بلوچستان ءَ اسلامی نیکراھی کنگ- کمبر بلوچ/پاتمہ بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: بلوچستان ءَ اسلامی نیکراھی کنگ

رجانکار: پاتمہ بلوچ 

انگریزی: کمبر بلوچ

دی بلوچستان پوسٹ


 
روایرشُتی ءَ گوں ایران ءَ، گوریچی سیمسر گوں اوگانستان ءَ ءُ زِرباری سیمسر گوں ھرموز دریا گوں گنڈ انت پمیشکا بلوچستان تب ھر وھد ءَ یک کارشونی ارزِشتے دار ایت بلے ایشی ءِ تہ ءَ بلاھیں ابرمی گْواچی، راجی چیر جنگی جُنز ءُ بنی آدمی ھکانی لگتمالی اڑ ھم ھست انت چریشی ءَ ابید اود ءَ پاکستانی ریاست ءِ لشکری ترامگیج ءِ گوں یک ھاسیں رِد ءُ بندے ءَ ما سرکاری کاراں بدیں دزمانگیجی یے ھم ھست انت۔ ایشی ءِ آسر ءَ آزات ھیال ءُ وشتبیں بلوچ چاگِرد ءِ ھُنڈال یکشل ءَ ولگوج بُوان ءُ یک تْرُندیں اسلامی نیکراھیں چاگِردے جوڑ بّوان انت۔ کساس دو دھکاں ماں ھمساھِگیں اوگانستان ءُ پاکستان ءِ گوریچی دمگاں سلامی نیکراھی جنگولانی ھلاپیں جنگ ءَ بلوچستان ءِ میان اُستمان ءَ جیڑہ دلگوش نہ کُتگ بلکیں چہ
رسانکدر ی بندیش ءِ آسر ءَ بلوچستان ءِ جیڑہ گیشتر ڈالچار کت۔
اگاں اے جیڑہ میان اُستمان ءَ نہ چار اِت گُڑا پاکستانی ترامگیج ءِ اے کوریں شوندات ناں کہ پہ اے دمگ ءَ بیرانی یے بیت بلکیں پہ دْراھیں گیدی ءِ ایمنی ءَ یک اندوھے ودی کنت۔
 
بلوچ آزات ھیالی (سیکولرزم)
بلوچ زانوگِر  واجہ جان مھمد دشتی ءِ ھیال ءُ لیکھانی رِد ءَ بلوچ چاگِرد یک انچیں مُچی دود ءُ ربیدگ ءِ واھند اِنت کہ ایشی ءِ ھمے دود بلوچ ءَ یک وشیں کچے ءَ نیکراھی، آسودگی  ءُ مُلکاری ءَ سوھو کن اَنت۔  بنی آدم زانت ءُ دپتر زانت واجہ دشتی ءَ درنگازی کنان ءَ گْوشتگ کہ دوازدھمی ءُ شانزدھمی کرن ءِ وھد ءَ چاگِردی جْواناھی، دنیاوی، دود ءُ ربیدگ ءِ ارزِشت ءُ نیکراھی اوپار ءَ بلوچ راج ءَ بُنکی راجی پجّارے داتگ ءُ پد ءَ راج ٹَکری بَھر ءُ بانگ ءِ رنگ ءَ ءُ شوانگی ربیدگاں مٹّ بوتگ۔ جان مھمد ءُ رِدالی ءِ رِد ءَ بلوچ گیشتری ءَ مسلمان اَنت البت چہ ھمساھِگیں راجاں بلوچ کم اسلامی نیکراہ ءُ گیشتر راجدوست ءُ آزات ھیال اَنت۔ بزاں سے ھزار سال ءِ وھد ءَ یک درورے گِندگ نئیت کہ اود ءَ بلوچاں اسلام نیکراہ پہ وتی زاتی پائدگ ءُ سیت ءِ ھاتر ءَ کارمرز کتگ ابید چہ اولی گل ھان نسیر ءِ ھما بدیں جنگی ھکل ءَ کہ زورانسری زکری بلوچ سُنی مسلمان کنگ بوت اَنت۔
پہ بلوچ تب ءُ مجگ ءِ زانگ ءَ باز تپاس ءَ رِند گْوشگ بیتگ کہ انچوشکہ نیکراھی نام ءَ دمگی ھمساھِگیں زورانسرانی بلوچ چاگِرد ءَ دزمانگیجی بیتگ۔ البت پیڈریک گراگری گْوش ایت کہ ماں بلوچ چاگِرد ءَ پاکستان لشکری ترامگیج ءِ یکشلائیں دزمانگیجی ءِ سوب ءَ بلوچ آزات ھیالی گار بُوان انت۔  
چہ گْوستگیں دھکاں ریاستی ترامگیج ءَ ھمے کوشست کُت کہ اگاں سرجم نہ بوت گُڑا کمیں بلوچ راج ءِ چاگِردی دود ءُ ربیدگ گار کنگ بہ بنت انچوشکہ اے دود ءُ ربیدگ ءِ تہ ءَ یک بلاھیں راجی آجوئی ءُ بلوچ راجی جُنز ءِ آگاھی، آزات ھیالی ءُ یک پہ وتی مادریں ڈیھ ءِ پھازگ ءَ یک بلاھیں ھُب ءُ باھندے دار ایت پمیشکا لوٹ ایت کہ بلوچ راج  چاگِرد ھر وڑے ءَ اسلامی نیکراھی بہ بیت۔ البت اے اسلام آباد ءَ نشتگیں شوندات اڈ کنوکانی یک پندلے کہ پاکستان ءِ تہ ءَ بلوچی راجی آجوئی ءِ سوال جُست مہ بنت۔
 
