بلوچ نودربر گل (بی ایس او) ءِ پنجاہ ءُ چارمی سالروچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

بلوچ نودربر گل (بی ایس او) ءِ پنجاہ ءُ چارمی سالروچ ءِ درگت ءَ بلوچ نیشنل مومنٹ ءِ سرکماش خلیل بلوچ ءُ بلوچ نودربر گل آزاد ءِ بنجاھی سیکریٹری جنرل مھر زاد بلوچ ءُ بی ایس او ءِ جارکش ءَ رسانکدراں وتی شنگ کرتگیں درشانانی تہ ءَ گوشتگ کہ بی ایس او ءِ زانشت ءِ جھد رژنائیں باندات ءِ اُمیت اِنت، بی ایس او ءَ ورنایاں اے زانت ءُ سرپدی دات کہ گھگیری ھما یکیں راہ اِنت کہ آئی ءِ ساھگ ءَ آ راجی ارزِشت ءُ راجی ھستی ءَ مھکم جوڑ کُرت کن اَنت-

بی این ایم ءِ سرکماش ءَ گوشتگ کہ بی ایس او یک گھگیری زانشجاھے ءِ نام اِنت کہ آئی ءَ بلوچ چاگرد ءِ تہ ءَ ناکہ تھنا زانت ءُ سما ءِ رُژنائی تالان کُرتگ بلکیں بلوچ چاگرد ءَ ھنچیں رھشون داتگ کہ آ مرچی گھگیری ءِ چیدگ جوڑ بیتگ ءُ گرانبھائیں دیمونیاں گوستانک ءَ گل ءَ بلوچ چاگرد ءَ یک منگھیں سیاسی اَرزِشتے بکش اِتگ-

آئی ءَ گوشتگ کہ بلوچ نودربر گل ءِ جوڑ بوگ، آئی ءِ مول ءُ مراد ءُ جُھد ءَ ورناکاں یک انچیں راھے داتگ کہ اود ءَ آ ریاست ءِ زوراکی ءُ نو آبادیاتی نزام ءِ تباھیاں سرپد بیتگ اَنت ءُ آئی ءِ بگیری ءَ گھگیری ءِ راہ گچین کُرتگ- بی ایس او ءَ ورنایاں اے زانت ءُ سرپدی داتگ کہ گھگیری ھما یکیں راہ اِنت کہ آئی ءِ ساھگ ءَ آ راجی ارزِشت ءُ راجی ھستی ءَ مھکم جوڑ کُرت کن اَنت-

خلیل بلوچ ءَ گوشتگ کہ ورنایانی بی ایس او ءَ ھوار ءُ راج ءِ تہ ءَ گل ءِ دوست دارگ ءَ ریاستی ادارہ مدام تُرس ءِ آماچ کُرتگ اَنت ءُ ھمے تُرس ءِ سبب ءَ آئی ءَ ھمک دور ءَ گل ءِ بھر ءُ بانگ کنگ ءِ پندل ساز اِتگ ءُ چہ بدبھتی ءَ ھمک پندل سوبمند گندگ بیتگ انت بلے بی ایس او ءِ مھکم ءُ گھگیری ءِ جزبگ ءَ چکاریں ورنایاں گل ءِ گھگیری اَرزِشت گوں وتی ھوناں زندگ داشتگ ءُ مروچی ھم بی ایس او ءَ دیمونیانی دْرچ برجاہ داشتگ اَنت-

آئی ءَ گوشتگ کہ بیست ءُ یکمی کرن ءِ بندات ءَ بی ایس او ءَ پارلیمانی سیاست کُشندھیں زھر گْوشت ءُ پارلیمانی سیاست ءِ پاکٹ آرگنائزیشن جوڑ بیگ ءِ بدل ءَ گوں آجوئی دوستیں گلاں نزیکی کُرت ءُ ورنایان ءَ پارلیمانی سیاست ءِ ٹیل جوڑ بیگ ءِ بدل ءَ گْواچنی گھگیری ءِ راہ پیشداشت-

بی این ایم ءِ سرکماش خلیل بلوچ ءَ گوشتگ کہ بی ایس او بلوچ راج ءِ زھن ءِ سر ءَ انچوش پیوند اِنت کہ ریاست ءِ دُرسیں زوراکیاں بی ایس او ءِ مھر چہ بلوچ راج ءِ دل ءَ در کُت نہ کُرت- ریاست ءَ بلوچ چاگرد ءِ پروشگ ءُ نادلگوشی ءِ آماچ جوڑ کنگ ءَ زورانسری بیگواھی، بندیگجاھاں کوش، ژانگولیں لاش، یکجاھیں کبر ءُ یکجاھی سزا ءِ درچ برجاہ داشت بلے زانت ءُ سما ءَ چکاریں بلوچ نودربر سروکاں گل ءِ گھگیری اَرزِشت برجاہ داشت ءُ چاگرد چہ پروشگ ءَ رکینت- سدانی کچ ءَ بیگواھی، بازیں سروکانی شھیدی ءَ بی ایس او ءِ آجوئی ءِ جوزگ ھلاس کنگ ءِ بدل ءَ گیش مھکم کُرت-

