ظفر اللہ بنگلزئی ءِ زورانسری بیگواھی ءِ پانزدہ سال سرجم : مات ءِ میان اُستمانی ادارھاں چہ دزبندی

انجینئرنگ یونیورسٹی ھُزدار ءِ نودربر، ظفراللہ بنگلزئی ءِ زورانسری آوار جنی ءَ پانزدہ سال سرجم بیتگ، ظفر اللہ سیزدہ جولائی 2010 ءَ وتی ناکو ڈاکٹر سرور ءِ ھمراھی ءَ میتگ ءِ کابو، نزیک اسپلنجی، تھسیل دشت، مستونگ ءَ یک لشکر کشی ءِ میان ءَ آوار جتگ ءُ برتگ کہ ھما اِنت بیگواہ ءَ اِنت-

ظفراللہ بنگلزئی انجینئرنگ یونیورسٹی ھُزدار ءِ سول ٹیکنالوجی ڈیپارنمنٹ ءَ فائیل ایئر ءِ نودربرے بیتگ- آئی ءِ مات ءِ گوشگ رِد ءَ دراجکشیں بیگواھی ءِ کھول ءِ تُرندیں سسّائی ءِ نادُراھی ءِ آماچ اَنت-

ظفراللہ ءِ مات ءَ گْوشتگ کہ مئے لوگ یک کبرستانے جوڑ بیتگ، سرجمیں وشی مئے پُلّگ بیتگ اَنت- ما ریاستی ادارھاں، کمیشنز، آمیدگس ءُ ھرچ وڑیں فورم ءَ چہ شتگ ایں، بلے ھچ کس مئے پریات ءَ گوشدارگ ءَ جاڑیگ نہ اِنت-

نااُمیتی ءَ چہ آئی ءَ میان اُستمانی انسانی ھکانی ادارہ ءُ انساپ ءِ میان اُستمانی ادارھاں چہ دزبندی کتگ کہ آ آئی ءِ چُک یل کنائینگ ھاتر ءَ توار چست بہ کن اَنت-

آئی ءَ گْوشتگ کہ جھان انساپ پسندیں ادارہ ءُ انسانی ھکانی سرجمیں گلاں چہ دزبندی کتگ کہ منی چُک ظفراللہ بنگلزئی ءِ واستا توار چست بہ کن اِت دانکہ آ یل کنگ بہ بیت-