ملا عمر بلوچ کَے بوتگ؟-ٹی بی پی گچینی

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

ملا عمر بلوچ کَے بوتگ؟

ٹی بی پی گچینی

رودراتکی ءُ روکپتی بلوچستان ءِ ناشریں کِرد واھند مُلا عمر بلوچ ھبدہ نومبر ءَ پاکستانی پوج ءَ بلوچستان ءِ دمگ کیچ ءَ شَکی ئیں وڑے ءَ تیرباران کرتگ ءُ کُشتگ – بلوچ آجوئی لوٹوکاں مُلا عمر بلوچ ءِ سر ءَ ھمے بھتام جتگ کہ آ پاکستانی پوج ءِ کارندہ ءُ نیکراھی ناشرکارے ءُ آھانی میان ءَ باز وھد ءَ جنگ ھم بوتگ، دومی نیمگ ءَ ملا عمر بلوچ ءَ اے بھتام رد کرتگ ءُ گوشتگ کہ آ بلوچ سرمچارے ءُ ایران ءِ بگیری ءَ بلوچانی آجوئی ءِ ھاتر ءَ جنگ کنگ ءَ اِنت- ملا عمر ءِ نام ءَ چہ نامدار بوگ ءَ ابید آ وتی نام ءِ ھمراھی ءَ لبز ءِ مُلایے درگت ءَ گوش اِیت کہ اے بس آئی ءِ پنام اِنت آئی ءَ گوں نیکراھی ناشرکاری ءَ ھچ وڑیں دست رس نیست –
ملا عمر ھبدہ نومبر ءَ سَے شمبے ءِ بیگاہ ءَ بلوچستان ءِ دمگ کیچ ءَ ھندی پولیس ءَ تیر باران کُتگ ءُ کُشتگ- اے وئیل ءَ ملا عمر ءِ دو چُک حسن ءُ حسین ھم پولیس ءِ تیرانی آماچ بوتگ ءُ بیران بوتگ اَنت –

ملا عمر ءِ مرگ ءِ وئیل کیچ ءِ بنجاھی شھر تربت ءَ سیٹلائٹ ٹاؤن ءَ تربت بالی پٹ ءِ نزیک ءَ ایف سی ءِ چیک پوسٹ ءَ چندے گامانی دوری ءَ دیم ءَ اتکگ ، اشی ءَ پد ھما دمان ءَ ایف سی ءَ ھم وت ءَ ھما جاہ ءَ سر کُتگ ملا عمر ءِ گاڑی تیرانی نشانگ جوڑ کرتگ ھمے وڑ پولیس ءُ ایف سی ءَ ھواری ءَ آ جتگ ءُ کُشتگ –

دمگی مردمانی رِد ءَ بیگاہ ءِ وھد ءَ پولیس ءَ سیٹلائٹ ٹاؤن ءِ جتائیں دمگاں وتی تر ءُ تاب گیش کرتگ انت ، ءُ لھتے جاھاں پولیس ءُ ایف سی ءَ دمک ءُ در گپتگ ءُ اُشتاتگ انت – دمگی مردمانی گوشگ اَنت کہ اے اد ءَ چیریں شتلی کنگ ءَ بوتگ اَنت ھما شتلی ءِ رد ءَ پاکستانی چیریں ادارھانی مھمان بوتگیں مُلا عمر ءِ کُشگ ءِ شور بندی کنگ بوتگ –

چیریں ھالے ءِ رِد ءَ کہ سَے شمبے ءِ روچ ءَ چیریں ادارھاں مُلا عمر دو رند ءَ لوٹ اِتگ بلے آ گوں آھاں دچار نہ کپتگ، بیگاہ ءَ ایف سی ءَ ھم تربت ءِ ھیڈکواٹر ءَ لوٹارینتگ بلے مُلا نہ شُتگ دمگی مردمانی رد ءَ کہ بوت کنت ملا عمر ءَ گمان کُتگ کہ آئی ءِ گون ءَ چی کنگ بیت ھمے ھاتر ءَ ریاست ءِ مھمان بوگ ءَ ابید آئی ءِ ھکم نہ منّ اِتگ –