سلام پہ مُلکاری پائدگاں
ھمے زورگیری ءِ وھد ءَ پہ وتی مُلکاری شست ءُ مُرادانی پیلو کنگ ءَ سلام ءِ کارمرزی پاکستانی لشکری ترامگیج ءِ یک ھیلے بوتگ۔ چوناھیگا نوزدھمی کرن ءِ گریٹ گیم ءِ وھد ءَ برتانیہ ءَ ھمے سَسّا مھکم کُت کہ “اسلامی نیکراھی”  پہ ھمے سِلاہ ءَ کارمرز کت کہ میانجی ئیں ایشیا ءِ مھلوک تْرُندی ءَ شِنگ بوانیں روس ءِ ھلاپ ءَ یکجاہ بہ بنت پمیشکا روس، ھندوستان ءِ راجی آجوئی ءُ میانجی ئیں رودرآتک ءِ ھلاپ ءَ برتانیہ ءَ بازیں تبک ءِ نیکراھی گل ءُ مردم ودی کُتگ انت، چی ءَ کہ اسلام پہ سیاسی پائدگ گِرگ ءَ سَک ارزانیں سِلاھے ءُ برتانیہ ءِ مستریں کاسگ چٹّ جلالُ الدین اوگانی ءُ سئید اھمد ھان وڑیں نامداریں نیکراھی بالاد بوتگ انت ءُ ھمے مردم اسلامی یکجاھی ءُ اسلامی نیکراھی سَسّا ءِ دیم ءَ برگ ءَ باز سروگان بوتگ انت۔
توری اسلام پہ سیاسی شست ءَ یا بہ گِند ئے چہ اسلامی نیکراھی ءِ کارمرزی ءَ مھکمیں ھندوستان بَھر ءُ بانگ بوتگ ءُ ایشی ءِ آسر ءُ سان ایشیا ءِ زِرباری ءُ میانجی ئیں مُلکاں ھم کپتگ- چریشی ءَ جُتا جُتائیں راجدپتری، زبان، دود ءُ ربیدگ ءِ واھندھیں  راج زورانسری ءَ نوک ٹھینتگیں پاکستان ءِ گوں ھوار کنگ بوتگ انت۔ پد ءَ نوکیں مُلک ءِ سرکار  لشکری ترامگیج ءِ دست ءَ دیگ بوتگ کہ ھما پہ وتی جھانگیری واجھانی پائدگاں وپادار بوتگ انت۔ اگاں بہ گِند ئے روایرشُتی سیاسی ءُ جنگی گل (سِنٹو ءُ سیٹو) ءِ باسکی ءِ آسر ءَ ھمے مُلک ءَ مستریں زمہ واری ھمے دیگ بوتگ انت کہ مھلوک ءِ اسلامی نیکراھی مارشتاں روس ءُ چین ءِ تْرُند ودی بوتگیں شوشلسٹ جُنز ءِ اولی دیمپانی ءَ کارمرز بہ بنت چہ روایرشُتی مُلکانی کُمک ءَ لشکر ءَ ناں کہ وتی مُلک ءِ سروگان منّ اِتگ بلکیں ھمے جار ھم جتگ ئِے کہ اے مُلک ءِ سسّائی دیمپان ما وت ایں۔ بزاں اسلامی نیکراھی پہ جُتائیں دود ءُ ربیدگی راجانی  ھوار کنگ ءُ سیاسی رھشونانی زیر دست کنگ ءِ ھاتر ءَ بُنکی سِلاھے بوتگ
چہ گْوستگیں ھپتدہ (70) سال ءَ ریاستی لشکر مُلک ءِ مستریں سیاسی ءُ زَری سروگان بوتک بلے گیشتر بلوچستان ءَ ھم بوتگ۔ البت پہ راجمستری ءُ اُلسی سرکار ءِ مُھکم کنگ ءِ ھاتر ءَ لشکری ترامگیج ءِ بگیری ءِ جُنز ءَ دیمروی لوٹوکیں سندھی، پشتو ءُ بلوچ راجدوستانی بَھر تْرند بوتگ۔ ما دلگوش بہ بِہ ایں کہ بلوچستان ءِ اولی راجدوستی
آوامی نیشلسٹ مارٹی ءِسرکار  کہ ھما چہ پاکستانی لشکر ءِ ماں سرکاری کاراں دزمانگیجی ءَ ھلاپ اَت سرکار زورانسری ءَ ھلاس کنگ بوتگ پد ءَ ھمے سندھی، پشتو ءُ بلوچ رھشُوناں راجدْروھی ءِ مارکہ جنگ ءَ رند ماں زنداناں دور دیگ بوتگ اَنت۔ ھمے آزات ھیال ءُ دیمروی لوٹوکیں گل  پاکستانی لشکری ترامگیجاں اسلام ءِ چَپ منّ اتگ پمیشکا بلوچیستان جنرل زیا ءِ اسلامی سسّا ءُ شوندات ءِ پِڑ بیتگ۔
دپتری بہ گِند ئے،  لشکری ترامگیج ءَ بلوچ اسلام ءِ ھلاپ ءَ ڈنی مُلکانی کارمند سرپد بوتگ ءُ بلوچ راجدوستی ماں  سرکار ءَ نہ منّتگ چریشی ءَ گوں بلوچ رھشُوناں یک سوبمندیں نِند ءُ نیادی گپ ءُ توارے نہ بوتگ بلکیں مُدام بلوچ راجی جُنز ءِ ھلاپ لشکرکشی ئِے کُتگ ءُ بے کانودی ءُ چہ سرکار رھبنداں لگتمالی ءِ درچے مھکم ئِے کُت۔ پد ءَ کم کم ءَ بلوچی چاگِرد ءُ مُلکاری اوتاگ چہ یک بدیں رنگیں ءُ بے بنی آدمی پیمے ءَ سِستگ انت۔
 
