TBP Balochi

شھناز! کوھانی شیرزال

نبشتہ کار: رُژن بلوچ

دی بلوچستان پوسٹ

بلوچستان ھما دیار اِنت کہ آئی ءِ ماتاں وتی بچ لیلوھانی جاہ ءَ گِھگیری ءِ سوج داتگ اَنت ءُ آشوبی نازینکاں گوں واب گیتکگ اَنت۔ ھود ءِ جنکاں وتی منگلیکاں چہ گیش وتی ننگ ءُ ناموس، وپاداری ءُ آجوئی دوست داشتگ اَنت۔ آئی ءِ کوہ کرناں چہ بے توار اُوشتاتگ اَنت ءُ ھمے بے تواریں کوھانی سینگ ءَ یاگی اِیں جنگولانی ھزاراں کسہ کلّ اَنت۔ ھمے رِیکستگ ءُ اَبیتکیں کوھانی نیام ءَ یک توارے راج ءِ گوشاں کپت ءُ یک نوکیں نامے راجدپتر ءِ تاکانی سر ءَ نبشتہ کنگ بوت۔۔۔ آ نام اَت شھناز بلوچ۔

شھناز تھنا یک نامے نہ اِنت، بلکیں بلوچ سرڈگار ءِ ھما شیرزال اِنت کہ آئی ءَ تُرس ءِ سانکل سستگ اَنت ءُ گُلامی ءِ تھاریں شپاں آجوئی ءِ کندیل بلینتگ اَنت۔ آ ھما شیرزالانی وارس اِنت کہ آیاں زوراکی ءِ دیم ءَ سر جھل نہ کُتگ۔ شاری ءِ ھمّت، سمیہ ءِ وپاداری، ماھل ءِ دیمھونی، بانک کریمہ ءِ سما، زرینہ، یسمہ، ھوا، مریم، ھتم ناز ءِ کرد شھناز ءِ تھانگ ءَ ساہ زورگ ءَ اَنت۔

وھدے یک راجے گُلامی ءِ سانکلاں گوں بندوک بہ بیت گُڑا ھما سامراجی تاکت زالبولاں نزور، بے واک ءُ چاگردی چِست ءُ اِیراں چہ دُور دارگ ءِ کوشست ءَ کنت۔ نیکراہ، دودمان ءُ ننگ ءُ ناموس ءِ نام ءَ زالبولاں راجمانی سما ءَ چہ اَنچو زبھر کنت، کہ آ زوراکی ءِ بِگیر ءَ توار چست کُت مہ کن انت۔

بلوچستان ءِ ساچ ءَ وھدے گوکرت ءُ شوروھانی بوہ ءُ باس شنگ ءُ تالان بوت، وھدے بلوچ مات وتی زھگانی ودار ءَ زمین ءِ میار بوھان بوت اَنت۔۔۔ وھدے ھر گس ءِ دروازگانی دپ ءَ تُرس چو سپاھیگ ءَ میلانک بوت گُڑا شھناز ءَ بے توار بوھگ ءِ جاہ ءَ گھگیری ءِ نمیرانیں کِشک گچین کُت۔ آ وتی براتانی ھمکوپگی ءَ اُوشتات ءُ ھمے پیشداشت کہ بلوچ زالبول تھنا درد سگگ ءِ ھاتر ءَ ودی نہ بوتگ اَنت بلکیں آ زُلم ءُ زوراکیانی بگیر ءَ اُوشتگ ءُ جنگ کنگ ھم زان انت۔

آ کوھانی شیریں جنک اِنت، پمیشکا آئی ءِ ھوسلہ چو سیاھیجی مُھکمیں کوہ ءَ بُرز اِنت۔ آئی ءِ چمّانی تہ ءَ آجوئی ءِ واب ءُ گالوار ءَ آشوب ءِ توار جکسگ ءَ اِنت۔

شھناز ءَ زانتگ اَت، اگاں گُلامیں راجانی جنک سما ءُ زانشتی ھساب ءَ پاد بیاھنت گُڑا سامراج ءِ ایوان لرز اَنت۔ ھمے سوب اِنت آئی ءَ کتاباں چہ سما در بُرت ءُ توپک گچین کُت۔ آئی ءَ بلوچ جنک تُرس ءِ ساھگ ءَ چہ کش اِتنت ءُ ھوسلہ ءُ ھاٹیگ دات انت۔

گش انت لَھتیں کارست راجدپتر نہ وان انت، بلکیں وت راجدپتر جوڑ بنت۔ شھناز ھمے کارستاں چہ یک کارستے۔ آ ھما درستیں بلوچ شیرزالانی چیدگ اِنت کہ آیاں زُلم، جبر ءُ نہ انساپی ءِ بگیر ءَ مھکمی ءَ اُوشتاتگ اَنت۔

شیرزالیں شھناز ءِ کرد تھنا یک جنگولے ءِ نہ اِنت، بلکیں آ یک سرجمیں زرمبشت ئے، یک زندگیں چیدگے ءُ آ ھما رھشونیں کہ وتی مکسد ءِ سرجم کنگ ءَ ھر وڑیں سکّیانی دیم ءَ گوں ھمت ءُ دلیری ءَ اُوشتیت ءُ ھر وڑیں دیمھونی دیگ ءَ جاڑیگ بیت۔ آ وتی اَھد ءِ ھما چراگ اِنت کہ آھوکیں پدریچ ءَ نوکیں راھانی ڈس ءَ دنت۔

لبزانکی دُنیا ءِ تہ ءَ بازیں کارست وتی گواچن ءَ چہ گیش چیدگی دروشم ءَ زندگ ماننت۔ شھناز بلوچ راجی زرمبشت ءِ ھما کتاب اِنت کہ انگت نہ سرجم اِنت۔ آئی ءِ تاکدیم نوک نبشتہ بوھگ ءَ اَنت۔ اِشی ءِ گالانی معنا گوستانک ءِ دست ءَ اِنت۔ باند ءَ اِشی ءَ راجدپتر وت پدّر کنت کہ آھوکیں پدریچ شھناز ءَ کُجام سرنام ءَ دنت۔ بلے ما اِینچو زانیں کہ بلوچستان ءِ راجدپتر ءُ راجمانی باوست ءِ تہ ءَ آ یک جوانیں درورے جوڑ بوتگ۔