ملا عمر ءِ نزیکتریں مردمانی گوشگ اِنت کہ بیگاہ ءِ وھد ءَ کہ آئی ءَ مار اِتگ کہ وڑے ھست گڑا وتی دوئیں چکانی ھمراھی ءَ گاڑی زرتگ ءُ تچگ ءُ روگ ءِ جھد ئِے کرتگ چوش کہ پولیس ءُ ایف سی پیش ءَ چہ آئی ءِ چاریگری ءِ ھاتر ءَ سنگر جتگ ءُ نشتگ بوتگ اَنت گڑا ھمے وھد ءَ آھاں تیرگواری کُتگ مُلا عمر گوں دوئیں چکاں کُشتگ –

مُلا عمر کے بوتگ؟
مروچی ءَ چہ لھتے سال پیش دوھزار ءُ سیزدہ ءَ کہ سھب ءِ بام ءِ ٹک دیگ ءَ بوتگ ءُ تھاری ھلاس بوان اَت گڑا تربت ءَ چہ کساس شست کلومیٹر دور روکپتی دمگ کلاھو نامیں میتگے ءَ تراکانی توار ءَ لس مھلوک جاہ سرینتگ اَت، روچ ءِ درآھگ ءَ تاں اے گپ پدر بوت کہ ملا عمر ءِ منندی جاہ ءَ مزنیں اُرشے کنگ بوتگ –
راستی ءَ ایرانی ڈورون ءَ آئی ءِ لوگ ءُ جاہ شوھاز ءَ پد نشانگ کتگ اَنت، چریشی ءَ چہ آئی ءِ کسان سالیں جنکوے بیران بوتگ اَت بلے مُلا عمر وت رک اِتگ اَت –
اے وئیل ءَ پد ریاستی ادارھانی پھازداری ءَ گوں تربت ءِ دمگ سیٹلائٹ ٹاؤن ءَ اتکگ ءُ داں کُشگ ءِ وھد ءَ ھمد ءَ نندوک بوتگ –
آئی ءَ بازیں وھداں اد ءَ یک گاڑی ءِ گون بوتگ ءُ تھنا تر ءُ گرد کرتگ آئی ءِ گون ءَ ھچ وڑیں پھازدار نہ بوتگ یک وڑ ءَ آئی ءَ وت ءَ اد ءَ سرجمی ءَ مھکم لیک اِتگ ھمے گوشگ بیت چہ ھمد ءَ آئی ءَ را بلوچستان ءِ تہ ءَ بوکیں آجوئی زرمبشت ءِ بگیری ءَ کارمرز کنگ بندات کرتگ –
دمگی مردمانی رِد ءَ آ یک مھکمیں نیٹورکے ھلائینگ ءَ بوتگ کہ آئی ءِ تہ ءَ چیریں ادارھانی جوڑ کرتگیں دمگی ڈیتھ اسکواڈ ھم ھوار کنگ بوتگ اَنت کہ آھانی پوڑی دیگ ملا عمر ءِ زمہ واری بوتگ – آئی ءَ ڈیتھ اسکواڈ ءِ تہ ءَ یاسر بھرام نامی ئیں مردمے ھم ھوار بوتگ کہ سر زاھری ءَ کیچ ءِ تہ ءَ ڈیتھ اسکواڈ ءِ سروکی ءَ کنت –

لھتے سال پیسر بلوچستان ءِ کوچگی دمگ کھیرن نگور ءَ ملا عمر ءُ یاسر بھرام ءِ ڈیتھ اسکواڈ ءُ بلوچ سلاہ بندانی میان ءَ جنگ ءُ چوپ بوتگ اَت دوئیں نیمگاں بازیں اداراں تاں جنگ بوتگ ءُ اے ھال ءَ سرجمیں بلوچستان پُچ اِتگ اَت دومی روچ ءَ ایف سی ءِ نیمگ ءَ چہ تربت ءَ مزنیں کساسے ءَ پوج دیم دیگ بوت ءُ آ چہ جنگ جاہ ءَ درکرت ءُ دؤئیں سیٹلائت ٹاؤن ءِ وڑیں جاھے ءَ جاھمنند کنگ بوت اَنت –

