شال : ورنائیں وکیل پاکستانی پوج ءِ دست ءَ بیگواہ

گوستگیں شپ ءَ بلوچستان ءِ بُنجاھی شھر چہ شال ءَ پاکستانی پوج ءَ ورنائیں وکیل حکیم بلوچ ءِ زورانسری آوار جنی ءِ نشانگ کتگ ءُ ناشناسیں ھندے ءَ برتگ-

نزیکیں اِھوالکار رِد ءَ حکیم بلوچ ءَ پنجاب ءِ شھر چہ بھاولپور ءَ ایل ایل بی ءِ ڈگری زرتگ ءُ انّیگاں بلوچستان ءَ وکیلے پڑ ءَ ھمگرنچ بیتگ-

آئی ءِ زورانسری آوار جنی ءِ ھلاپ ءَ چاگردی پارٹی، انسانی ھکانی ءِ گلاں ءُ وکیلانی نیمگ ءَ چہ تُرس پدر کتگ – آیانی گوشگ اِنت کہ بلوچستان ءَ زورانسری آوار جنی ءِ دْرچ یکشل ءَ برجاہ ءَ اِنت-

آیاں لوٹ کتگ کہ حکیم بلوچ ءِ زوت یل بہ کن اِت-