شھناز ءِ کسہ تھنا یک مردمے ءِ کسہ نہ اِنت، بلکیں یک زورگپتگیں دیارے ئے، یک پدریچے ئے ءُ یک زرمبشتے ئے کسہ اِنت۔ ھردیں تیاب ءَ چہ چِست بیتگیں گوات کوھاں امباز کن انت گُڑا بلوچ ءِ جنگ بے توار نہ بیت ءُ داں آجوئی یکشل ءَ ھمے داب ءَ روان کنت۔

شھناز دابیں کارست مارا ھمے درس ءَ دینت کہ آجوئی ءِ جنگ تھنا مردیں آدمانی جنگ نہ اِنت بلکیں ھما مُچ بلوچ شیرزالانی ھم جنگ اِنت کہ آ گُلامی ءَ کبول کنگ ءَ جاڑیگ نہ اَنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-

بلوچ لبریشن آرمی ءِ جارکش جیئند بلوچ ءَ وتی آفیشل چینل ھکل ءَ شال ءَ پوجی شٹل ریل ءِ سر ءَ بوتگیں جندندری بلال شاہوانی پنام ءِ سائیں ءِ تامری کلوہ شنگ کتگ ۔

تامر ءِ تہ ءَ اے ھم نبشتہ انت کہ پاکستانی پوج ءِ سر ءُ پرانی سر ءَ نگاہ ایرکنوکیں زراب یونٹ ءِ انٹلی جنس ءُ بی ایل اے مجید برگیڈ ءِ جندندر بلال شاھوانی ءَ پاکستانی پوج ٹوھیں دکے جتگ ۔

دیمتر ءَ اے ھم نبشتگ کہ مشکاپ ءَ جاپر ایکسپریس ءِ ھائی جیکنگ ءَ پد پاکستانی پوج ءَ وتی سر ءُ پر مٹ کتگ انت ءُ شال کینٹومنٹ بگر تاں بازار ءِ تہ ءَ چمن پاٹک ریل اسٹیشن ءَ شٹل ریل کارمرز کنگ بندات کتگ ، اے شٹل ریل چد ءُ پیسر ءَ ھم نشانگ کنگ بوتگ کہ آ شھر ءِ بنجاھی ریل اسٹیشن ءَ سر بہ بیت ۔

شال اُرش ءَ ساری اُرش ءَ کارمرز بوتگیں گاڑی ءَ سواریں بی ایل اے مجید بریگیڈ ءِ جندندر بلال شاھوانی گوش ایت کہ سنگت من وتی سواری ءَ سواراں پہ دژمن ءَ ائید ءِ سوگات ءَ برگ ءَ آں ، بازیں وھدے بیت کہ ھمے ودار ءَ بوتگاں ، سے ماہ انت نوں دژمن ءَ اے کلوہ ءَ دئیگ ءَ اوں ۔

آ گوش ایت کہ ٹوھیں ڈک ءِ جنگی ایں ، جنگ برجاہ ایں چہ راج ءَ ھمے گوشگ لوٹ آں کہ بیا انت اے جنگ ءِ بھر جوڑ بہ بنت شھیدانی نام ءَ کربان کہ آیاں وتی کرتن ءَ چہ راج پھمینتگ ءُ وت شتگ ءُ ٹکر ٹکر بوتگ انت ۔

وتی کلوہ ءَ آ گوش ایت دژمن ءِ ھمرائی ءَ گوشگ لوٹاں کہ ھر وڑیں ایٹمی تاکت ءِ بہ بیت پاکستان ، چین ھرکس بہ بیت ۔ بکول ءِ جنرل اسلم ئیگ ءَ” وشی ءَ ھچ کس چہ مئے وتن ءَ یک ڈوکے برت نہ کنت بلے ھئو مئے نزوری ، نالائکی برت کن انت اگاں ناں ھچ برت نہ کن انت ۔

تامر ءِ دگہ ندارگی ءَ وتی گڈی کلوہ ءَ جند ندر گوش ایت کہ درساں پیش ڈیھے نمیرانیں سراں دروت ، من کربان باتاں آیانی پادانی چیر ءِ ھاکانی کہ آیاں پہ آوکیں پدریچ ءِ ھاتر ءَ وت ءَ کربان کتگ ، مئے ھر یک نمیرانیں سرے ءَ وتی گپ جھان ءَ سر کتگ کہ تو مئے یک ڈوک ءِ برت نہ کن ئے ۔

آ گوش ایت کہ آ ھرکس بہ بیت ، چین ، پاکستان. یا جھان ءِ ھر وڑیں تاکت ءِ بہ بیت تاں ھما وھد ءَ بلوچ ءِ رزا نہ بیت چریشاں چہ ھچ برت نہ کن انت ءُ راج درست ءَ سرپد ایں ۔ مئے ھر یک ورنایے دیمھونی داتگ ءُ اے کلوہ داتگ کہ اے ورنا پرچا دیمھونی دیگ ءَ انت ۔ ما دراہ سرپد ایں کہ یک ھنچیں زورگیرے کہ آئی ءِ ھچ گوستانک ءِ نیست پنجاپ ءِ ھچ راجدپترے نیست ۔

دیمتر ءَ گوش ایت بژن ھمیش ایں کہ ھمائی ءَ وتی راجدپترے نیست ھمائی ءَ راجدپتری ڈیھے کبزہ کتگ ۔ مئے ھر یک نمیرانیں سرے ءَ راج ءَ ھمے کلوہ داتگ کہ بگیر توپک ءُ جنگ ءَ مئے ڈیھ ءَ ایمنی اتک نہ کنت ، زورگیر ءِ در کنگ ءَ وتی دیمھونی دیگ کپ ایت ۔