ملا عمر چہ کجا اتکگ؟
ملا عمر بُنکی ءَ روکپتی بلوچستان (ایران) ءِ نندوک بوتگ ریاستی بگیری دارگ ءِ سوب ءَ بازیں کیسانی سوب ءَ آ لوٹ کنگ بوتگ – آ ایران ءِ بگیری ءَ جنگ کنوکیں سلاہ بندیں گل جیش العدل ءِ کماندار بوتگ، جیش العدل ھمے ڈاہ ءَ دنت کہ آ شیعہ پرکہ ءَ ڈیھے تہ ءَ سُنی بلوچانی ھک ءُ آجوئی ءِ ھاتر ءَ جد ءُ جھد کنگ ءَ اِنت – ایران ءِ بگیری ءَ جنگ کنوکیں بلوچ سلاہ بندین گل مدامی رودرآتکی بلوچستان ءَ راجدپتری پھازگی جاہ ءِ لیک اَنت ءُ آھاں سر زاھری ءَ پاکستان ءُ شیعہ بگیری داروکیں تاکتانی نیمگ ءَ پلامرزی رس اِیت – ملا عمر ءَ ایران ءِ بگیری ءَ پُرکاریانی بندات ھما وھد ءَ کُتگ اَت کہ آئی ءِ یک براتے ایرانی ھاکماں پاھو ءِ سزا داتگ ات – آئی ءَ سلاہ بندیں کاروائیانی بندات مولابکش درخشان پنام ملا ملوک ءِ سپاہ رسول اللہ ءَ چہ کُتگ اَت، دوھزار ءُ شش ءَ وھدیکہ ملا ملوک ایرانی پوج ءِ دست ءَ جنگ بوت گڑا ملا عمر ءَ سپاہ رسول اللہ ءِ پتر ءِ دلگوش کنگ بندات کت ءُ پد ءَ رند ءَ آ عبدالمالک ریکی ءِ جنداللہ گل ءِ بھر جوڑ بوتگ – دوھزار ءُ دہ ءَ عبدالمالک ریکی ءِ پاھو ءَ پد جنداللہ پُرشت پروش ءِ اماچ بوت ءُ بازیں ٹولیانی تہ ءَ بھر بوت – ملا عمر جیش العدل ءِ بھرے جوڑ بوت –
حاجی حسن ایرانی، کہ آئی ءِ سر ءَ ممبئی اُرشاں ھوار بوگ ءُ اجمل قصاب ءِ ماں انڈیا ءَ دیم دیگے بھتام ھست اَنت ملا عمر آئی ءِ دست ءِ راستاں ھوار بیت – حاجی حسن ایرانی ءَ بازیں سالے بیت کہ ایرانی سرکار ءَ درکار انت – بازیں وھدے بیت کہ آ تربت ءَ نندوک انت بلے آئی ءِ گچینی بنجل لاھور ءُ کراچی اَنت-

نامی ئیں ھندوستانی اھوالکار ادتیا راج کول ءَ مُلا عمر ءِ کوش ءَ پد وتی ٹویٹر ءَ یک ٹویٹے ءِ تہ ءَ گوشتگ کہ ھندوستان ءِ جاھمنندیں کلبھوشن یادو ءِ آوار جنگ ءُ پاکستانی پوج ءِ ھوالگ کنوکیں مردم ملا عمر بوتگ –

ملا عمر ءِ کوش ءِ درگت ءَ ھمے ڈاہ شنگینگ بیگ ءَ اِنت کہ ایران ءُ پاکستان ءِ میان ءَ لھتے روچ پیسر مزنیں واکانی گند ءُ نند بوتگ انت آھانی تہ ءَ ھمے گپ منّگ بوتگ کہ یکے دومی ءِ لوٹ اِتگیں جرمکاراں کہ یکے دومی ءِ ملکاں جھمنند انت آ جنگ بہ بنت یا ھوالگ کنگ بہ بنت – زانتکارانی گوشگ ءِ رِد ءَ ملا عمر ءِ کُشگ ءَ پاکستان ءَ ایران ءِ گون ءَ سیادی جاورانی گھتر کنگ ءِ شُبینگ داتگ –

نوکتریں

کیچ الندور ءَ ناشناسیں مردماں ھائی اسکول سوتکگ

دی بلوچستان پوسٹ کیچ ءِ دمگ بلیدہ الندور ءَ ناشناسیں مردماں گورنمنٹ ھائی اسکول بُن داتگ، چریشی...

گچک: دو زالبول ءُ چُکاں ھوار نُھ مردم بیگواہ

دی بلوچستان پوسٹ چہ گچگ ءَ پاکستانی پوج ءِ دست ءَ دو زالبول ءُ چکاں ھوار نُھ...

مند ءَ پاکستانی پوج ءِ پانگس ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ –

گوک رودان ءَ پاکستانی پوج ءِ پانگس ءِ سر ءَ اُرش کتگ دو کارمند کُشتگ یکے زدگ کُرتگ - میجر گْوھرام...