مروچی ھرنائی ءَ دزکپتگیں چاریں لاشانی تہ ءَ دو ءِ پجّار بیتگ اَنت-
گیشیں ھالانی رِد ءَ سعید مری آئی ءِ دو ورنائیں بچّانی ھمراھی ءَ بیگواہ کتگ اَنت آئی ءِ مزنیں چُک عبدالنبی مری ءِ لاش ھژدہ اپریل ءَ دکی ءَ چگل داتگ ءُ دروگیں میرے ءِ نام داتگ وھدے کستریں چُک وارس مری ءِ لاش یک مئی ءَ چہ سنجاوی ءَ دزکپتگ نی آ ھم دروگیں میرے ءَ جتگ وھدے کہ سعید مری ءِ لاش مروچی دزکپتگ کہ آ ھرنائی سنجاوی روڈ خام سر ءَ دگہ سے مردمانی ھمراھی ءَ دور داتگ-
ھمے وڑ عید محمد مری سے ماہ ءَ ساری چہ ھرنائی ءَ پوج ءَ دزگیر کتگ ءُ زورانسری بیگواہ کتگ مروچی آئی ءِ لاش دزکپتگ کہ آ تیر جتگ ءُ کُشتگ-
زانگ بہ بیت کہ بلوچستان ءَ انسانی ھکانی ھلاپ ورزی ءِ سنگین ءِ جاوراں ردوم زرتگ ءُ پوج درکانودی دزگیر کنگ ءُ آیاں کُش اِیت ءُ باز انچیں وئیل اَنت آیانی تہ ءَ یک لوگے ءَ چہ دو سے مردم دروگیں میڑے ءِ نام ءَ جتگ اَنت-
انّیگیاں بلوچستان اسمبلی ءَ چہ یک انسداد ناشرکاری ایکٹ ھم منّگ بیتگ اَنت کہ پوج ءَ کسے ءَ آوار جنگ ءَ بے لگام کتگ اَنت-