جند ندر بلال گوش ایت کہ وتی ھون ریچگی انت اشی ءَ ابید مئے گور ءَ دگہ ھچ نیست ۔ ما اے گپ ءَ دراہ سرپدیں کہ پاکستان مئے مال ءُ مڈیانی برگ ءَ ھوار مئے چک چینی ءَ کنگ ءَ انت ۔ پاکستانی پوج ، ایپ سی ، سی ٹی ڈی ھر روچ مارا ھر روچ کوشگ ءَ انت اشی ءَ ابید دگہ بازیں پالیسی ءِ مئے سر ءَ دور داتگ ، ھزارانی کچ ءَ ورنا نشہ آماچ انت ، کپتگ انت ھچ سدے پرنیست ۔

آ گوش ایت کہ دژمن مارا ھمے واست ءَ یل نہ کنت مئے راج وت ماں وت دلگوش کتگ ۔ ھر شپ ادار سے ءَ گسانی تہ ءَ دور کن انت چادر ءُ چاردیوالی ءَ لگت مال کنت ۔

آ دیمتر ءَ گوش ایت کہ درساں مستریں زالم ھما انت کہ آئی ءِ سر ءَ زلم بوگ ءَ انت ءُ ھچ نگوش ایت ۔ دژمن گوش ایت کہ اے برین واش کنگ بوتگ انت ، ایجنٹ انت جزباتی آں بلے مئے شھیداں اے پدر کتگ نمیرانیں استاد اسلم ءَ وتی چک ءِ دیمھونی داتگ ۔ ھچ وڑیں ایجنٹ وتی چک ءَ ٹکر ٹکر بوگ ءَ دیم نہ دنت ۔ انسان ھمینچو جزباتی بہ بیت ، برین واش بہ بیت آ وتی چکاں یل نہ دنت ءُ اے ماتی شاری ءُ استاد اسلم ءَ پدر کتگ.

جندندر بلال گوش ایت اے زورگیرے درکنگ ءَ ھر یک ماتے ءَ شاری ءُ لمہ یاسمین جوڑ بوگی انت ھر یک پتے ءَ استاد اسلم بوگی انت ، ھر گھارے ءَ ماھل ءِ وڑ ءَ بوگی ایں ھر یک براتے ءَ ریھان جان ءُ سربلند وڑ ءَ بوگی ایں گڑا اے زورگیر پاکستان ءَ در کت کن ایں بید ھون ءِ ریچگ ءَ دیمھونی دیگ ءَ ھچ نہ بیت ۔

مجید برگیڈ ءِ جندندر بلال گڈسر ءَ ھمے گوش ایت کہ من وتی راجی پوج بی ایل اے ءِ منت ءَ گراں ھما سنگتانی جند ندر درویش ، جند ندری ریھان جان وت ءَ ٹکر ٹکر کتگ ءُ اے راہ ءِ بنھشت ایر کتگ ءُ بلوچ لبریشن آرمی ءَ مھکمی ءَ اے راہ گپتگ ءُ دیما برتگ اد ءَ سر کتگ ۔ سنگتاں رکست نہ ایں یک جاھیں۔

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ سی مئی ءُ سی یک مئی ءِ میان ءَ جتاجتائیں دمگاں بیست ءُ دو کاروائی کتگ، آیانی تہ ءَ زورگریں پوج، پولیس ءُ چریک ڈیتھ اسکواڈ نشانگ کتگ اَنت- اے اُرشانی آسر ءَ زورگریں پوج ءِ سیزدہ کارندہ مرتگ ءُ ھشت ٹپی بیتگ اَنت، وھدے کہ پولیس ءُ ڈیتھ اسکواڈ ءِ کارندھاں چہ مزنیں کچے ءَ سلاہ دستیگ کتگ اَنت- اے میان ءَ بلوچستان ءِ بُنجاھی شھدگ سر ءَ سرمچاراں سرجمی ءَ دستیگ برجاہ داشتگ، اود ءَ زورگریں پوج ءِ سامان سر کنوکیں گاڑی نشانگ کنگ ءِ ھمراھی ءَ، گل ءِ انٹیلی جنس ونگ، زراب، ءِ چیریں ھالانی سر ءَ ڈیتھ اسکواڈ ءِ پُرکاریں کارندہ دزگیر ھم کتگ اَنت- زورگریں پوج ءَ گوں اے تُرندیں میڑانی میان ءَ بی ایل اے ءِ سرمچنڈیں سرمچاراں سنگت چاکر ءَ دلیری جنگ دیان ءَ نمیران بیتگ-

بیست ءُ سے مئی : شال ءِ دمگ پنجپائی بلوچ لبریشن آرمی ءِ سرمچاراں زورگریں پاکستانی پوج ءُ سی ٹی ڈی ءِ اے یکجاھی ٹولی یک دامے ءَ آورتگ ءُ نشانگ کتگ اَنت کہ دمگ ءَ پوجی زوراکی ءِ نیئت ءَ پیشگامی کنگ ءَ بیتگ اَنت- سرمچاراں شھدگ سر ءَ شورواں پُریں یک گاڑی یے ءَ چہ ریموٹ کنٹرول تراکے کتگ، چریشی ءِ نشانگ ءَ آؤکیں زورگریں پوج ءِ دو گاڑی ءُ پیادگ ٹولی اَتکگ اَنت- اے سوبمندیں تراک ءِ آسر ءَ سی ٹی ڈی چار کارندہ جاہ پہ جاھی مرتگ اَنت ءُ شش ٹپی بیتگ اَنت – اشی ءَ زوت پد سرمچاراں زورگریں پوج ءِ دگہ پوجی ٹولیانی سر ءَ سنگر گپتگ ءُ اُرش کتگ چریشی ءِ آسر ءَ دُژمن ءِ سے کارندہ مرتگ- اے تُرندیں میڑ ءِ میان ءَ سرمچاراں سنگت چاکر ءَ سرڈگار ءِ پھاز ءَ وتی دیمونی دیان ءَ نمیران بیتگ- ھمے روچ ءَ ھاران ءِ دمگ گرُک ءَ سرمچاراں زورگریں پوج ءِ یک گاڑی یے ریموٹ کنٹرول آئی ای ڈی ءَ نشانگ کتگ سکا مالی ءُ جانی تاوان ءِ دیمپانی کنگ کپتگ- اشی ءَ اَبید ،نوشکی ءَ مَل ءِ ھند سر ءَ سرمچاراں شال -تفتان راجی شھدگ سر سرجمی ءَ دستیگ کتگ زورگریں پوج ءِ واستا راشن بروکیں پنچ گاڑی مانداشتگ اَنت-

