ھب پولیس ءَ گوستگیں روچ ءَ بلوچ یکجھتی کمیٹی ءَ بی وائی سی ءِ روانک سر ءَ بیڑبرتگ اَت تیرگواری کتگ اَت ءُ بازیں زھرشانی کنوکی دزگیر کتگ اَت-
گیشیں ھالانی رِد ءَ بی وائی سی ءَ پنچ جولائی ءَ زیشان زھیر کوش ءِ ھلاپ ءَ ھب ءَ یک زھرشانی روانکے برجم دارگ بیتگ اَت روانک ءِ میان ءَ پولیس ءَ زھرشانی کنوک انگیر ءَ کتگ ءُ بازیں مردمے دزگیر کتگ اَت-
بی وائی سی رِد ءَ ھب زھرشانی کنوکاں لسبیلہ پریس کلب ءِ دیم ءَ زھرشانی جُھد کتگ گُڑا ھب پولیس آ اود ءَ چہ داشتگ چریشی ءَ پد زھرشانی کنوکاں دگ سر ءَ روانک کش اِتگ-
ھمے میان ءَ پولیس ءَ تیرگواری کتگ ءُ روانک ءَ ھوار بی وائی سی ءِ کارکناں ءُ بیگواھیں مردمانی کھول دزگیر کتگ اَنت-
گل ءِ رِد ءَ پولیس ءَ اے کاروائی ءِ میان ءَ زورانسری بیگواھیں شبیر بلوچ ءِ کسانیں گھار، چہ ھُزدار ءَ بیگواہ سلمان بلوچ ءِ گھار ءَ ھوار دو زالبول کارکنان ءُ پاکستان ھیومن رائٹس کمیشن ءِ عبداللہ بلوچ ءَ دزگیر کتگ تھانہ ءَ برتگ اَنت-
بی وائی سی ءِ بھتام جتگ کہ پولیس ءَ دزگیریں کارکنانی موباھل پچ گپتگ ءُ آ وکیلاں چہ گند ءُ نند ءَ اجازت نداتگ اَنت وھدے پد ءَ ھمے مردم گڈانی جیل ءَ برتگ اَنت-
گل ءَ دزگیریں زالبولانی یل بیگ گپ راست کنان ءَ ایچ آر سی پی باسک عبداللہ بلوچ ءِ زوت یل کنائینگ لوٹ کتگ-