اسلامی جنگولی گلانی کُمک
بلوچستان ءَ اسلامی نیکراہ کنگ ءُ نوک ودی بوتگیں نیکراھی تبکی جیڑہ پہ بلوچانی بیڑتریینگ ءُ بلوچ راجی آجوئی ءِ جُنز ءِ ھلاس کنگ ءِ پندلانی بَھر انت۔ واجہ گراری ءُ واجہ زُرتوزہ ءِ رِد ءَ چہ بُن بیھی بلوچ راجی جُنز ءِ آگاھی ءِ ھلاس کنگ ءِ ھاتر ءَ لشکری ترامگیج اسلامی جنگولاں گوں دلبڈی ءَ بلوچستان ءُ تہ ءَ مان کنت۔  2014 ءَ پاکستان ءِ بنی آدمی ھکانی کارمستر بانُک زوھارا یوسپ ماں بی بی سی ءَ گُلگدارے ءَ گْوش ایت لشکر جنگوھی ءُ السونت ءُ جماھت وڑیں نیکراھی جنگولی گل ماں یک  ھاسیں رِد ءُ بندے ءَ پہ بلوچی آزات ھیالیں راجی چیرجنگولانی ھلاپ ءَ تْرُندی ءَ کارمرز بوگ ءَ اَنت۔ انچوشکہ آئی ایس آئی ایس  ءُ دائیش وڑیں بدنامیں نیکراھی جنگولاں ھم ماں بلوچستان ءَ وتی ھُنڈال مھکم کُتگ اَنت۔ 
اے وڑیں شاھدی چہ آوران ءِ 2013 ءِ زمین چنڈ  ءَ گِندگ کیت کہ ھما وھد ءَ اے دمگ بلوچ چیرجنگ ءِ یک تْرُندیں جنگی بُنجاھے اَت۔ 2017 ءَ بانُک کرسٹین پئیر ءُ واجہ ھمزا اَلی ءِ رِد ءَ راجی تپاکی گل(یو این) ءُ امریکہ وڑیں  میان اُستمانی ھستیاں ءَ چہ میان اُستمانی بیمناکی گل ءِ نام دیگ ءَ ابید لشکر تیبا ءِ پلاہ انسانیت گل کہ ساری ءَ جماھت الداواہ ءِ نام ءَ  بوتگ ، پہ وتگڑیں ھزمتکاری ءَ چہ ریاستی لشکر ءَ ھاسیں پلہّ مُرزی یے رس اِتگ، البت ھبکّھی ءَ ایم ایس ایپ(میڈیسن سین پرینٹیرز) وڑیں آزات ءُ نامداریں ھزمتکاری گلاں چہ آیانی وش دلی ءَ ابید پہ اندوہ زدگیں مھلوک ءِ دوا  درمانی ءُ بنی آدمی تاھیری کار کنگ ءِ موکل نہ رس اِتگ
پد ءَ یک کسانیں وھدے ءَ رند نومبر 2014 ءَ آئی ایس آئی ایس ءِ شاہ لشکر ھوراسان ءَ زکری تبک ءِ شش مردم ءِ کوش منّتگ، البت دو ماہ ءَ پیسر ھمے گل ءَ کیچ دمگ ءِ بالنگِر ھنکین ءَ گوں بلوچی راجی چیرجنگولاں ماں یک ھونیںگیں جنگے ءَ دپ کپتگ انت۔ چریشیءَ اے زانگ بیت کہ بلوچ راجی جُھدکارانی ھلاسی ءِ ھاتر ءَ ریاستی لشکر ءِ گوں اسلامی جنگولاں یک سْیادی ءُ رھوتے وَ اَلم ھست۔
 