بیست ءُ چار مئی : مستونگ ءِ دمگاں کردگاپ ءُ کانک ءَ دو جتاجتائیں آپریشنز ءِ میان ءَ زورگریں پوج آئی ای ڈی ءُ سنگر گپتگ ءُ اُرشانی نشانگ کتگ، چریشی ءَ دُژمن ءِ چار کارندہ مرتگ ءُ بازین ئِے ٹپی بیتگ اَنت- اے درچ ءَ، ببری ءِ ھند سر ءَ شال – تفتان دگ سر ءَ ناکہ بندی جتگ زورگریں پوج ءِ ھشت سامان بروکیں گاڑی مانداشتگ ءُ سرجمی ءَ تباہ کتگ اَنت-

بیست ءُ پنچ مئی : بسیمہ ءِ ھند سر ءَ سرمچاراں یک کاروائی ءِ میان ءَ شمشی ایئربیس ءِ واستا تیل بروکیں یک آئل ٹینکرز وتی دستیگ کنگ ءَ پد مانداشتگ – اے میان ءَ مستونگ ءِ دمگ کردگاپ ءَ شال – تفتان شھدگ سر ءَ کاروائی کنان ءَ دگہ چار سامان بروکیں گاڑی تباہ کتگ اَنت- وھدے کہ پنجگور ءِ دمگ چتکان ءَ ڈپٹی کمشنر کارگس ءِ سر ءَ سیکیورٹی ءِ واستا ساڑی پوجی کارندھانی سر ءَ یک سوبمندیں دستی بمب اُرشے کتگ-

بیست ءُ شش مئی : بی ایل اے ءِ سرمچاراں دالبندین ءَ شال – تفتان شھدگ سر ءَ برجاہ گچین ءِ سورگل پُھل ءُ ھاران – شال شھدگ سر ءَ برجاہ یک بُنجاھی پُھلے تراکناکیں شورواں چہ تراکینتگ ءُ تباہ کتگ، چریشی ءَ چہ دُژمن ءِ جھلی اھوال بند بیتگ- ھمے روچ ءَ سرمچاراں یکیں وھد ءَ دو جتاجتائیں ھندانی سر ءَ ناکہ بندی کتگ، کہ ھاران – کراچی شھدگ ساروان ءِ ھند سر ءَ ھاران – شال شھدگ نوروز کلات ءِ ھند سر ءَ بازیں کلاکاں تاں گل ءِ دستیگ بیتگ- اے میان ءَ نوشکی ءِ دمگ جنگلات ءَ زورگریں پوج ءِ چار سامان بروکیں گاڑی داشتگ ءُ مانداشتگ اَنت- کلات ءِ دمگ گرآپ ءَ زورگریں پاکستانی پوج ءِ پیادگ کارندہ ھما وھد ءَ نشانگ کتگ اَنت وھدے آ وتی پوسٹ ءِ واستا آپ برگ ءَ بیتگ اَنت- اے روچ ءَ مستونگ ءِ دمگ کردگاپ ءَ سرمچاراں پیشگامی کنوکیں دُژمن ءِ ٹولی مزنیں کچے ءَ جانی تاوان داتگ اَنت- اے بے سوبی ءَ زورگریں پوج ءِ تیرگواریں ھیلی کاپٹراں چہ نزیک لَس آبادی ءِ سر ءَ سر ءُ دیم تیرگواری کتگ، بلے سرمچاراں وتی سنگر گوں مھکمی ءَ داشتگ ءُ دُژمن ءِ پیادگ ٹولی پسّھی اُرش ءِ نشانگ کتگ ءُ آ پُشتکنزی ءَ لاچار کتگ اَنت-

بسیت ءُ ھپت مئی : عید ءِ روچ ءَ بی ایل اے ءِ سرمچاراں ھاران ءَ راجی عید مُچی ءَ جوانیں وڑے ءَ بھر زرتگ ءُ راج ءَ چہ گلی ءُ سیاسی تران کتگ- مستونگ ءِ دمگ اسپلنجی ءَ ھم سرمچاراں عید ءِ روچ ءَ سرجمیں دمگ دستیگ کتگ دمگی آبادی ءَ چہ گند ءُ نند کتگ- اے میان ءَ زورگریں پوج تُرس ءِ سوب ءَ وتی بُنجل ءَ چہ دراھگ ءِ ھمت نہ کتگ، بلے آیاں وتی بُنجل ءَ چہ لَس آبادی ءِ سر ءَ مارٹر ءَ چہ گولہ آس داتگ چریشی ءِ نشانگ ءِ آیگ ءَ چار لس شھری ٹپی بیتگ اَنت- ھمے روچ ءَ بسیمہ ءِ دمگ ساجد ءَ سرمچاراں یک انٹیلی جنس بیسڈ آپریشن ءِ میان ءَ ریاستی ڈیتھ اسکواڈ ءِ گچین ءِ کارندہ محمد بخش سمالانی ءِ اوتاک سر ءَ اُرش کتگ آ کشتگ، وھدے کہ آئی ءِ دگہ سلاہ بندیں ھمراہ پڑ یل داتگ ءُ تتکگ اَنت- سرمچاراں آئی ءِ اوتاک ءِ سرجمیں سلاہ ءُ پوجی ساز ءُ سامان وتی دستیگ کتگ اَنت- پنجگور ءِ دمگ پُھل آباد ءَ سی پیک(CPEC) ءِ دگ سر ءَ سرمچاراں بازیں کلاکاں تاں ناکہ بندی کتگ پٹ ءُ پول کتگ، چریشی ءِ میان ءَ ریاستی ادارہ نادرا (NADRA) ءِ یک گاڑی یے دستیگ کتگ ءُ آ سرکاری سامان ءَ ھوار مانداشتگ – اشی ءَ اَبید ھُزدار ءِ دمگ باغبانہ ءَ سمبان ءِ ھند سر ءَ سرمچاراں راج ءِ شکایات ءِ سر ءَ کاروائی کنان ءَ چار پولیس کارندہ دزگیر کتگ اَنت، آیانی سر ءَ گاڑیانی درکانودی زر گرگ ءِ بھتام بیتگ- سرمچاراں آیانی سلاہ دستیگ کتگ اَنت ءُ دیمتر ءَ راجی پُلپانچی ءَ پُرکاری ءَ چہ یک کر بیگ ءِ تُرندیں کڈن کتگ ءُ یل داتگ اَنت-

