ابوظہبی بالی پٹ ءِ سرءَ ڈرون اُرش، سَے مردم بیران شش زدگ

متحدہ عرب امارات ءِ بنجاھی شھر ابوظہبی ءَ ڈرون اُرش ءَ سَے مردم بیران ءُ شش زدگ بوتگ انت-

درملکی رسانکدراں چہ شنگ بوتگیں ھالانی رِد ءَ ابوظہبی پولیس ءِ گوشگ انت کہ دو تراک اشکُنگ بوتگ اَنت کہ آھانی تہ ءَ یک تراک ءِ سَے آئلٹینکرزانی سرءَ ءُ وھدیکہ یک تراک ءِ نوک جوڈ بؤکیں بالی پٹ ءِ سر ءَ بوتگ-

اُرش ءَ سَے مردم بیران وھدیکہ شش زدگ بوتگ اَنت کہ پہ درمان کنگ ءَ نادراھجاہ ءَ سر کنگ بوتگ انت بیران بوتگیں مردمانی تہ ءَ یک پاکستانیءُ دو بھارتءِ جھمنند انت-

آئل ٹینکرز ءُ نوک جوڈ بؤکیں بالی پٹ ءِ آس کُشگ بوتگ- 

دومی نیمگ ءَ یمن ءِ حوثی باگی آں اے اُرش ءِ زمہ واری منّ اِتگ وھدیکہ چیزے روچ ساری ھم چاگردی ترامجاھاں متحدہ عرب امارات ءِ نشانگکنگے بیھار دئیگ بوتگ-

سعودی یکجاھیں پوج ءِ گوشگ انت کہ صنعا بالی پٹ ءَ چہ تراک ناکیں شورواں پُریں ڈرونز یک مزنیں کچے ءَ گوارگ بیتگ اَنت-