بلوچستان ءِ دمگ کیچ ءَ پاکستانی پوج ءَ دو مردم آوار جنگ ءَ پد بیگواہ کتگ انت-
گیشیں اھوالانی رد ءَ بلوچستان ءِ دمگ کیچ ءُ گوادر ءِ میانی دمگ دشت دورو کنڈگ چیک پوسٹ ءَ پاکستانی پوج ءَ دو مردم آوار جنگ ءَ پد بیگواہ کتگ انت-
آوار جنگ بیتگیں مردمانی پجار بسمل ء باسد ءُ رازک ء ھبیب ءِ ناماں زانگ بیتگ انت-
آوار جنگ بیتگیں ھردوکیں مردمانی کیچ ءِ دمگ مند ءَ انت کہ چہ گوادر ءَ دیم پہ مند ءَ روگ ءَ بوتگ انت نیم راہ ءَ پوج ءَ بیست ءُ نُھ جون ءَ آوار جتگ ءُ برتگ انت-
آوار جنگ بیتگیں مردمانی کھولاں انسانی ھکانی گل ءُ راجدوستیں پاٹیاں وتی دوستیگیں مردمانی واستا توار چِست کنگ ءِ لوٹ کتگ-