28 مئی : تمپ ءِ دمگ بالیچہ ءَ سرمچاراں زورگریں پوج ءِ بُنجاھی بُنجل ءِ سر ءِ گرنیڈ لانچر ءَ چہ بازیں گولھے آس داتگ، چریشی ءَ چہ دُژمن ءَ سکا جانی ءُ مالی تاوان داتگ-

سی مئی : نوشکی ءِ دمگ نیامدرگی ءِ ھند سر ءَ سرمچاراں زورگریں پوج ءِ یک پوجی کاروان سنگر گپتگ ءُ نشانگ کتگ ءُ دُژمن ءَ را مزنیں کچے ءَ تاوان چست کنگ کپتگ- ھمے روچ ءَ نوشکی ءِ دمگ قادر آباد ءَ ‘زراب ‘ ءِ داتگیں چیریں ھالانی سر ءَ کاروائی کنان ءَ ڈیتھ اسکواڈ ءِ کارندہ پجّار ءَ پد دزگیر کتگ اَنت، چریشی ءَ پد سرمچاراں بُنجاھی شھدگ دستیگ کتگ-

جارکش ءَ گوشتگ کہ بلوچ لبریشن آرمی سرڈگار ءِ سر ءَ زوراک ءِ سرجمی ءَ ھلاس کنگ ءُ وتواجھی ءَ تاں وتی کاروائیاں ھمے وڑ تُرند ءُ مھکمی ءِ ھمراھی ءَ برجاہ دارگ ءِ کول ءَ کن ایں-

جھانی رسانکدر بی بی سی ءِ رد ءَ مروچی بزاں سی ءُ یک مئی ءَ اگاں آزمان ساپ بوت گڈا ماہ وت ءَ مروچی دوبر سرجم ءَ زاھر بیت ۔ آ تھاری ءَ نگرہ ءِ تال ءِ وڈا جلکش ایت ۔ مئی ماہ ءِ اے دومی رند انت کہ ماہ دوبر وت ءَ سرجم ءَ زاھر کنت ۔ بلے اے ماہ ءِ نام مٹ انت اشی ءِ نام بلیو مون ایر کنگ بوتگ ۔

یکیں ماھے ءِ تہ ءَ دو رند ءَ سرجمیں ماھے زاھر بوگ سک کم گندگ بیت ءُ نوکیں گپ ئے ھمے ھاتر ءَ اے ماھے دومی براں سرجمی ءَ زاھر بوکیں ماھے نام ”بلیو مون “ گوشگ بیت ۔

یکیں ماہ ءَ دو رند ءَ سرجمیں ماہ چوں گندگ بیت ؟

ماہ زمین گولائی ءَ تر ایت بلے اے میان ءَ آئی ءِ رپتار یک وڈ نہ بیت ۔ وھدیکہ روچ یک نیمگے ، زمین ءُ ماہ یک برابر بنت گڈا ماہ سرجم ءَ زاھر بیت ۔ ھما ساھت ءَ اے ھر سئینانی بنجاہ یکیں خط ءِ سرا کائینت ءُ ھما وھد ءَ سرجمیں ماہ بیت ۔

اشی ءِ دگہ سوب ءِ ایش انت کہ گریگورین کلینڈر ءِ درسیں ماھانی تہ ءَ روچ یک وڈ نہ انت لھتے ماھانی بیست ءُ ھشت روچ بنت لھتے ءِ سی ءُ سی ءُ یک ۔ ھمے ھاتر ءَ اگاں یک ماھے ءِ سی روچ بہ بنت ءُ آئی ءِ بنداتی روچاں اولی ءَ ماہ سرجم ءَ زاھر بہ بیت گڈا شک دارگ بیت کہ گڈسر ءَ ھم ماہ سرجمی ءَ زاھر بیت ۔

اے ماہ ءِ اولی ءَ ھم ماہ سرجم ءَ زاھر بوتگ یک مئی ءَ وھدیکہ دومی 31 مئی ءَ ءُ اشی ءَ بلیو مون گوش انت۔

ماھ سرجمی ءَ زاھر بوگ ءَ چینچو وھد جنت ؟
زمین ءِ گولائی ءَ ماھے یک چکرے ءِ سرجم بوگ ءَ 27.3 روچ لگ ایت بلے مارا ھر 27.3 روچ ءَ پد ماہ گندگ ءَ نہ ایت ۔ وھدیکہ ماہ وتی 360 درجہ ءِ چکر ءَ سرجم کنت گڈا آ وھد ءَ زمین ھم چہ وتی مدار ءَ دیم ءَ کنز ایت ۔ سرجمیں ماھے زاھر بوگ ءَ روچ ، زمین ءُ ماھے یک گچینی وڈے بیت بلے چوش کہ زمین دیم ءَ روت گڈا اے وڈ مٹ بیت ھمے واست ءَ ھر رند ءَ ماہ سرجم ءَ گندگ نہ بیت۔ اشی ءَ ابید ماہ زمین ءِ گولائی ءَ مدار ءَ نہ چکر ایت بلکنہ ھیک ءِ مدار ءَ تر ایت وھدیکہ ماہ زمین ءِ نزیک ءَ بیت گڈا تیزی ءَ گوں رؤت ءُ اے جاہ ءَ پیریجی گوش انت وھدیکہ چہ زمینءَ دور بیت گڈا آئی ءِ رپتار کم بیت ءُ آئی ءَ اپوجی گوش انت ۔

