نسیرآباد ءَ ٹیپل شاخ ءَ دستی بمب اُرش ءِ زمہ واری بی آر جی ءَ منّ اِتگ

پوجی لوٹانی ھاتر ءَ جوڈ بووکیں پوجی کمپنی ءِ چار کارمند اے اُرش ءَ زدگ بوتگ – دوستین بلوچ

سربوتگیں ھالانی رِد ءَ ناشناسیں مردماں نسیر آباد دمگ ٹیپل شاخ ءَ ایف ڈبلیو او ءِ کارمندانی سر ءَ دستی بمب اُرش ءِ کتگ – اُرش ھما وھد ءَ کنگ بوتگ کہ ایف ڈبلیو او ءِ کارمند دگ ءِ جوڈ کنگ ءَ بوتگ انت چریشی ءَ ایف ڈبلیو او ءِ کارمنداں جانی تاوان رستگ – اُرش ءِ زمّہ واری بلوچ آجوئی لوٹوکیں سلاہ بندیں بی آر جی ءَ منّ اِتگ –

بلوچ ریپبلکن گارڈ ءِ جارکش دوستین بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں نسیر آباد ءِ دمگ ٹیپل شاخ ءَ ایف ڈبلیو او ءِ کارمندانی سر ءَ ھما وھد ءَ دستی بمب اُرش ءِ کہ آء پوجی مول آنی ھاتر ءَ یک دگ ءِ جوڈ کنگ ءُ آئی ءِ پھازگ ءَ دست گٹ بوتگ انت –

جارکش ءَ گوشتگ کہ اے اُرش ءَ ایف ڈبلیو او ءِ چار کارمند سک باز زدگ بوتگ –

آئی گوشتگ کہ ما اے گپ ءَ پدر کنیں کہ پوجی مول مرادانی ھاتر ءَ جوڈ بؤوکیں پروجکٹانی سر ءَ مئے اُرش برجاہ مان انت – او بلوچستان ءِ آجوئی ءَ تاں مئے سلاہ بندیں جھد برجاہ بیت اِنت –