ مِلانک ءُ اوشتوک اِنت ما زندگی بس واب ءَ دیستگ ما وھدے چم پَچ کرتگ اَنت ژنگولیں جون گوں زگریں ھوناں مئے گِدانانی دپ ءَ پہ ھاک ءِ میار ءَ وداریگ بوتگ اَنت سوتکگیں کُل ءُ کَرگینانی پُر بیگاہ ءَ وھدے شمال کَش ایت مئے چمان مال اِش چہ آیاں گلامی ءِ بوہ کیت مارا گلامی ءِ میرکو ءُ شگان ءَ جن اَنت شاری ھم وش ءُ ایمنیں زند ءِ گوازینت کرت کت بلئے شاری ءَ ماتیں وتن سک دوست اَت، اے وڑ نہ اِنت کہ شاری ءَ وتی کودکیں چُک ءُ کھول دوست نہ اَت انت، اے وڑ ھم نہ انت کہ آئی ءَ وتی زندگی دوست نہ ات بلئے شاری دل ءَ اے گپ ھجبر نہ مَن ایت کہ آئی ءِ آوکیں پدریچ گلامیں زندے بگوازینت شاری ءَ مادریں ڈیھ ءِ گم پِر ات آئی ءِ نَہ نیشت ءُ بَچ ءُ جنک نہ رودینت یا گوں آیاں لیب ءُ گوازی نہ کرت آ سِلاہ بند بوت آ پہ دژمن ءَ دِہ ءُ بلاہ جوڈ بوت-

گڈی ءَ آئی ءِ شوراھاں گوں بستگیں جیکٹ گور ءَ کرت ءُ دیم پہ آجوئی ءِ منزل ءَ پند جنان بوت آئی ءَ گوں وتی زگریں ھوناں نوکیں کشک ءِ پہ بلوچ زالبولاں گوپت ءُ بلوچ راجدپتر ءَ پہ اَبدی نمیران بوت-

“باریں چُنت روچ ءِ سپر انگت دگہ پش کپتگ”
“باریں چُنت تاک منی زند ءِ کتاب ءَ ھست اِنت”


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

شال: توپانی ھور، ھپت مردم بیران، بازیں جاہ آپ ءَ گپتگ اَنت

سرجمیں بلوچستان ءَ ھورانی درچ برجاہ اَنت، شال ءَ ھوار جتا جتائیں جاھاں لوگانی چَھت ءُ دیوالانی کپگ ءِ سبب ءَ...

بلیدہ ءَ پاکستانی پوج ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ –

بلیدہ ڈلو ءَ پاکستانی پوج ءِ گوما میڑ ءَ سَے پوجی کارمند کُشتگ انت - میجر گوھرام بلوچ

کراچی: ھورانی گوارگ ءَ ابید ھم بیگواھیں مردمانی بنجل برجاہ

چہ کراچی ءَ زورانسری آوار جنگ بوتگیں مردمانی کھولانی نیمگ ءَ مروچی دھمی روچ ءَ ھم زھرشانی برجاہ بوتگ - بلوچستان...

ائید ءِ مکلاں تربت ءَ رؤکیں چار نودربر زورانسری آوار جنی ءَ پد بیگواہ

سربوتگیں ھالانی رِد ءَ گوستگیں روچ ءَ شال ءَ وانوکیں چار نودربر کہ ائید ءِ چُٹیاں وتی گِس ءَ روگ ءَ...