بلوچستان ءِ شھر کیچ ءُ آواران ءَ دو جتا جتائیں اُرشاں پاکستانی لشکر نشانگ جوڑ کنگ بیتگ۔
دمگی مردمانی رد ءَ سئے شمبے ءِ سھب ءَ پاکستانی لشکر کیچ ءِ سیمسر ءِ دمگ زامران ءَ پیادگ ءَ گشت ءَ بیتگ کہ ارچنان ءِ ھند ءَ آئی ای ڈی ءِ اُرش ءَ یک کارندھے جاہ ءَ بیران بوتگ۔
چہ اُرش ءَ پد پاکستانی لشکر ءَ دمگ انگر کتگ ءُ تربت ءِ نیمگ ءَ چہ ھم دو فوجی ھیلی کاپٹر ھم ویل جاہ ءَ سر بوتگ اَنت ۔
دومی اُرش ض آواران ءِ دمگ تیرتج جِک ءَ بوتگ کہ دمگی مردمانی رد ءَ ناشناسیں مردماں پاکستانی لشکر ءِ کیمپ ءِ سر ءَ گوں مزنیں سلاھاں اُرش کتگ ۔ اے اُرش بازیں وھدے ءَ برجاہ بوتگ بلے انگت ءَ ھچ وڑیں مال ءُ جانی تاوان ءِ پدر کنگ نہ بوتگ۔