آئی ءَ نام بلیو مون چوں پرکپتگ ؟

فلکیاتی رد ءَ موسم دو بھر کنگ بوتگ انت وھدیکہ روچ ءُ شپ برابر بنت ءُ وھدیکہ سال ءَ شپ یا روچ درساں گیش دراج بنت ۔ یک شمسی سال ءِ کساس 365.224 روچ بنت ھمے ھاتر ءَ ھر موسم ءَکساس 91.3 روچ بنت ۔ چوشکہ سرجمین ماھے اوسط 29.53 روچ انت ھمے ھاتر. ءَ یک موسمے ءِ تہ ءَ سے سرجمیں ماہ بنت. بلے پدا ھم موسم مٹ بوگ ءَ برے برے چار رند ءَ بوت کن انت.

ناشناسیں سلاہ بندیں مردماں باپاری مردمے ءَ ھوار کسانیں زھگے آوار جتگ ءُ گوں وت برتگ ۔

گیشیں ھالانی رد ءَ بلوچستان ءِ دمگ کیچ ءِ دمگ تمپ رودبن ءَ گوستگیں روچ ءَ ناشناسیں پرپٹ سواراں باپاری مردم عبدالحلیم ءِ زھگ خلیل توپک ءِ زور ءَ آوار جتگ ءُ گوں وت برتگ ۔

ھالانی رد ءَ آوار جنوکاں چہ کھول ءَ مزنیں ملامے ءِ لوٹ کتگ بلے تنی وھدی کھول ءُ واکدارانی نیمگ ءَ ھچ وڈیں گپ دیم ءَ نہ اتکگ.

زانگ بہ بیت اشی ءَ پیش ھم تمپ ءِ دمگ پھل آباد ءَ یک ورنایے آوار جنی ءِ ھال اتکگ ات کہ چہ آئی ءَ ملال ءِ لوٹ اتگ کہ چریشی ءَ پد دمگ ءِ تہ ءَ ایمنی جاورھالانی سرا جست کنگ بوگ ءَ انت۔

دومی نیمگ ءَ کیچ ءُ تمپ ءِ سیاسی ، چاگردی ءُ لس مھلوک ملام گری ءُ اے وئیلاں پدردی درشانگ ءُ ترندی ءَ گوں ایرجنگ ءَ انت ۔

مھلوک ءِ گوشگ انت کہ اے دابیں کار دودمان ءُ چاگرد ءَ چپ انت ءُ اے وڈیں کار کنوکانی بگیری ءَ گامگیج زورگ بہ بیت۔

دومی نیمگ ءَ شمبے ءِ بیگاہ ءَ دشت بل نگور ءَ سلاہ بندیں مردماں باپاری مردم اکیل اکبر آوار جتگ ۔

اے مرد ءِ درگت ءَ ھمے گوشگ بوگ انت کہ اے دمگ ءَ لاٹری ءُ دگہ کاراں دلگوش انت ۔ بلے تنی وھدی آئی ءِ آوارجنی ءَ پد ملام گری یا دگہ ھچ وڈیں گپ دیم ءَ نہ اتکگ۔

بلوچستان ءِ جتاجتائیں دمگاں چہ پاکستانی لشکر ءِ دست ءَ زورانسری بیگواہ بیتگیں دگہ چار مردمانی یل بوگ ءِ ھال رس اِتگ انت۔

گیشیں ھالانی رد ءَ گوادر ءِ دمگ سردشت کلانچ ءِ نندوکیں نور خان ء نزر مھمد کہ 28 مارچ 2026 ءَ بیگواہ بوتگ 23 مئی 2026 ءَ گوادر ءَ یل کنگ بوتگ۔

ھمے رنگ ءَ واشک ءِ دمگ ناگ ءِ نندوکیں شھاب بلوچ ء حاجی عطاء اللہ کہ 13 مئی 2026 ءَ زورانسری ءَ بیگواہ کنگ بوتگ ، 25 مئی 2026 ءَ واشک ءِ بسیمہ ءَ یل کنگ بوتگ ۔

دومی نیمگ ءَ کیچ ءِ دمگ گوکدان تربت ءِ نندوکیں نعمان ء حاجی عیسیٰ کہ 18 اپریل 2026 ءَ چہ بیگواہ بوتگ 26 مئی 2026 ءَ ڈی سی آفس تربت ءَ یل کنگ بوتگ۔

ھمے وڑ 23 مئی 2026 ءَ دشت بلنگور ءَ پوج ءِ دست ءَ آوار جنگ بیتگیں امداد ء بیگ مھمد 31 مئی 2026 ءَ یل کنگ بیتگ-

بلوچستان ءِ جتاجتائیں دمگ کلانچ ءَ چاریگ ءِ کوش ءُ بارکھان ءَ پاکستانی پوج ءِ سر ءَ بیتگیں اُرشانی زمہ واری بی ایل ایف ءَ منّ اِتگ اَنت-

بلوچستان لبریشن فرنٹ ءِ جارکش میجر گْوھرام بلوچ ءَ وتی درشانے ءَ گوشتگ کہ 12 اپریل 2026 ءَ روچ ءِ یازدہ ءِ نزیک ءَ بالاچ لوھارانی مری وتی کھول ءِ ھمراھی ءَ بارکھان ءِ ھند لھومہ زرین، نھار کوٹ ءَ سپر کنگ ءَ بوتگ کہ زورگریں پاکستانی پوج ءَ آیانی گاڑی ءِ سر ءَ گوں ترندی ءَ تیرگواری کرتگ، ایشی آسر ءَ زھگ ءُ زالبولاں ھوار گاڑی ءَ سواریں گیشتریں کھول ءِ مردم جاھی شھید بوتگ اَنت۔ ایف سی ءَ بلوچ راج ءِ بگیری ءَ وتی دیریگیں کینگداری، ناشرکاری رویشت ءُ جنگی میارباری برجاہ داشتگ ءُ شھید بوتگیں کودکیں کھول ءِ لاش مانداشتگ اَنت۔