کم آبادی ئیں نیکراھاں جاہ تنک آتک
ریاستی ترامگیج ءِ بُن بیھی شوندات ھمے بوتگ کہ چہ ھِندو، ایسائی ءُ شال ءِ میزرانیں
 ھزارانی  تُرسینگ ءُ کُشگ ءِ آسر ءَ بلوچ چاگِرد ءِ ایمنی پْروش دیگ بہ بیت۔ پہ زَر ءِ گِرگ ءَ مردمانی آوارجنگ، بندیگجاھاں مھلوک ءِ لٹ شاپی ءُ ھندو نیکراھانی کُشک چہ 2005 ءَ بندات بوتگ ءُ پد ءَ آئی ایس آئی ایس گل ءَ ایسائی نیکرھانی ھلاپ ءَ بُنگیج کتگیں اُرُشانی درچاں بھر زورتگ چریشی ءَ ریاستی لشکر ءَ تیوگیں شھر ءِ ھر دمکاں یک تْرُندیں گشتانی رِدے برجاہ داشت۔ چریں اُرشاں گیشتری ءَ شیئا ھزار ءِ کُٹم  بیرانی ءِ آماچ بوتگ اَنت،  یک کچے ءِ رِد ءَ کساس 1,500 مردم لشکر تیبا ءِ بمب تراکانی اُرُش ءِ آسر ءَ گْوستگیں دھک ءَ مُرتگ ءُ بیران بوتگ انت البت ھمے ھزارانی کُشت ءُ کوش ھما وھد ءَ تُرند بُوان بوت وھدیکہ 2002 ءَ ھمے وھد ءَ ماں بلوچستان ءَ بلوچ راجی چیرجنگ ھم گامگیج زُوران اَت۔  میان اُستمانی چاگِرد ءُ آزات ھیالیں مُلکاری گلانی تْرُندیں زھر ءُ برانز ءَ ابید پاکستانی گچینکاری مجلس ءَ جماھت الدواہ ءِگل السونت ءُ جماھت ءِ 150 گچینکاری ءِ امیتواراں ماں ووٹاں بھر زورگ ءِ موکل دات
 
مکتبی (مدرساھ)  وانگجاہ 
جنرل مشرپ ءِ وھد ءَ سرجمیں بلوچستان ءَ مکتبی وانگجانی اڈکنگ ءِ یک پَشّانی ئیں درچے ودی بوتگ۔ انچوشکہ 2006  ءَ بلوچستان پَرگِنگ ءِ وانگ ءِ دیمروی ءِ زَرام 200 ملین بوتگ بلکیں 1.2 بلین نیکراھی وزیر ءِ دست ءَ دیگ بوتگ چریشی ءَ سرجمیں بلوچستان ءَ نیکراھی مکتبی لمبر شُمار سَک باز ود اِت۔ البت دومی نیمگ ءَ وانگجاھانی کچ تُرندی ءَ کم بوتگ!  آوکاپ وزیر ءِ رِد ءَ کہ ھما  نیکراھی وانگجاھاں گِند ایت گْوشتگ ئِے کہ سرجمیں بلوچستان ءَ اے وھد ءَ 13,000 مکتب پچ اِنت بزاں پنجاب ءَ رند مُلک ءَ گیشتر نیکراھی مکتب بلوچستان پچ انت۔ پد ءَ 2018 ءِ اِلیپ الیان ءِ یک چاپ کُتگیں سرھالے رِد ءَ سرجمیں بلوچستان ءَ اے وھد ءَ 13,845 وانگجاہ  اَنت ءُ چہ ایشاں 963 وانگجاہ بے وانگی اَنت۔ البت  وانگی کارگل ءِ یک چیریں ھالے ءِ رِد ءَ ھمے بے وانگی ئیں وانگجاھانی کچ گیشتری ءِ ھم گُمان ھست انت۔
 