آئی ءَ وتی درشان ءِ گڈسر ءَ گوشتگ کہ گھگیری گل ءِ زور اِنت ءُ گھگیری گل ءَ چاگرد ءِ تہ ءَ یک مزنیں ارزِشتے بکشائیت –

آئی ءَ گْوشتگ کہ انوگیں سروکاں لوٹ ایت بی ایس او ءِ جوڑ بیگ ءِ مول، دیمونی ءُ جُھد ءِ بارو ءَ سرپدی بہ دے اَنت ءُ آئی ءِ بنگپانی سر ءَ گپ ءُ تران بہ کن اَنت کہ آ کجام سبب بیتگ اَنت کہ آیاں بی ایس او بھر ءُ بانگ کُرتگ ءُ بلوچ نودربرانی توانمندی بھر کُرتگ – شرگداری ءِ بنیاد ءَ گپ ءُ تران پہ گل ءَ نوکیں راھے ءِ گچین کنگ ءَ کمک ءَ کنت –

بلوچ نودربر گل آزاد ءِ بنجاھی سیکریٹری جنرل مھرزاد بلوچ ءَ بی ایس او ءِ پنجاہ ءُ چارمی سالروچ ءِ درگت ءَ گوشتگ کہ بی ایس او ءِ زانشتی جھد مئے رژنائیں باندات ءِ امیت اِنت – بی ایس او ءَ بلوچ چاگرد ءِ تہ ءَ لیکھی جُھد ءِ ھما بندات ایر کُرتگ کہ ایشی ءِ برورد آجوئیں بلوچ سرڈگار ءِ دروشم ءَ مئے آؤکیں پدریچ ءِ میار کنگ بیت اِنت-

مھر زاد بلوچ ءَ گوشتگ کہ مرچی بی ایس او ءِ لیکھی باسک بلوچ چاگرد ءَ ھوار بلوچ راجی زرمبشت ءِ تہ ءَ راھشونی کِردے پیلو کنگ ءَ اَنت- چہ ایشی ءَ بی ایس او ءِ لیکھی ءُ آشوبی تربیت ءِ کساس کنگ ارزان اِنت۔ ھما مردماں کہ آ بی ایس او ءِ بھر ءُ بانگ کتگ، نزوری ءُ پہ وتی زاتی سیتاں کارمرد کنگ ءِ جُھد کُرتگ یا سامراج ءِ پندلانی جُرم ءَ ھوار اَنت آ مردم مرچی بلوچ چاگرد ءِ تہ ءَ رَد کُرتگیں مردم اَنت-

مھر زاد ءَ گوں بلوچ ورنایاں گوشتگ کہ مروچی ورناہ گوستانک ءِ ھنچیں جاھے ءَ اوشتوک اَنت کہ اود ءَ یک نیمگے بلوچ سرڈگار ءِ سر ءَ زورگیرانی ءِ زوراکی گیش بیتگ اَنت ءُ دومی نیمگ ءَ یک مزنیں آشوبی زْرمبشتے برجاہ اِنت – مروچی بلوچ ورنایاں لوٹ ایت بایدیں بی ایس او آزاد ءِ پیمیں آشوبی کاروانے ءِ بھر جوڑ بہ بنت ءُ راجی گْوستانک ءَ وت ءَ ابدمان بہ کن اَنت- چریشی ءَ نہ کہ تھنا تئی سرڈگار چہ زورگِر ءِ دست ءَ آجو بیت بلکیں تئی راج اے دمگ ءِ تہ ءَ وتی ھزاراں سالانی دودمان ءُ راجدپتر ءَ یک آجو ءُ وتواکیں راجے ءِ بستار ءَ زند گوازین ایت-

