کلات زاوہ ءِ نزیک ءَ ناشناسیں سلاہ بندیں مردمانی تیرگواری ءَ چہ پولیس کارمند رب نواز لھڑی ء علی نواز لھڑی بیران بیتگ اَنت وھدے کہ آیانی سنگت فرید خان ء نواب خان ٹپی بیتگ اَنت-
کلات اسٹوڈنٹس فورم ءِ رِد ءَ پولیس کارندہ رب نواز کلات اسٹوڈنٹس فورم ءِ گوستگیں سنگتے بیتگ، یک پکری ءُ نزریاتی سنگتے باسکے بیتگ- آ فورم ءِ سنگتاں گوں ھر وھد ءَ راجی ھدمت ءِ جُھد کتگ-
زانگ بہ بیت آئی ءِ پت ھم لھتے ساری تیرگواری ء چہ بیران بیتگ –
بلے تنی وھدے کوش سوب زانگ نہ بیتگ، گیشیں پٹ ءُ پول دمگی انتزامیہ کنگ ءَ اِنت-