بل من ءَ کہ تھنا باں
شائر: شاکر مراد
دی بلوچستان پوسٹ
سِتک چی بداریں ما
وھد ءِدست ھالیگ آں
زندگی مُجاں گپتہ
بدگمانیں مرچاں دل
مورمانٹیں گُپتاراں
آزمانیں بستاراں
گوں کن ئے کئیا گِلہ ؟
چُنت چراگاں ماندارے
ھئو ھمے سپر دراج اِنت
بِل من ءَ کہ دمُبرتگ
شِشگ ءِ بوھگ لوٹاں
اچ ترا پُرشگ لوٹاں
مرکب ءَ وپاھانی
بے وپاءِ شوھازاں
ترانگے ءَ مانگیشاں
ڈُوبر ے ءَ امبازاں
ساھگاں کناں ارسیگ
موتک بنداں دیوال آں
انگریں گس ءِ بنداں
دروشماں چہ گستا ء باں
دیدگاں نباں پدر
بس,ملام باں ھر روچ
تئ مھبت ءِ دمک آں
گار ءُ انچو بیگواہ باں
بِل من ءَ کہ تھنا باں