مھرزاد بلوچ ءَ گوں بی ایس او آزاد ءِ باسکاں گْوشتگ کہ مرچی مارا وتی سر ءَ پھر کنگی انت کہ ما منگھیں شھیدانی کاروان ءِ مساپریں ، بی ایس او آزاد ءِ لیکھی کاروان ءِ ردوم مئے لیکھی ھمبل کسانسالیں بالاچ ءَ بگر داں شھید جاوید اکتر ءَ گوں وتی ھوناں کُرتگ – مئے کاروان ءِ لیکھی ھمبل ذاکر مجید، زاھد، شبیر، سمی ءُ دگہ بازیں ھمبلاں وتی سرجمیں زند دُژمن ءِ مردم کُشیں آزارجاھاں بکش اِتگ بلے چہ وتی مزن شانیں لیکھہ ءَ دزکش نہ بیتگ اَنت – مئے لیکھی ھمبلانی مزنیں دیمونیانی برورد بس بلوچ آجوئیں گلزمین اِنت۔ مرچی ما گْوستانک ءِ اے جاہ ءَ اوشتوک اِنت کہ مارا سبزیں باگ پیشدارگ ءُ سرجمیں زندگی ءَ ایردستی ءِ وڑیں پِٹ ایں زندگی گْوزینگ ءِ سبک دیگ بیگ ءَ اِنت ءُ دومی نیمگ ءَ یک مزنیں آشوبی جُھدے کہ اود ءَ باز جنجال ءُ ناگیگی ھست بلے ایشی ءِ برورد آجوئیں گُلزمین بیت۔ مرچی مارا بی ایس او آزاد ءِ باسکاں اے ناگیگیں جاوراں وت ءَ گیش مُھکم ءُ جنجالانی دیمپانی کنگ ءَ لیکھی بنیاد ءَ ساڑی کنگی اِنت ءُ اے آشوبی جُھد ءِ دُرسیں زمہ واری ءُ آشوبی راھبندانی رد ءَ پیلو کنگی اَنت ءُ وتی اے آشوبی جُھد ءِ سر ءَ دلجم بیگی اِنت کہ ایشی ءِ تہ ءَ پما یک مزنیں سوبمندی یے ءُ پہ دُژمن ءَ روسیاھیں بےسوبی یے بیت –

ھمے وڑ بی ایس او ءِ جارکش ءَ گوشتگ کہ بیست ءُ شش نومبر بلوچ راجی سیاست گوستانک ءِ بُنھشت زانگ بیت اِنت – مئے راجداریں رھشوناں اے روچ ءَ مار ءَ ھما راجی درسگاہ داتگ کہ بلوچ راج مدامی آھانی اھسان مند بیت اِنت –

بی ایس او ءِ جارکش ءَ گوشتگ کہ بلوچ اسٹوڈنس آرگنائزیشن ءَ نودربر گل ءِ دروشم ءَ بلوچ راجی جھد ءَ سائنسی بنیادانی سر ءَ برجم دارگ ءَ وتی کرد پیلو کرتگ انت- گل ءَ وتی سروک ءُ باسکانی شھیدی زندانانی تہ ءَ بندیگیں باسکانی بار ھم اوپار کُتگ بلے اے دیمونی ءُ اڑاند ءَ ابید بی ایس او مروچی ھم بلوچ نودربرانی سیاسی زانشتی پُرایمنیں جھد ءِ تہ ءَ اولی سرپ ءَ انت-

جارکش ءَ گوشتگ کہ ریاست ءَ بلوچ ءِ سیاسی ءُ جمھوری سوچ ءِ سر ءَ مدامی ترس بوتگ ءُ بلوچ نودربرانی سیاسی جھد ءِ دیم ءَ اڑاند پیداگ کتگ – ءُ اشی ءِ تہ ءَ ھچ شک نیست کہ اے گل ءِ تہ ءَ ھواریں بازیں مردمے آستونک ءِ مار جوڑ بوتگ انت ءُ بی ایس او وتی زاتی ءُ ریاست ءِ مپاداتانی ھاتر ءَ تاوان بار کتگ – چیزے وھد ءَ بوت کنت اھاں ھمے پھم اِتگ کہ سوبین بوتگ انت بلے راج ءِ تمرد ءُ دلیریں پرزنداں مدامی راجی پگر دیم ءَ برتگ –

آئی ءَ گوشتگ شھید فدا بلوچ ءُ شھید ھمید بلوچ ءِ شھیدی چمدیتگیں گواہ بیوک مروچی وت ءَ پاک پلگار کنگ انت ءُ راج ءِ دیم ءَ پیش دارگ انت بلے ما اے گپ ءَ پدر کنیں کہ بلوچ نودربر وتی رھشونانی شھیدی ءَ ھچبر بے ھیال نہ کنت –

نوکتریں

بیم، اِشک ءُ آجوئی – برز کوھی | مھروان کمبر

نبشتانک: بیم، اِشک ءُ آجوئی نبشتہ کار: برز کوھی رجانک: مھروان کمبر

من، درانڈیھ ءُ وتن – ھپسہ بلوچ

نبشتانک: من، درانڈیھ ءُ وتن نبشتہ کار: ھپسہ بلوچ دی بلوچستان پوسٹ

ندر پہ شہید بانک شاری ءِ نام ءَ – بانڑی بلوچ

لچہ: ندر پہ شہید بانک شاری ءِ نام ءَ لچہ کار: بانڑی بلوچ

ابدمانیں کارست شھید شَے مرید – ھانی بلوچ

نبشتانک: ابدمانیں کارست شھید شَے مرید نبشتہ کار: ھانی بلوچ دی بلوچستان پوسٹ