جارکش ءَ گوشتگ کہ زورگریں پوج ءِ دست ءَ کودکیں زھگ ءُ زالبولاں ھوار کھول ءِ کوش ءِ وھد ءَ بی ایل ایف ءِ سرمچار نزیکیں ھندے ءَ سپرے ءَ بوتگ اَنت۔ ھمے ھونیگیں ریاستی زوراکی ءَ یک کودکیں بلوچ کھولے ءِ ھونانی ریچگ ءِ ھال ءِ رسگ ءَ بی ایل ایف ءِ سرمچاراں زوت وت ءَ سر کرتگ ءُ زورگریں پوج ءِ کارندہ چہ چاریں نیمگاں انگر کرتگ اَنت ءُ ارش کرتگ۔ زورگریں پوج ءُ سرمچارانی میان ءَ داں نھ اداراں جنگ برجاہ بوتگ، سرمچارانی پد ماں پدیں ارشاں یازدہ پوجی مرتگ ءُ باز ٹپی بوتگ۔ میڑ ءِ میان ءَ دژمنیں پوج ءَ بالی کمک ءُ پہ چاریگی ءَ ڈرون کارمرز کرتگ، سرمچاراں تیرگواری کرتگ جتگ ءُ دور داتگ۔

جارکش ءَ گوشتگ کءِ بارکھان ءِ اے ویل اناگتی ویلے نہ بوتگ، بلکیں بلوچستان ءَ پاکستانی زورگپتی ءِ دراجکش کنگ ءِ بلوچ چکچینی ءِ درچ اِنت۔ گوستانک شاید اِنت کہ ھمک نوک آبادکاریں تاکت ءَ پہ وتی واکداری ءِ برجاہ دارگ ءَ ھمے وڑ ءَ ناھکیں زوراکی، مچی سزا ءُ درکانودی کوش ءِ کمک ءَ زرتگ۔پاکستان ھمے زورگری پالیسی ءِ سر ءَ کار کنگ ءُ بلوچ راج ءَ مچی سزا ءِ رد ءَ نشانگ کنگ ءَ اِنت دانکہ راجی باندات ءُ آجوئی ءِ جھد ءَ داشت بہ کنت۔

میجر گْوھرام بلوچ ءَ درشان ءِ گڈی ءَ بارکان ءَ بالاچ لوھارانی مری ءِ کھول ءِ کوش ءِ پژدر ءَ اے کاروائی ءَ یازدہ پوجیانی کوش ءِ زمہ واری من اتگءُ گوشتگ کہ بلوچ راج ءَ سدکی دے ایں کہ کودکیں زالبول، زھگءُ کماشانی ھونانی یک یک ترمپ ءِ ھساب ءَ گر ایں۔ زورگریں ریاستءُ آئی پوجیانی بگیری ءَ اے دیمپانی جنگ ءَ داں بلوچستان ءِ سرجمیں آجوئی ءَ برجاہ دار ایں۔

ھمے وڑ دگہ کاروائی ءَ جارکش میجر گْوھرام بلوچ ءَ وتی درشان ءَ گوشتگ کہ بی ایل ایف ءِ سرمچاراں 28 مئی 2026 ءَ کلانچ ءِ ھند ڈاک بازار ءَ بلوچ راجی میاربار ءُ ریاستی کمکار الی شیر ء لال بخش تیرگواری کتگ ءُ کشتگ۔ سرمچاراں کلانچ، ڈاک بازار ءَ الی شیر ءِ دارگ ءِ کوشست کر
تگ، آ اوشتگ ءَ ابید جستگ ءُ یک گسے ءَ پترتگ۔ سرمچاراں آئی رندگیری کتگ ءُ زند ءَ دزگیر کنگ ءِ کوشست کتگ بلے آئی چہ دزگیری دیگ ءَ ابید سرمچارانی سر ءَ تیرگواری کتگ۔ سرمچاراں پہ وتی پھریزگ ءَ پسھی کاروائی کتگ ءُ آئی سر ءَ تیرگواری کتگ کہ آ جاھی مرتگ۔

جارکش ءَ گوشتگ کہ علی شیر ء لال بخش کلانچ، واجہ بازار ءِ جھمنند اِنت ءُ زورگریں ریاست ءِ چیریں ادارھانی کارندھے بوتگ۔ آ پہ چیریں ادارھانی چاریگی ءِ وڑیں ٹوھیں میار ءَ تچک ءَ ھوار بوتگ۔ کلانچ ءِکوھی ھنداں بوتگیں بازیں پوجی لشکرکشیاں ھم علی شیر زورگریں پوج ءِ سروکی کتگ ءُ کمک کتگ۔ چہ گل ءِ نیمگ ءَ باز بر ءَ کڈن کنگ ءَ ابید آئی بلوچ راجی زرمبشت ءِ بگیری ءَ وتی کمکاری سرگرمی یل نہ داتگ اَنت۔

جارکش ءَ گوشتگ کہ علی شیر پسنی، کلانچ ءُ شادی کئور ءِ ھنداں آئی ایس آئی دگہ یک نزیکیں کارمندے گوں بالاچ ءَ ھوار کار ءَ بوتگ۔ یاد بہ بہ اِت کہ زورگریں پوج ءِ سروکی ءَ بالاچ ءَ وت ءَ یک زاتی آزارجاھے ھست، آ بلوچ راجی زرمبشت ءَ ھمگرنچیں سیاسی کارکنانی آوار جنگ ءُ رستری آزار دیگ ءُ پہ زور گوں ریاستءَ کمک کنگ ءَ لاچار کنت۔

