بلوچستان : پاکستانی پوج ءِ سر ءَ سے بمب اُرشاں، بازیں کارندھے ٹپی

بلوچستان ءِ دو جتاجتائیں دمگاں پاکستانی پوج بمب اُرشاں نشانگ کتگ، چریشی ءِ آسر ءَ بازیں کارندھے بیران ءُ ٹپی بیتگ اَنت-

بنداتی وئیل نصیرآباد ءِ دمگ ڈیرہ مراد جمالی ءَ بیتگ کہ اود ءَ تھانہ ڈیرہ مراد جمالی ھاک ءَ ھائی وے پولیس ءِ گشتی گاڑی سر ءَ قدیر کوٹ نزیک ءَ ریموٹ کنٹرول بمب اُرش کنگ بیتگ-

پولیس اِھوالکار رِد ءَ تراک ءِ آسر ءَ سے کارندہ نیک محمد بگٹی، غلام مرتضیٰ منگی ءُ ھاروان خان ٹپی بیتگ، کہ اود ءَ الاج ھاتر ءَ سول نادُراھجاہ ءَ برتگ-

دومی نیمگ ءَ وئیل کلات ءِ دمگ جوھان کراس نزیک ءَ مکی ءِ ھند سر ءَ بیتگ کہ اود ءَ پاکستانی پوج پُشت ماں پُشت ءَ دو بمب تراک ءِ نشانگ کنگ بیتگ اَنت-

اِھوالکار رِد ءَ اولی تراک بمب ڈسپوزل اسکواڈ سر ءَ کنگ بیتگ، وھدے کہ دومی تراک کمو دیر ءَ پد دگہ پیادگ کارندہ نشانگ کتگ-

بلے تنی وھدے اے اُرشانی زمہ واری ھچ گل ءَ نہ زرتگ اَنت- بلوچستان ءَ پاکستانی پوج بلوچ آجوئی لوٹوکانی سلاہ بندانی اُرشانی دیمپانی کنگ کپگ ءَ اِنت-