ٹپ ءَ واد پِر کنگ ءِ پیم ءَ جماھت اسلامی ءُ دگہ بازیں نیکراھی گلاں بلوچستان ءِ تہ ءَ وانگجاہ ءُ نودربرانی سر ءَ یکشل ءَ اُرُش برجاہ داشتگ انت۔ ھمے جماھت اسلامی ءَ ماں شال ءَ زالبولانی مزن شاھدربرجاہ ءِ سر ءَ بمب تراک ءِ اُرُش منّ اِتگ ءُ ھمے وڑ ءَ پنجگور ءِ دمگ ءَ چہ آئی ایس آئی ایس ءَ بَھر بوتگیں نیکراھی جنگول الپُرکان ءَ ھم جنین چُکانی وانگجاھانی بند کنگ ءِ بیھار داتگ۔ چوناھیگا ماں بلوچستان ءَ اے درچ بُنگیجی چہ تبلیگی گلاں ودی بوتگ اَنت چی ءَ کہ تبلیگی گل اسلامی نیکراھی ءِ شِنگ ءُ شانگ کنوک اَنت، بہ گِند ئے چون، چہ بے زَری آسودگی ءَ ھمے تبلیگی گلاں ما بلوچستان ءَ یک الکاپیں گلی بُنھِشتے جوڑ کتگ؟
البت راجدوستاں مُدام ھمے گْوشت ءُ درشانی کُتگ کہ تبلیگی گلانی ھم نشہ ءِ بھا کنگ ءَ دزمانگیجی ھست۔ زاھری ءَ ھمے تبلیگی گلاں بے کانود ءُ رھبندی مستریں کارباری مردمانی زَری کُمک گون انت کہ آ دْراہ ریاستی لشکر ءِ کاسگ چٹّ اَنت۔ 
چہ یک ساز کتگیں پندل ءُ بدیں رھبندے ءَ ریاستی لشکر ءَ بلوچ جیڑھاں دزمانگیجی کنان ءَ مُھمکیں بلوچ دود ماں نیکراھی تب بدل  کتگ ءُ یک مُلائی چاگِردے جوڑ کت پمیشکا جاور نگیگ اَنت۔ واجہ گراری ءِ گْوشگ ءِ رِد ءَ  چہ ھمے نشہ بھا کنگ ءِ سوب ءَ بلین ڈالر ءِ کمائی بوگ ءَ انت ءُ اے زَر کمائی ءِ آسر ءَ ریاستی لشکر ماں بلوچستان ءَ وتی جنگی ھرچاں پیلو کنت ءُ  دمگی  واکداراں (ریجنال پاورز ) ھم تُرس ءُ بیھار دیان ءُ بلوچستان ءَ اسلامی نیکراھی چنگُل ءِ کار ایت ءُ روایرشُتی مُلکانی سیت ءُ پائدگاں ھم تاوان دنت۔
 


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

کیچ الندور ءَ ناشناسیں مردماں ھائی اسکول سوتکگ

دی بلوچستان پوسٹ کیچ ءِ دمگ بلیدہ الندور ءَ ناشناسیں مردماں گورنمنٹ ھائی اسکول بُن داتگ، چریشی...

گچک: دو زالبول ءُ چُکاں ھوار نُھ مردم بیگواہ

دی بلوچستان پوسٹ چہ گچگ ءَ پاکستانی پوج ءِ دست ءَ دو زالبول ءُ چکاں ھوار نُھ...

مند ءَ پاکستانی پوج ءِ پانگس ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ –

گوک رودان ءَ پاکستانی پوج ءِ پانگس ءِ سر ءَ اُرش کتگ دو کارمند کُشتگ یکے زدگ کُرتگ - میجر گْوھرام...