جارکش ءَ گوشتگ کہ بی ایل ایف بالاچ ءَ ھوار درسیں ھندی چاریگ، بے زردیں ریاستی کارندھاں گڈی بر ءَ گوں ساپ ءُ تچکیں لبزاں کڈن کنت کہ آ زورگریں پوج ءِ چاریگی، آجوئی زرمبشت ءِ بگیری ءَ چاریگی ءُ بلوچ پسگانی آوار جنگ ءُ آزار دیگ ءَ زوت بند بہ کن اَنت، اگاں نہ آ وتی گڈی آسر ءَ سر بوگ ءَ جاڑیگ بہ بنت۔

میجر گْوھرام بلوچ ءَ درشان ءِ گڈی ءَ کلانچ ءَ ریاستی چاریگ علی شیر ءِ کوش ءِ زمہ واری من اتگ۔

مکران کوسٹل ہائی وے ءِ سر ءَ چُربندن کراس ءِ نزیک ءَ شمبے ءِ سھب ءَ دو لاش دزکپتگ انت۔ پولیس ءِ بنشون ءِ رد ءَ لاش دستیگ کنگ بوتگ اَنت ءُ آر ایچ سی پسنی ءَ سر کنگ بوتگ اَنت کہ اود ءَ آھانی پجار بنگلہ بازار پسنی ءِ نندوکیں استاد محمد سراج کلانچی ء استاد ھاسل ءُ سردل خان ء شیر خان ءِ ناماں زانگ بوتگ اَنت۔

بنشون ءِ رد ءَ سردل خان 23 نومبر 2025 ءَ پاکستانی لشکر ءَ گوں ھاتر ء میردوست ءِ ھمراھی ءَ آوار جتگ ۔ لوگ ءِ مردماں گْوشتگ کہ گْوشگ بیتگیں شپ ءَ آیانی لوگ ءِ دپ ءَ دو گاڑی ءُ پنچ موٹر سائیکل اوشتاتگ اَنت ءُ پد ءَ بازیں سلاہ بندیں مردم لوگ ءِ تہ ءَ اتکگ ءُ سردال خان ءَ زورانسری ءَ برتگ اش ۔

کھول ءِ مردمانی گْوشگ اِنت کہ میر دوست ءِ بچ ھاتر کہ ھمے دور ءَ ڈگاراں کارا بیتگ آ ھم چہ ڈگاراں دستگیر کنگ بیتگ ءُ ناشناسیں جاھے ءَ برگ بیتگ۔

مرچی چُربندن کراس ءِ نزیک ءَ دزکپتگیں ب لاشانی تہ ءَ یکے ءِ پجار سردل خان ءِ نام ءَ بوتگ ءُ دومی ءِ پجار استاد محمد سراج کلانچی ءِ نام ءَ بوتگ۔

نیشنل کالج آف آرٹس لاھور ءِ فلم سازی ءِ تک ءِ نودربر مھراب خالد ءِ بیگواھی ءِ اھوال دیم ءَ اتکگ-

ھالانی رد ءَ 29 مئی ءِ شپ ءَ 12:30 ءِ نزیک ءَ مھراب خالد ناشناسیں مردماں آوار جتگ ءُ برتگ ءُ بلے پد ءَ آئی ءِ جاہ ءُجاور ءِ بابت ءَ انگت ءَ ھچ وڑیں سرپدی پدر نہ بوتگ۔

بنشون ءِ رد ءَ مھراب خالد ءِ ھمراھی ءَ آئی ءِ ھشت ھمکلاس ھم دزگیر کنگ بیتگ اَنت۔ پد ءَ اے درستیں نودربر یلہ کنگ بوتگ اَنت بلے مھراب خالد انگت یل کنگ نہ بیتگ-

بلوچ یکجھتی کمیٹی ءَ گوشتگ کہ بلوچستان ءِ دمگ مشکے ءَ گوستگیں شش روچ ءَ چہ برجاہ کرفیو ءَ راجی زند سک سانمند کتگ- اے جاورھالاں ھمکروچی زند جنجال کتگ مردم لوگانی تہ ءَ نندگ ءَ لاچار کتگ اَنت- شھریانی بُنکی سُر ءُ پُر ءِ آزاتی ءَ چہ ھم زبھر کنگ بیگ ءَ اِنت، چریشی ءِ سوب ءَ راج سک اڑ ءُ جنجالانی دیمپان اِنت-

جارکش ءَ گوشتگ کہ عید ءِ روچ ءَ ھم مشکے ءِ مھلوک کربانی ءِ جناور ءِ زیرگ ءِ اجازت ھم دیگ نہ بیتگ، کہ مردمانی ھمکروچی زند ءِ ھمراھی ءَ مزھبی ءُ چاگردی پُرکاری ھم پاپند کنگ بوگ ءَ اِنت – اے وڑیں گامگیج راج ءَ یکشل ءَ تُرس ءُ بے اوستی ءِ تہ ءَ دور دنت-

جارکش ءَ گْوشتگ کہ وانگجاھانی بندی سوب ءَ نودربرانی زانشت سانمند بیگ ءَ اِنت- اے وڑ نادُراھجاھاں نادُراھاں ءُ آیانی کھول پوج ءِ نیمگ چہ یکو تُرسینگ ءُ دلسیاھی ءِ دیمپانی کنگ کپگ ءَ اِنت، چریشی ءِ آسر ءَ نادُراہ جسمانی آزار ءِ ھمراھی ءَ زھنی زور ءِ ھم نشانگ ءَ اَنت- جانسلامتی ءُ زانشت ءِ بُنکی آسراتیاں تاں رسگ ءَ اڑان ریاستی زوراکی ءُ انسانی سنگین ھلاپ ورزی ءِ بدتریں منانک اِنت-

بلوچ یکجھتی کمیٹی انسانی ھکانی گلاں چہ دزبندی کن ایں کہ آ مشکے ءُ بلوچستان ءِ دگہ دمگاں برجاھیں کرفیو زوت گامگیج بزور اِیت، راج ءِ بُنکی انسانی ھکانی پھاز ءِ ھاتر ءَ توار چست بکن اَنت ءُ اے وڑیں گامگیج ءِ ھلاپ ءَ جوانیں کرد پیلو بہ کن اَنت-