آسٹریلیا ءَ انگلینڈ 71 رنز ءَ چہ پروش داتگ ءُ جنین آدمانی جھانی کپ وتی نام ءَ کُتگ ۔ آسٹریلیا ءَ ھپتمی رند اِنت کہ جھانی کپ کُٹ اِتگ۔
آسٹریلیا ءَ پیسرءَ بیٹنگ کُتگ ءُ سرجمیں پنجاھیں اورزانی تہءَ 356 رنز جوڑکتگ کہ اِشانی تہءَ آسٹریلیا ءِ لیبی الیسا ھیلی ءَ تھنا 170 رنز اڈ کُتگ۔ 356 رنزانی رندگیری ءَ انگلینڈ ءِ سرجمیں ٹیم ءَ 43.4 اورزانی تہءَ 285 رنز اڈ کُتگ ءُ آوٹ بیتگ اَنت۔
انگلینڈ ءِ لیبی نٹانی سکیور ءَ جوانیں گوازی کنان ءَ 148 رنز اڈ کُتگ بلے اِشی ءَ ابید ھم آسٹریلیا ءَ 7 می بر ءَ جھانی کپ ءِ کٹگ ءَ سوبمند نہ بیتگ۔ آسٹریلیا ءِ باولر جیس جوناسن ءُ الانا کنگ ءَ سَے سَے وکٹ وتی نام ءَ کُتگ اَنت۔
آسٹریلین لیبی الیسا ھیلی ءَ کجام ھم کرکٹ ورلڈ کپ ءِ گُڈی میچ فائنل ءَ آ مردینانی بہ بیت یا جنینانی درستاں گیشتر رنز اڈ کُتگ ءُ آ پلیر آف دی میچ نامینگ بیتگ۔